KOE TOHI A ISAIA 56:1-12 TON1884 - Bible AI

¹1 Oku eginaki ae balofita ki he maonioni. 3 Oku fakailo e mafola ia i he tae filifilimanako ki he tagata. 9 Oku ne valoki ae hau leo oku kui. OKU behe e Jihova, Tauhi ae fakamāu, bea fai maonioni: he oku ofi ae ha‘u a eku fakamoui, bea moe fakaha o eku maonioni.

²Oku monuia ae tagata oku fai ae mea ni, bea moe foha oe tagata oku buke ki ai; aia oku tauhi ae aho tabu tae fakauli ia, bea oku taofi hono nima mei he fai kovi kotoabe.

³Ke oua foki naa lea ae foha oe muli, aia kuo ne fakahoko ia kia Jihova, o behe, Kuo vahe‘i aubito au e Jihova mei hono kakai: bea oua naa behe e he iunoke, Vakai, koe akau momoa au.

⁴He oku behe e Jihova ki ho gaahi iunoke oku tauhi eku gaahi sabate, bea oku fili ae gaahi mea oku ou fiemalie ai, bea buke ki he eku fuakava.

⁵Io teu foaki kiate kinautolu i hoku fale bea i hoku lotoa ha botu, bea mo ha higoa lelei lahi i he gaahi foha moe gaahi ofefine: teu foaki kiate kinautolu ha higoa taegata, aia e ikai auha.

⁶Bea moe gaahi foha oe muli, oku fakahoko akinautolu kia Jihova, ke tauhi ia, bea ke ofa ki he huafa o Jihova, ke hoko ko eku kau tamaioeiki, ko kinautolu kotoabe oku tauhi ae aho tabu kae ikai fakauli ia, bea oku buke mau ki he eku fuakava;

⁷Io ko kinautolu teu omi ki hoku mouga tabu, bea teu fakafiefia‘i akinautolu i hoku fale lotu: e ma‘u i hoku feilaulauaga ae nau gaahi feilaulau tutu moe nau gaahi feilaulau; koeuhi e ui hoku fale koe fale lotu ki he kakai fulibe.

⁸Oku behe e he Eiki ko Jihova, aia oku tanaki ae kau liaki o Isileli, Ka teu toe tanaki mo ha niihi kiate ia fakataha mo kinautolu kuou tanaki kiate ia.

⁹Mou ha‘u ke keina, akimoutolu kotoabe ae faga manu oe goue, io, akimoutolu ae faga manu kotoabe oe vao.

¹⁰Oku kui hono kau tagata leo: oku vale kotoabe, koe faga kuli noa akinautolu kotoabe, oku ikai te nau faa kalou; oku mohe, bea tokoto hifo, o manake ki he mohe.

¹¹Io koe faga kuli uakai oku ikai aubito makona, bea koe kau tauhi tae ilo akinautolu: oku nau vakai kotoabe ki ho nau hala taki taha, ke ma‘u mea mei hono botu.

¹²Oku nau behe, Ha‘u akimoutolu, teu omi ae uaine, bea te tau inu ke tau fonu i he inu malohi; bea e tatau ae abogibogi moe aho ni, bea e lahi hake ia.