KOE TOHI A ISAIA 64:1-12 TON1884 - Bible AI

¹1 Oku hu ae jiaji ke ha ae malohi oe Otua. 5 I ke manatu ki he aloofa oe Otua, oku fakaha ia ae kovi oe loto tae liliu. 9 Oku lāuga ia i he e nau mamahi. TAUMAIA ke ke hae‘i ae gaahi lagi, koeuhi ke ke haele hifo, koeuhi ke tafe hifo ae gaahi mouga i hoo afio mai,

²O hage oku ulo ae afi vela, oku gaohi e he afi ae vai ke lili, ke behe hoo fakaha ho huafa ki ho gaahi fili, koeuhi ke tetetete ae gaahi buleaga i ho ao!

³I hoo fai ae gaahi mea fakamanavahe aia nae ikai te nau amanaki ki ai, naa ke haele hifo, nae tafe hifo ae gaahi mouga i ho ao i hoo afio mai.

⁴He talu ae kamataaga o mama ni oku heeki fanogo, be ogo‘i e he teliga, be mamata e ha mata, ki ha Otua mo koe, aia kuo ne fai ae gaahi mea behe ni ma anautolu oku tatali kiate ia.

⁵Oku ke fakafetaulaki kiate ia oku fiefia bea fai maonioni, kiate kinautolu oku manatu kiate koe i ho gaahi hala: vakai, oku ke houhau; he kuo mau fai agahala: ka oku tuu mau ena, bea te mau moui.

⁶Oku mau tatau kotoabe moe tae maa, bea oku tatau e mau maonioni kotoabe moe gaahi koga holoholo fakalielia; bea oku mau mae kotoabe o hage koe louakau; bea koe mau gaahi hia, o hage koe matagi, kuo ne avea akimautolu.

⁷Bea oku ikai ha taha oku ui ki ho huafa, be ue‘i eia ia ke buke kiate koe: he kuo ke fufu ho fofoga iate kimautolu, bea kuo fakaauha akimautolu, koeuhi koe mau gaahi hia.

⁸Ka koeni, E Jihova, ko koe koe mau tamai; koe umea akimautolu, bea ko ho mau gaohi koe: bea koe gaue a ho nima akimautolu kotoabe.

⁹Oua naa ke houhau lahi, E Jihova, be manatu mau ai be ki he hia: vakai, bea afio‘i, oku mau kole kiate koe, he ko hoo kakai akimautolu kotoabe.

¹⁰Kuo hoko koe toafa a hoo gaahi kolo maonioni, koe botu liaki a Saione, kuo auha a Jelusalema.

¹¹Kuo vela i he afi, a ho mau fale matamata eiki mo maonioni, aia nae fakamalo ai kiate koe ae mau gaahi tamai: bea kuo maumau e mau gaahi mea lelei kotoabe.

¹²Te ke taofi koe, E Jihova, koeuhi koe gaahi mea ni? te ke fakalogobe, bea fakamamahi lahi akimautolu?