KOE TOHI A ISAIA 66:1-24 TON1884 - Bible AI

¹1 Ke tauhi ae Otua lagilagi i he agavaivai moe mooni. 5 Oku ne fakafiemalie ki he agavaivai aki ae toutagata fakaofo, 10 bea moe gaahi tabuaki ki he jiagi. 15 Koe fakamāu majila ae Otua ki he kakai agahala. 19 E ma‘u e he Jenitaile ae jiaji maonioni, 24 bea te nau mamata ki he fakamalaia oe kakai agahala. OKU behe e Jihova, Ko hoku afioaga ae lagi, bea ko hoku tuuaga va‘e a mamani: kofaaia ae fale oku mou laga kiate au? bea kofaaia ae botu o eku mālōlō?

²He oku behe e Jihova, koe gaahi mea na kotoabe nae gaohi e hoku nima, bea kuo i ai be ae gaahi mea koia: ka teu vakai ki he tagata ni, io kiate ia oku majiva bea oku loto fakatomala mooni, bea oku tetetete i he eku folofola.

³Ko ia oku ne tamate‘i ae bulu oku hage ia kuo ne tamate‘i ha tagata; ko ia oku ne feilaulau aki ha lami, o hage kuo ne tuuji ke motu ae kia oe kuli; ko ia oku ne atu ha feilaulau, oku hage kuo ne atu ae toto oe buaka; ko ia oku ne tutu ae mea namu kakala, o hage kuo ne tabuaki ha tamabua. Io, kuo nau fili ho nau gaahi hala, bea oku fiefia ho nau laumalie i he e nau gaahi mea fakalielia.

⁴Bea ko au foki teu tuutuuni e nau gaahi mamahi, bea koe mea oku nau manavahe ki ai teu omi kiate kinautolu; koeuhi i he eku ui, nae ikai tali e ha toko taha; i he eku lea, nae ikai te nau fanogo: ka naa nau fai kovi i hoku ao, bea naa nau fili aia nae ikai teu fiemalie ai.

⁵Fanogo ki he folofola a Jihova, akimoutolu oku tetetete ki he ene folofola; Ko ho mou gaahi kaiga nae fehia kiate kimoutolu, o kabuji kitua akimoutolu koeuhi ko hoku huafa, naa nau behe, Ke ogoogoleleiia a Jihova: ka e afio ia ko ho mou fakafiefia, bea e ma akinautolu.

⁶Koe le‘o oe logoaa mei he kolo, koe le‘o mei he fale lotu lahi, koe le‘o o Jihova aia oku ne totogi totonu ki hono gaahi fili.

⁷I he heeki ai ke laga, naa ne faele‘i; i he heeki ai ke mamahi ia, nae faele‘i ia ae tamajii tagata.

⁸Kohai kuo ne fanogo ki ha mea behe? kohai kuo ne mamata ki he gaahi mea behe? E faa gaohi a mamani ke fanau‘i i he aho be taha? be e fānau‘i fakafokifa ha buleaga? he nae kamata laga be a Saione, bea fanau‘i leva a ene fānau.

⁹Oku behe e Jihova, He teu omi ke fanau‘i, ka e ikai teu gaohi ke faele? Oku behe e ho Otua, He teu gaohi ke fanau, kae tabuni ae manāva?

¹⁰Ke fiefia akimoutolu mo Jelusalema, bea nekeneka mo ia, akimoutolu kotoabe oku ofa kiate ia: mou fiefia i he fiefia mo ia, akimoutolu kotoabe oku mamahi koeuhi koia:

¹¹Koeuhi ke mou huhu, bea makona i he hua huhu o ene fakafiemalie? koeuhi ke mou mimiji, bea fiefia i hono lahi o hono nāunāu.

¹²He oku behe e Jihova, Vakai, teu tuku ae melino kiate ia o hage koe vaitafe, bea koe nāunāu oe Jenitaile o hage koe vaitafe laulahi: bea te mou toki huhu, e fua akimoutolu i hono vakavaka, bea lulululu e hono ogo tui.

¹³O hage koe toko taha oku fakafiemalie ki ai ene fa‘e, e behe eku fakafiemalie kiate koe; bea e fakafiemalie‘i akimoutolu i Jelusalema.

¹⁴Bea ka mou ka mamata ki he mea ni, e fiefia ho mou loto, bea moui ho mou hui o hage koe akau mata: bea e ha ae nima o Jihova ki he ene kau tamaioeiki, mo hono houhau ki hono gaahi fili.

¹⁵Kae vakai, e haele mai a Jihova moe afi, bea hage koe ahiohio a ene gaahi saliote, ke atu hono houhau i he malohi, bea mo ene valoki aki ae ulo oe afi.

¹⁶Koeuhi e fai e Jihova moe kakano kotoabe aki ae afi mo ene heleta: bea koe toko lahi e tamate‘i e Jihova.

¹⁷Oku behe e Jihova, E auha fakataha, akinautolu oku teuteu mo fakamaa akinautolu i he goue i he tua akau e taha i he lotolotoga, o kai ae kakano oe buaka, bea moe mea fakalielia, bea moe kuma.

¹⁸He oku ou ilo e nau gaahi gaue bea moe nau gaahi mahalo: e hoko o behe, teu tanaki ae gaahi buleaga kotoabe moe lea keheheke kotoabe; bea te nau ha‘u, o mamata ki hoku nāunāu.

¹⁹Bea teu ai ha fakailoga iate kinautolu, bea teu fekau akinautolu oku hao iate kinautolu ki he gaahi buleaga, ki Tasisi, mo Buli, mo Luti, akinautolu oku teke ae kaufana, ki Tubale, mo Javani, ki he gaahi motu mamao, aia oku heeki ai ke fanogo ki hoku ogoogo, bea teeki ai ke mamata ki hoku nāunāu; bea te nau fakaha hoku nāunāu ki he kakai Jenitaile.

²⁰Bea oku behe e Jihova, te nau omi ho mou gaahi kaiga kotoabe koe feilaulau kia Jihova mei he buleaga kotoabe i he faga hose, bea i he gaahi mea teka, bea i he mea fata, bea i he faga miuli, bea i he faga manu vee vave, ki hoku mouga tabu ko Jelusalema, o hage nae omi e he fānau o Isileli ae feilaulau i he ibu maa ki he fale o Jihova.

²¹Bea oku behe e Jihova, Teu fokotuu iate kinautolu foki ae kau taulaeiki bea moe kau Livai.

²²Oku behe e Jihova, O hage koe tuu mau i hoku ao, ae gaahi lagi foou bea moe mama foou, aia teu gaohi, e behe ae tuu mau o ho mou hako mo ho mou higoa.

²³Bea oku behe e Jihova, E ha‘u ae kakai kotoabe ke lotu i hoku ao, mei he mahina foou e taha o a‘u ki he mahina foou e taha, bea mei he aho tabu e taha o a‘u ki he aho tabu e taha.

²⁴Bea te nau alu atu, bea jio ki he gaahi agaaga oe kakai nae agatuu kiate au: koeuhi e ikai mate ho nau uaga, bea e ikai tamate‘i e nau afi; bea te nau hoko koe fehianekina ki he kakai kotoabe.