KOE TOHI A ISIKIELI 21:1-32 TON1884 - Bible AI

¹1 Oku kikite a Isikieli ki Jelusalema moe fakailoga oe to‘eto‘e. 8 Ae heleta gigila mo majila, 13 koe mea ki Jelusalema. 25 Ki he buleaga, 28 bea ki he kakai Amoni. BEA nae hoko mai kiate au ae folofola a Jihova, o behe,

²Foha oe tagata, fakahagatonu ho mata ki Jelusalema, bea tuku hoo lea ki he gaahi botu tabu, bea kikite ki he fonua o Isileli,

³Bea ke lea ki he fonua o Isileli, Oku behe e Jihova; Vakai, oku ou tuu au kiate koe, bea teu unuhi ae heleta mei hono aiaga, bea teu motuhi meiate koe ae maonioni, bea moe agahala.

⁴Bea koia, koe mea i he eku motuhi meiate koe ae maonioni bea moe agahala, koia, e alu atu ai ae heleta mei hono aiaga, ki he kakano kotoabe, mei he feituu toga o a‘u ki he tokelau:

⁵Koeuhi ke ilo e he kakano kotoabe, ko au, Jihova, kuou unuhi eku heleta mei hono aiaga: bea e ikai toe foki mai ia.

⁶Koia e foha oe tagata, ke ke to‘eto‘e i ho nau ao, i he laga ho fatu bea moe mamahi.

⁷Bea e behe, oka nau ka lea kiate koe, Koeha oku ke to‘e ai? te ke tali, o behe, Koeuhi koe ogoogo; koeuhi oku ha‘u ia: bea e molu ae loto kotoabe, bea e vaivai ae nima kotoabe, bea e bogia ae laumalie kotoabe, bea e hage koe vai ae tui kotoabe: vakai, oku ha‘u ia, bea e fakahoko ia, oku behe e Jihova koe Otua.

⁸Bea nae toe hoko mai kiate au ae folofola a Jihova, o behe,

⁹Foha oe tagata, kikite, bea ke behe, Oku behe e Jihova; Lea, koe heleta, koe heleta, kuo fakamajila, bea kuo fakagigila ia foki:

¹⁰Kuo fakamajila ia ke tamate fakamanavahe; kuo fakagigila ia koeuhi ke ulo; bea oku tāu ai ia koa moe tau fakava? oku taemamae ia ki he tokotoko a hoku foha o hage koe akau kehe kotoabe.

¹¹Bea kuo ne atu ia ke fakagigila, koeuhi ke gaue aki: kuo fakamajila mo fakagigila ae heleta ni koeuhi ke ai ia ki he nima oe tagata tamate.

¹²Tagi mo ioho, e foha oe tagata: koeuhi e hoko ia ki hoku kakai, e hoko ia ki he houeiki kotoabe o Isileli: e to ae manavahe ki hoku kakai, koe mea i he heleta: koia ke ke ji tega.

¹³Koeuhi koe mea ahiahi ia; bea koeha oka taemamae ae heleta ki he tokotoko? Oku behe e Jihova koe Otua, e ikai toe i ai ia.

¹⁴Koia foki, e foha oe tagata, kikite, bea baji ho nima, bea tuku ke foki mai ae heleta ko hono liuga tolu, ae heleta oe tamate: koe heleta ia oe kau tau kuo tamate‘i, koia ia oku hu atu ki ho nau gaahi botu fale fakalilolilo.

¹⁵Kuou ai ae mua heleta ki ho nau gaahi mataba, koeuhi ke vaivai ai ho nau loto, bea fakalahi ai ho nau maumau‘i: Oiaue! kuo fakagigila bea kuo fakamata ia ki he tamate.

¹⁶Alu atu be koe, i ha hala, ki he nima toomatau, be ki he toohema, ha botu be oku fakahaga ki ai ho mata.

¹⁷Teu baji tataha e au, hoku nima; bea teu fakahoko kiate koe a hoku tubutamaki: Ko au Jihova, kuou lea aki eni.

¹⁸Nae toe hoko foki kiate au ae folofola a Jihova, o behe,

¹⁹Ko eni foki, e foha oe tagata, tuutuuni ekoe ae hala e ua, koeuhi ke ha‘u ai ae heleta oe tu‘i o Babilone; e alu atu fakatouoji mei he fonua be taha: bea ke fili ekoe ha botu, fili ia i he tefito hala aia oku fakatau ki he kolo.

²⁰Tuutuuni ha hala, koeuhi ke ha‘u ai ae heleta ki Labata oe kau Amoni, bea ki Juta i Jelusalema aia kuo a‘i.

²¹He nae tuu ae tu‘i o Babilone i he maga‘i hala, i he tefito oe hala e ua, ke talotalo: naa ne gaohi ae gahau gigila, naa ne fakaogo ki he tamabua, bea naa ne jio ki he ate.

²²Nae i hono nima toomatau ae talotalo koeuhi ko Jelusalema, ke fokotuu ae gaahi eiki tau, ke fakamaga ae gutu i he tamate, ke hiki hake ae le‘o o kalaga, ke fokotuu ki hono gaahi mataba ae ulu‘i sibi, ke tanu buke, bea ke laga ae kolo.

²³Bea e hage ia kiate kinautolu oku taaloalo loi, i ho nau ao, kiate kinautolu kuo fai ae fuakava; ka te ne fakamanatui ae agahala ka nau moua.

²⁴Koia oku behe e Jihova koe Otua; Koeuhi kuo mou fai ke manatu‘i a hoo mou hia, koe mea i he ha mai a hoo mou fai kovi, koia kuo ha hoo agahala i he mea kotoabe oku ke fai; koeuhi, kuo manatu‘i akimoutolu, koia e buke nima ai akimoutolu.

²⁵Bea ko koe, ae eiki fakalielia mo agahala i Isileli, aia kuo hoko hono aho, oka kakato ae fai agahala,

²⁶Oku behe e Jihova koe Otua; Too ae bale, bea too o ave moe tatā fakatu‘i: e ikai kei behe ni; ka e hakeaki‘i ia aia oku maulalo, bea fakatokilalo aia oku maoluga.

²⁷Teu fulihi, fulihi, fulihi ia: bea e ikai kei i ai ia, kae oua ke hoko mai ia aia oku totonu ke ne ma‘u; bea teu foaki ia kiate ia.

²⁸Bea ko koe, Foha oe tagata, kikite bea ke behe, Oku behe e Jihova koe Otua, koe mea ki he kau Amoni, bea oku kau ki ho nau manuki‘i; io, ke ke behe ekoe, Koe heleta, koe heleta kuo unuhi; kuo fakagigila ia ki ho tamate‘i, he fakaauha i he ene ulo:

²⁹Lolotoga be oku nau kikite vaiga kiate koe, mo nau talotalo loi kiate koe, koeuhi ke omi koe ki he kia onautolu kuo tamate‘i, ae agahala, akinautolu kuo hokojia ho nau aho oka kakato e nau agahala.

³⁰He teu fakafoki ia ki hono aiaga? Teu fakamāu‘i koe i he botu nae gaohi ai koe, i he fonua naa ke fanau‘i ai.

³¹Bea teu liligi atu hoku houhau kiate koe, teu ifi koe i he kakaha o hoku houhau, bea teu tukuage koe ki he nima oe kakai fai kakaha mo boto, ke fakaauha koe.

³²Te ke hoko koe koe fefie ki he afi; e i he lotolotoga oe fonua ho toto; bea e ikai aubito toe manatu‘i koe: he ko au ko Jihova, kuou lea ki ai.