KOE TOHI A ISIKIELI 26:1-21 TON1884 - Bible AI

¹1 Oku valoki mai a Taia koe mea i he ene fai kovi ki Jelusalema. 7 Koe tau‘i ia e he malohi o Nebukanesa. 15 Ae tagi moe mamahi mei he botu tahi kotoabe i he ene higa. BEA i he ene hoko ki hono hogofulu ma taha ta‘u, i he uluaki aho oe mahina, nae hoko mai kiate au ae folofola a Jihova, o behe.

²Foha oe tagata, koeuhi kuo lea behe e Taia ki Jelusalema, Maitoa, kuo maumau‘i ia, koe matani kolo nae kakaiia: kuo tafoki mai kiate au: teu ma‘umea au i hono fakalala.

³Koia oku behe ai e Jihova koe Otua; Vakai, oku ou tuu kiate koe, E Taia, bea teu bule ke alu hake kiate koe ae gaahi buleaga lahi, o hage koe loloma hake e he tahi a hono beau.

⁴Bea te nau maumau‘i ae gaahi a o Taia, bea holoki hifo hono gaahi fale leo maoluga: Teu vaku foki hono efu meiate ia, bea teu gaohi ia ke tatau moe fuga maka be.

⁵E hoko ia koe botu tautauaga kubega i he loto tahi: he ko au ko Jihova koe Otua, kuo lea ki ai: bea e hoko ia koe koloa vete ki he gaahi buleaga.

⁶Bea e tamate‘i aki ae heleta a hono gaahi ofefine aia e i he goueaga: bea te nau ilo ko Jihova au.

⁷He oku behe e Jihova koe Otua: vakai teu omi ki Taia a Nebukalesa koe tu‘i o Babilone, koe tu‘i i he gaahi tu‘i, mei he tokelau, e ha‘u moe hose, bea moe jaliote, bea moe kau heka hose, moe gaahi matatau, moe kakai toko lahi.

⁸Te ne tamate‘i aki ae heleta a ho gaahi ofefine oku i he goueaga: bea te ne gaohi kolo kiate koe, mo tanu buke kiate koe, bea hiki hake ae mahafu tau kiate koe.

⁹Bea te ne fokotuu ae nāunāu oe tau ki ho gaahi a, bea e maumau aki hono toki a ho gaahi fale leo maoluga.

¹⁰Bea e ufiufi aki koe ae efu koe mea i he toko lahi o ene faga hosi: e galulu ho gaahi a i he logoaa ae kau heka hose moe va‘e saliote, moe gaahi saliote, oka hu ia ki ho gaahi mataba o hage koe oho ae kakai ki ha kolo oku kabaji.

¹¹E malaki aki ae va‘e o ene faga hose ho hala kotoabe: te ne tamate‘i aki ae heleta a hoo kakai, bea e holoki hifo ki he kelekele a hoo gahi kolo tau malohi.

¹²Bea te nau veteki a hoo koloa, bea ma‘u fakamalohi hoo gaahi mea fakatau: bea te nau holoki ho gaahi a, mo maumau‘i ho gaahi fale fakasanisani: bea te nau laku ki loto tahi hoo gaahi maka mo hoo akau, bea mo ho efu.

¹³Bea teu gaohi ke logo hifo ae le‘o o hoo kau faji hiva; bea e ikai toe ogo mai ae tatagi o hoo gaahi haabe.

¹⁴Bea teu gaohi koe ke tatau moe fuga maka: te ke hoko koe koe botu tautauaga kubega; e ikai toe laga koe: he ko au ko Jihova, kuou lea ki ai, oku behe e Jihova koe Otua.

¹⁵Oku behe e Jihova koe Otua, ki Taia; Ikai e tetetete ae gaahi motu i he logoaa o hoo higa, oka ba hake ae tagi anautolu kuo teia, oka hoko ae tamate‘i i loto iate koe?

¹⁶E alu hifo ai ae gaahi eiki oe tahi, mei ho nau gaahi nofoa fakatu‘i, bea tuku atu ho nau gaahi kofu; te na kofu aki ae manavahe; te nau nofo hifo ki he kelekele, bea te nau tetetete mau ai be, bea nau ofo aubito koeuhi ko koe.

¹⁷Bea te nau fai ae tagilāulāu koeuhi ko koe, o behe kiate koe, Oiaue a ho maumau‘i, akoe nae fakakakai e he kau toutai, akoe koe kolo ogoogo, aia nae malohi i tahi, aia bea mo hono kakai, akoe naa ke fakamanavahe‘i ae kakai kotoabe o mamani.

¹⁸E tetetete ae gaahi motu i he aho e holoki ai koe; io, e bubutuu ae gaahi motu oe tahi koe mea i he hiki atu koe.

¹⁹He oku behe e Jihova koe Otua; O kau ka gaohi koe koe kolo kuo lala, o tatau moe gaahi kolo oku ikai i ai ha kakai; o kau ka omi ae tahi kiate koe bea lomaki aki koe ae moana loloto.

²⁰O kau ka fakahifo koe ki lalo fakataha mo kinautolu oku alu hifo ki he luo, bea moe kakai nae i muaage, beau tuku koe ki he botu maulalo oe kelekele, i he gaahi botu jiaki talu mei mua, ke fakataha mo kinautolu oku alu hifo ki he luo, koeuhi ke oua naa ke kei kakai; bea teu fokotuu ae nāunāu i he fonua ae moui;

²¹Teu gaohi koe koe mea fakaulia, bea te ke ikai o taegata: ne ogo ha kumi kiate koe, e ikai aubito toe ilo koe, oku behe e Jihova koe Otua.