KOE TOHI A ISIKIELI 27:1-36 TON1884 - Bible AI

¹1 Ae koloaia a Taia. 26 Hono matuaki fakatokilalo aubito. NAE toe hoko foki ae folofola a Jihova kiate au, o behe,

²Koeni, e foha oe tagata, ke ke fai ae tagilāulāu koeuhi ko Taia;

³Bea ke behe ki Taia, Akoe oku tuu taubotu ki tahi, koe fai fakatau ki he kakai mei he gaahi motu lahi, oku behe e Jihova koe Otua; E Taia, akoe kuo ke behe ekoe, Ko au oku ou toulekeleka haohaoa.

⁴Oku a‘u atu ho gataaga ki he loto tahi, bea kuo fakasanisani‘i koe ke haohaoa e hoo kau tufuga.

⁵Kuo nau fa‘u ho gaahi vaka mei he gaahi akau koe fea mei Sina: kuo nau taaga mei he gaahi sita o Lebanoni ke gaohi ae gaahi fanā kiate koe.

⁶Nae gaohi mei he oke o Besani hoo gaahi fohe tauaalo; nae gaohi hoo gaahi hekaaga aki ae lei nae omi mei he gaahi motu o Kitimi.

⁷Naa ke fuka aki ae tubenu lelei nae tuitui fakasanisani mei Ijibite; koe tubenu bauhiuhi moe kulaahoaho mei he otu motu o Ilisa koia naa ke kofu aki koe.

⁸Koe kakai o Saitone mo Avate ko hoo kau toutai akinautolu; bea ko hoo kakai boto iate koe, E Taia, koe kau fakahao vaka akinautolu.

⁹Koe kakai mātua o Kebale mo hono kau boto koe tufuga fou vaka akinautolu: bea nae iate koe ae vaka mei he tahi kotoabe mo ho nau kakai, ko hoo kau fai fakatau akinautolu.

¹⁰Ko hoo gaahi matatau koe kakai ia mei Beasia bea mo Soti bea mo Futi, ko hoo kau to‘a akinautolu; naa nau tautau iate koe ae ba bea moe tatā ki he tau; naa nau fakatubu ogoogolelei kiate koe.

¹¹Nae kau taha mo hoo kau tau i hoo gaahi a ae kakai o Avate; bea nae i ho gaahi fale leo maoluga ae kau Kamatini, naa nau tautau takatakai be e nau gaahi ba i he gaahi a; kuo nau fakahaohaoa ekinautolu ho toulekeleka.

¹²Nae fakatau meiate koe e Tasisi, koe mea i he lahi o hoo koloa kehekehe: naa nau fakatau i hoo gaahi fakatauaga i he siliva, moe ukamea, moe tini, bea moe bulu.

¹³Ko hoo kau fakatau a Javani, mo Tubale, bea mo Meseke, naa nau fakatau tagata, bea moe gaahi ibu balasa i hoo fakatauaga.

¹⁴Nae fakatau ae hose moe kau heka hose, bea moe miuli, ekinautolu mei he fale o Tokalama.

¹⁵Ko hoo kau fakatau ae kakai mei Tetani; nae fakatau mei ho nima ae gaahi motu lahi; naa nau omi mea ofa kiate koe, koe lei moe eboni.

¹⁶Nae fakatau meiate koe a Silia, koeuhi nae lahi ae mea nae gaohi iate koe; naa nau fakatau aki ekinautolu ae maka koloa, moe kulaahoaho, moe tuitui fakasanisani, moe tubenu lelei, moe feo moe maka kikila.

¹⁷Ko Juta, moe fonua o Isileli ko hoo kau fakatau akinautolu: naa nau fakatau aki ae uite, moe mula nanamu, moe hana, moe honi, moe lolo, bea moe bame.

¹⁸Nae fakatau a Tamasikusi iate koe, koeuhi koe lahi ae mea nae gaohi iate koe, moe lahi aubito a hoo koloa; i he uaine o Helibone, bea moe fulufulu‘i sibi hinehina.

¹⁹Nae fealuaki foki i ho gaahi fakatauaga a Tani, bea mo Javani: nae fakatau iate koe ae ukamea gigila, moe sinamoni, moe akau namu kakala.

²⁰Nae fakatau iate koe e Tetani ae gaahi kofu mahuiga ki he jaliote.

²¹Nae fakatau iate koe e Alebea, moe gaahi eiki o Keta, ae faga lami, moe faga sibi tagata bea moe faga koji: koe nau mea fakatau anautolu ia.

²²Koe kau fakatau o Siba mo Laama, ko hoo kau fakatau akinautolu: naa nau fakatau iate koe ae gaahi akau namu kakala mahuiga, moe gaahi maka koloa, bea moe koula.

²³Ko hoo kau fakatau a Halani, mo Kane, mo Iteni, moe kakai fakatau mei Siba, mo Asilia, bea mo Kilimati.

²⁴Ko hoo kau fakatau akinautolu ni i he gaahi koloa kehekehe, i he tubenu bauhiuhi, moe tuitui fakasanisani, moe gaahi buha kofu lelei nae ha‘i aki ae afo, nae fau mei he sita, nae kau ki hoo mea fakatau.

²⁵Nae taaga aki koe e he gaahi folau mei Tasisi i ho botu fakatau: bea nae fakakoloa‘i koe, bea nae gaohi koe ke ke nāunāuia aubito i he gaahi botu tahi koia.

²⁶Kuo ave koe e hoo kau tauaalo ki he gaahi vai lahi: kuo maumau‘i koe i loto tahi e he matagi hahake.

²⁷Bea ko hoo koloa, mo ho fakatauaga, mo hoo mea fakatau, ko hoo kau toutai mo hoo kau fakahao vaka, moe kakai fou vaka, moe kau fakatau iate koe, mo hoo kau tau kotoabe oku iate koe, bea moe kakai kotoabe oku i ho lotolotoga, te nau galo ki loto tahi i he aho e fakaauha ai koe.

²⁸E galulu ae gaahi beau i he ba mai ae tagi a hoo kau fakahao vaka.

²⁹Bea e hifo mei ho nau vaka akinautolu oku tauaalo, moe kau toutai, moe kau fakahao vaka kotoabe i he tahi, bea te nau tuuuta ai;

³⁰Bea te nau hiki ho nau le‘o ke ogo atu kiate koe, bea te nau tagi mamahi, bea te nau li hake ae efu ki ho nau ulu, bea te nau oloolo‘i akinautolu i he efuefu:

³¹Bea te nau fakatelefua aubito akinautolu koeuhi ko koe, mo nau ai ae tauagaa, bea te nau tagi koeuhi ko koe i he mamahi o ho nau loto, bea fai moe tagilāulāu fakamamahi.

³²Bea i he e nau mamahi, te nau fai ae tagilāulāu koeuhi ko koe, o nau tagi mamahi koeuhi ko koe o behe, Koe kolo fe oku hage ko Taia, kuo maumau‘i i he loto tahi?

³³Naa ke fakamahu ae kakai toko lahi i he gaahi mea nae fetuku meiate koe ki he gaahi botu tahi; naa ke fakakoloa ae gaahi tu‘i o mamani, i he lahi o koo koloa mo hoo mea fakatau.

³⁴I he aho koia e maumau‘i koe e he gaahi beau i he loloto oe gaahi vai, e higa ai mo koe a hoo koloa mo hoo kakai kotoabe.

³⁵E ofo iate koe ae kakai kotoabe i he gaahi otu motu, bea e manavahe lahi ho nau kau bule, te nau mata kehe i he e nau bubutuu.

³⁶E fakaiseisa ae kau fakatau koloaia i he kakai kiate koe: te ke hoko koe koe mea fakaulia; bea e ikai te ke toe i ai o taegata.