KOE TOHI A ISIKIELI 31:1-18 TON1884 - Bible AI

¹1 Koe tala oku kau kia Felo. 3 Ae ogoogolelei o Asilia, 10 bea mo ene higa i he fielahi. 18 Ae higa behe foki a Ijibite. BEA i he ene hoko ki hono hogofulu ma taha oe ta‘u, i hono tolu oe mahina, bea mo hono uluaki aho oe mahina, nae hoko mai ae folofola a Jihova kiate au, o behe,

²Foha oe tagata, lea kia Felo koe tu‘i o Ijibite, bea ki he ene kakai; Kohai ha taha oku tatau mo koe?

³Vakai, ko Asilia koe sita lahi i Lebanoni nae lelei hono gaahi vaa, nae fakaboubouli i hono malumalu, bea naa ne maoluga, bea nae a‘u hake hono uluulu ki he gaahi vaa matolu.

⁴Nae tubu lahi ia koe mea i he gaahi vai, nae tubu ia o hako ki oluga koeuhi koe loloto oe gaahi vaitafe nae tafe takatakai i he gaahi akau toki tubu, mo hono gaahi magamaga‘i vai nae tafe atu ki he gaahi akau oe vao.

⁵Koia nae fakamaoluga hake ai ia i he akau kotoabe oe vao, bea tubu o lahi hono gaahi vaa, bea hoko o loloa hono gaahi vaa, koeuhi koe lahi oe vai, i he ene tubu hake.

⁶Nae gaohi bunuga i hono vaa ae faga manu buna kotoabe oe lagi, bea nae fakato e he faga manu kotoabe oe vao, a ho nau uhiki i he malumalu o hono gaahi vaa, bea nae nofo i hono malumalu ae gaahi buleaga lalahi.

⁷Koia nae toulekeleka ia i he ene lahi, moe loloa a hono gaahi vaa: he nae to hono aka i he vee vai lahi.

⁸Nae ikai faa fakalilo ia e he gaahi sita i he goue ae Otua: nae ikai tatau ae fea mo hono gaahi vaa iki, bea nae ikai tatau ae akau koe ifi babalagi mo hono gaahi vaa lalahi; bea nae ikai ha akau i he goue ae Otua, oku na tatau i he matamatalelei:

⁹Kuou gaohi ia ke matamatalelei, koe mea i he lahi a hono gaahi vaa: koia nae meheka ai kiate ia ae gaahi akau kotoabe i he goue ae Otua.

¹⁰Koia oku behe ai e Jihova koe Otua; Koeuhi kuo ke hiki hake koe ke ke maoluga, bea kuo ne ai ke aji hake hono uluulu ki he gaahi vaa matolu, bea kuo hiki hono loto koe mea i he ene maoluga;

¹¹Koia kuou tuku atu ai ia ki he nima oia oku malohi taha i he hiteni; koe mooni te ne fai mo ia: kuou kabuji ia e au koeuhi ko ene gaahi kovi.

¹²Bea kuo ta hifo ia mo jiaki‘i e he kau muli, moe kau to‘a mei he gaahi buleaga: kuo to hifo hono gaahi vaa i he gaahi mouga, bea i he telea kotoabe, bea kuo mafejifeji hono gaahi vaa iki i he vee vaitafe kotoabe i he fonua; bea kuo alu hifo ae kakai kotoabe o mamani mei hono malumalu, bea kuo nau jiaki ia.

¹³Bea i he ene malofa e nofo mau kiate ia ae gaahi manu buna oe lagi, bea e heka ae faga manu oe vao ki hono gaahi vaa.

¹⁴Kuo fai eni, koeuhi ke oua naa i ai ha taha oe gaahi akau i he vee vaitafe e hiki eia ia ke maoluga, be te ne ai ke aji hake hono uluulu ki he gaahi vaa matolu, be tuu fakamamaoluga, aia kotoabe oku inumia ae vai: he kuo tuku kotoabe akinautolu ki he mate, ki he gaahi botu maulalo oe fonua, i he lotolotoga oe fānau ae tagata, bea mo kinautolu oku alu hifo ki he luo.

¹⁵Oku behe e Jihova koe Otua: naaku fekau ke fai ae tagi mamahi i he aho koia nae alu hifo ai ia ki he faitoka: neu ufiufi ae loloto koeuhi koia, bea naaku taofi hono tafe oia, bea nae tuu mau ae gaahi vai lalahi, bea naaku bule ki Lebanoni, ke tagi mamahi koeuhi koia, bea nae bogia koeuhi koia ae gaahi akau kotoabe oe vao.

¹⁶Bea naaku fakagalulu ae gaahi buleaga i he logoaa o ene higa, i he eku li hifo ia ki heli fakataha mo kinautolu oku alu hifo ki he luo: bea e fakafiemalie‘i ae akau kotoabe i Iteni, bea moe akau fugani mo lelei kotoabe i Lebanoni, aia kotoabe oku inumia ae vai, i he gaahi botu maulalo oe mamani.

¹⁷Nae alu hifo foki mo ia akinautolu ki heli, kiate kinautolu kuo tamate‘i aki ae heleta; bea mo kinautolu naa ne nima aki, akinautolu nae nofo ki lalo i hono malumalu i he lotolotoga oe hiteni.

¹⁸Kohai ha taha oku mo tatau i he nāunāu, bea moe lahi hake i he gaahi akau o Iteni? ka ne ogo ia e tulaki hifo koe ki lalo ki he botu maulalo o mamani fakataha moe gaahi akau o Iteni: te ke tokoto hifo i he lotolotoga oe kakai taekamu, mo kinautolu kuo tamate‘i aki ae heleta. Oku behe e Jihova koe Otua, Ko eni a Felo, bea mo hono kakai kotoabe.