1
2Foha oe tagata, fakahaga ho mata ki he mouga ko Seia, bea kikite ki ai,
3Bea ke behe ki ai, Oku behe e Jihova koe Otua; E mouga ko Seia, Vakai, ko au oku ou tuu kiate koe, bea teu mafao atu hoku nima kiate koe, bea teu gaohi koe ke lala aubito.
4Teu fakalala ho gaahi kolo, bea te ke auha ai, mo ke ilo ai ko Jihova au.
5Koeuhi kuo tuu mau be a hoo fehia, bea kuo ke liligi ae toto oe fānau a Isileli, i he malohi oe heleta i he aho o ho nau tuutamaki, i he gaahi aho ne fakakakato ai e nau hia:
6Koia, oku behe e Jihova koe Otua, Ko au oku ou moui, bea teu teuteu koe ki he liligi toto, bea e tuli koe e he toto: koeuhi nae ikai te ke fehia ki he toto, bea koe mooni e tuli koe e he toto.
7E behe a eku gaohi ae mouga ko Seia ke lala aubito, bea teu motuhi mei ai aia kotoabe oku fealuaki ai.
8Bea teu ufiufi aki ae kakai tamate‘i a hono gaahi mouga: e to hifo akinautolu oku tamate aki ae heleta i ho gaahi tafugofuga, moe gaahi telea, bea i ho gaahi vaitafe.
9Teu gaohi koe ke lala mau ai be, bea e ikai toe kakai ho gaahi kolo; bea te mou ilo ko Jihova au.
10Koeuhi kuo ke behe ekoe, Koe ogo buleaga na, moe ogo fonua na e aaku be ia, bea te mau ma‘u ia; ka koeni nae i ai a Jihova:
11Koia oku behe ai e Jihova koe Otua; Ko au oku ou moui, bea teu fai mooni o fakatatau ki hoo ita, bea tatau mo hoo meheka, aia kuo ke fai i hoo fehia kiate kinautolu; bea teu fakailo au kiate kinautolu o kau ka fai ae fakamāu kiate koe.
12Bea te ke ilo ko Jihova au, kuou fanogo ki he gaahi lea kovi aia kuo ke fai ki he gaahi mouga o Isileli, o behe, Kuo fakalala ia, kuo foaki mai ke tau fakaauha ia.
13Kuo behe a hoo mou bolebole kiate au, bea kuo mou fakalahi hoo mou lea kiate au: kuou fanogo au ki ai.
14Oku behe e Jihova koe Otua: Oka fiefia a mamani kotoabe, teu gaohi koe ke lala.
15Hage naa ke fiefia koe ki he tofia ae fale o Isileli, koeuhi ne lala ia, e behe be a eku fai kiate koe: te ke lala koe, e mouga o Seia, bea mo Itomi kotoabe, io aia kotoabe: bea te nau ilo ko Jihova au.