KOE TOHI A ISIKIELI 45:1-25 TON1884 - Bible AI

¹1 Ae koga fonua e vahe ki he fale tabu, 6 moe tuuga oe kolo, 7 moe nofoaga oe tu‘i. 9 Koe gaahi mea kuo tuutuuni ki he tu‘i. KOENI foki, oka mou ka talotalo ki hono vahevahe oe fonua koe tofia, te mou fai ha feilaulau kia Jihova, mo fakatabu‘i moona ha koga oe fonua: ko hono loloa, koe tatau moe kaho e ua mano ma nima afe, bea ko hono laulahi koe taha mano. E maonioni ia o a‘u ki hono gataaga kotoabe o takatakai hake.

²Bea ko hono loloa ae botu e tuku i ai ki he fale tabu, koe nimageau, moe nimageau i hono fakamāukubu, koeuhi ke botubotu malie hono fua takatakai; bea koe kiubite e nimagofulu e tuku ke ataatā i hono takatakai hake o oji.

³Bea ko hono fua koia te ke fua mei ai hono loloa koe ua mano moe nima afe, bea ko hono laulahi koe taha mano; bea e tuu i ai ae fale tabu bea moe botu tobutabu aubito.

⁴Bea koe botu fonua kuo fakatabu‘i e oe kau taulaeiki ia ae kau tauhi oe fale tabu, akinautolu oku unuunu ke ofi mo fai ae gaue kia Jihova: bea koe botu ia e tuu ai ho nau gaahi fale, moe botu maonioni ki hoku fale tabu.

⁵Bea ko hono loloa koia koe ua mano ma nima afe, bea mo hono laulahi oku taha mano, e ma‘u foki e he kau Livaite, ae kau tauhi oe fale, ko ho nau tofia i ai koe botu fale e uofulu.

⁶Bea te mou vahe‘i ae tuuga oe kolo, ko hono māukubu koe nima afe, bea ko hono loloa koe ua mano ma nima afe, i he ene hagatonu mai ki he vahe oe botu tabu: bea e oe fale kotoa o Isileli ia.

⁷Bea e i ai hono vahe ki he tu‘i i hono botu e ua oia kuo vahe‘i koe botu tabu, bea moe vahe oe kolo, i he botu ki mua oe botu tabu, moe botu ki mua oe vahe ki he kolo, o fua mei hono botu luluga o fai atu ki luluga, bea mei hono botu hahake o fai ki hahake; bea e feouga a hono fua fakaloloa, moe vahe e taha mei hono gataaga i luluga, o a‘u ki hono gataaga fakahahake.

⁸Bea e ma‘u eia a hono tofia i he fonua i Isileli: bea e ikai jii toe fakamalohi‘i e he gaahi tu‘i a hoku kakai; ka ko hono toe oe fonua, te nau tuku ki he fale o Isileli, o fakatatau mo ho nau gaahi faahiga.

⁹Oku behe e Jihova koe Otua; E gaahi tu‘i o Isileli, mou fiemalie mua; hiki ke mamao ae fakamalohi, moe faa vete, bea fai ae fakamāu, mo fai totonu, bea oua naa bule kakaha ki hoku kakai, oku behe e Jihova koe Otua.

¹⁰E iate kimoutolu ae mea fakatatau oku totonu, moe efa totonu, bea moe bate totonu.

¹¹Bea e tatau hono fua oe efa, bea moe bate, koeuhi ke feuga ae bate e taha, mo hono hogofulu vahe i he homa e taha, bea koe efa ko hono hogofulu vahe ia oe homa foki: e fuofua be a hono fua mei he homa.

¹²Bea e i he sikili e taha ae kela e uofulu: bea koe sikili e uofulu, moe sikili e uofulu ma nima, moe sikili e hogofulu ma nima, ko hoo mou mina ia.

¹³Ko eni ae feilaulau te mou atu; ko hono ono vahe oe efa i he homa e taha oe uite, bea te mou atu mo hono vahe ono oe efa i he homa e taha oe baale:

¹⁴Bea koe mea kuo tuutuuni ki he lolo, ae bate oe lolo, te mou atu hono hogofulu oe vahe oe bate i he koaa e taha, aia oku tatau moe homa e taha, oku hogofulu a hono bate; he koe bate e hogofulu, koe homa ia e taha.

¹⁵Bea koe lami e taha, mei hono uageau oe faga lami, mei he gaahi botu laumauiui i Isileli: koe mea ia ki he feilaulau oe mea kai, moe feilaulau tutu, moe feilaulau oe fakafetai, ko ho nau fakalelei‘i, oku behe e Jihova koe Otua.

¹⁶E kau ae kakai kotoabe i he fonua, i he mea e atu ki he tu‘i o Isileli.

¹⁷Bea koe gaue ia ae tu‘i ke atu ae feilaulau tutu, moe feilaulau oe mea kai, moe feilaulau oe mea inu, i he gaahi katoaga, moe gaahi mahina foou, bea i he gaahi aho tabu, moe gaahi fakataha fakatobutabu oe fale o Isileli: e iate ia a hono teuteu oe feilaulau i he agahala, moe feilaulau oe meakai, moe feilaulau tutu, bea moe feilaulau oe fakafetai, koeuhi ke fakalelei‘i ae fale o Isileli.

¹⁸Oku behe e Jihova koe Otua; I he uluaki mahina, moe uluaki aho oe mahina, te mou too ae bulu mui tae hano mele, mo fakamaa ae fale tabu:

¹⁹Bea e too e he taulaeiki ae toto oe feilaulau i he agahala, mo ne bani aki ia ae gaahi bou oe fale, bea e bani moe tuliki e fa oe hala, oku fakatakamilo i he feilaulauaga, bea e ai foki ia ki he gaahi bou oe mataba oe lotoa ki loto.

²⁰Bea e behe be hoo fai i hono fitu oe aho i he mahina, koeuhi koia kotoabe kuo fai hala, bea mo ia oku tae boto: bea e behe be a hoo mou fakalelei‘i ae fale.

²¹Bea te mou fai ae katoaga oe lakaatu i hono uluaki mahina, mo hono hogofulu ma fa oe aho, o katoaga ai i he aho e fitu; e kai ae ma oku ikai hano mea fakatubu.

²²Bea i he aho koia e teuteu ha bulu e he tu‘i, koe feilaulau ia i he agahala, koe fai maana, bea moe kakai kotoabe oe fonua.

²³Bea koe aho e fitu oe katoaga te ne teuteu ai ha feilaulau tutu kia Jihova, koe faga bulu e fitu, moe sibi tagata e fitu tae hano mele, i he aho kotoabe i he aho koia e fitu; bea moe uhiki‘i koji i he aho kotoabe, koe feilaulau i he agahala.

²⁴Bea te ne teuteu ha feilaulau meakai, o tatau moe efa e taha ki he bulu, moe efa e taha ki ha sibi tagata, bea moe hini oe lolo ki ha efa e taha.

²⁵Bea ka hoko ki hono fitu oe mahina, mo hono hogofulu ma nima oe aho i he mahina, e behe be a ene fai i he katoaga i he aho e fitu, o fakatatau moe feilaulau i he agahala, bea tatau moe feilaulau tutu, bea tatau moe feilaulau meakai, bea tatau moe lolo.