KOE TOHI A JELEMAIA 10:1-25 TON1884 - Bible AI

¹1 Oku ikai tatau a Jihova moe gaahi tamabua. 17 Koe akonaki ae balofita ke buna mei he mamahi e ha‘u. 19 Oku ne mamahi koeuki koe fale fehikitaki moe kau tauhi vale. 23 Oku ne fai ae lotu. E FALE o Isileli, mou fanogo ki he lea oku folofola aki e Jihova kiate kimoutolu.

²Oku behe e Jihova, Oua te mou ako ki he hala oe hiteni, bea oua te mou ilifia ki he gaahi fakailoga i he lagi; he oku ilifia ki ai ae hiteni.

³He koe vaiga ae gaahi tuutuuni ae kakai: he oku ta aki ha toki e ha taha ae akau i he vao, koe gaue ae tufuga.

⁴Oku nau teuteu ia aki ae siliva moe koula; bea oku nau fakamau ia aki ae gaahi fa‘o bea moe gaahi hamala ke oua naa gau‘eu‘e ia.

⁵Oku nau tuutonu o hage koe akau koe boga, ka oku ikai lea: oku fua akinautolu, he oku ikai te nau faa eveeva. Bea oua naa manavahe kiate kinautolu; he oku ikai te nau faa fai ha kovi, bea oku ikai iate kinautolu ha fai lelei.

⁶He oku ikai ha taha oku hage ko koe, E Jihova; oku ke lahi koe, bea oku lahi ho huafa i he mafimafi.

⁷Kohai e tae manavahe kiate koe, Akoe, koe Tu‘i oe gaahi buleaga? he oku aau ia; he oku ikai ha taha oku tatau mo koe, i he kau tagata boto kotoabe oe gaahi kakai, be i ho nau gaahi buleaga kotoabe.

⁸Ka oku nau aga fakamanu bea vale aubito: koe mea akonaki ki he vale ae tamabua.

⁹Oku omi ae siliva lafalafa mei Tasisi, bea moe koula mei Ufase, koe gaue ae tufuga, moe nima oe tagata gaohi ukamea; ko ho nau kofu oku uliuli mo kulokula: koe gaue kotoabe ae kau tagata boto.

¹⁰Ka ko Jihova koe Otua mooni, koe Otua moui ia, bea koe Tu‘i taegata: bea e gau‘eu‘e a mamani i hono houhau, bea e ikai faa kataki e he gaahi buleaga a ene tubutamaki.

¹¹Bea te ke lea behe kiate kinautolu, Koe gaahi otua nae ikai gaohi ae gaahi lagi, mo mamani, e fakaauha akinautolu i mamani, bea mei he lalo lagi.

¹²Kuo ne gaohi ae kelekele aki hono malohi, kuo ne fokotuu mau a mamani aki ene ilo, bea kuo ne folahi ae gaahi lagi i he ene boto.

¹³Oku folofola ia aki hono le‘o, oku lahi ae gaahi vai i he lagi, bea oku ne fakatubu hake ae gaahi ao mei he gaahi gataaga o mamani; oku ne fakatubu ae gaahi uhila moe uha, bea ne omi ae matagi mei hono gaahi tukuaga koloa.

¹⁴Oku vale i he ilo ae tagata kotoabe: oku bubutuu ae tufuga kotoabe i he tamabua kuo ta: he koe loi ene tamabua, bea oku ikai ha mānava i ai.

¹⁵Koe vaiga akinautolu, koe gaue ae vale: bea e auha akinautolu i he aho e tautea ai akinautolu.

¹⁶Oku ikai tatau mo kinautolu ae inaji o Jekobe: he koe tubuaga ia oe gaahi mea kotoabe; bea koe fuofua o hono tofia ko Isileli: Ko hono huafa ko Jihova oe gaahi kau tau.

¹⁷Akoe koe nofo kolo, ke ke tanaki ho gaotoota o ke hola i he fonua.

¹⁸He oku behe mai a Jihova, Vakai, teu li ae kakai ni i he fonua, o hage koe maka ta, bea teu fakamamahi‘i akinautolu, koeuhi ke nau ogo‘i ia.

¹⁹Kuou malaia i hoku lavea! oku lahi hoku kafu: ka naaku behe, Koe mamahi mooni eni, ka teu kataki be ia.

²⁰Kuo hae hoku fale fehikitaki, bea kuo motuhi eku maea kotoabe: kuo alu iate au eku fānau, bea kuo ikai akinautolu: oku ikai toe ha niihi ke toe folahi a hoku fale fehikitaki, bea ke tautau hoku buibui.

²¹He kuo liliu o aga fakakakano ae kau tauhi, bea oku ikai te nau kumi kia Jihova: koia e ikai te nau monuia, bea e fakamovetevete ho nau kakai.

²²Vakai, oku ogo mai ae ogoogo oe logoaa, bea moe maveuveu lahi mei he fonua tokelau, ke fakalala ae gaahi kolo o Juta, bea ke gaohi ia koe ana oe faga talakone.

²³E Jihova, oku ou ilo oku ikai i he tagata be hono hala: oku ikai i he tagata oku eveeva ke fakahinohino hono aluaga.

²⁴E Jihova, ke ke ta‘i au, bea ke fai i he ofa; oua naa i ho houhau, telia naa ke fakaauha au.

²⁵Liligi ho houhau ki he hiteni aia oku ikai te nau ilo koe, bea ki he gaahi kauga fale oku ikai ui ki ho huafa: he kuo nau kai o oji a Jekobe, bea kuo folo hifo ia, bea kuo nau fakaauha ia bea fakalala hono nofoaga.