KOE TOHI A JELEMAIA 2:1-37 TON1884 - Bible AI

¹1 Koe fakaha e he Otua ene uluaki ofa ki he kakai Jiu. 9 Bea koe nau fakaholomui lahi. 14 Koe tubuaga oe nau tuutumaki meiate kinautolu be. 20 Koe agahala a Juta. 31 Koe liaki e Jihova e nau falalaaga. BEA nae toe hoko ae folofola a Jihova kiate au, o behe,

²Alu o kalaga ki he teliga o Jelusalema, o behe, Oku behe mai e Jihova; Oku ou manatu‘i koe, koe agalelei nae fai kiate koe i hoo kei jii, moe ofa nae fakaha i hoo fakanofo, i hoo muimui kiate au i he toafa, i he fonua nae ikai tūtū‘i.

³Nae fakatabu‘i a Isileli kia Jihova, koe uluaki fua o hono tubu: e halaia akinautolu kotoabe oku fakaauha ia; oku behe e Jihova, E hoko ae kovi kiate kinautolu.

⁴E fale o Jekobe, bea moe faahiga kotoabe oe fale o Isileli, mou fanogo ki he folofola a Jihova.

⁵Oku behe e Jihova, Koeha ae kovi kuo ilo‘i e hoo mou gaahi tamai iate au, koeuhi kuo nau jiaki au, bea muimui ki he mea noabe, bea kuo nau hoko o vale?

⁶Bea nae ikai te nau behe, Koefe a Jihova, aia naa ne omi akimautolu mei he fonua ko Ijibite, aia naa ne tataki akimautolu i he toafa; i he fonua lala bea luoluo, i he fonua momoa, moe malumalu oe mate, i he fonua kuo ikai fonoga ki ai ha tagata, bea oku ikai nofo ai ha tagata?

⁷Bea naaku omi akimoutolu ki he fonua mahu, ke kai hono fua, mo hono lelei oia; ka i hoo mou hu ki ai, kuo mou fakakovi‘i hoku fonua bea gaohi hoku tofia koe mea fakalielia.

⁸Nae ikai behe e he kau taulaeiki, Koefe a Jihova? bea nae ikai ilo‘i au ekinautolu nae maheniai i he fono: bea nae agatuu kiate au ae kau tauhi foki, bea nae kikite ae kau balofita i he higoa o Beali, bea nau muimui ki he gaahi mea taeaoga.

⁹Koia oku behe mai e Jihova, Teu toe lea kiate kimoutolu, bea teu kole ki hoo mou fānau, bea moe fānau a hoo mou fānau.

¹⁰Koeuhi, ke mou alu ki he gaahi motu o Kitimi, o mamata; bea fekau ki Keta, bea fakakaukau lahi, bea vakai, be oku ai ha mea behe.

¹¹Oku ai ha kakai kuo fetogi ho nau gaahi otua, aia nae ikai koe otua? ka kuo fetogi a hoku kakai ho nau nāunāu ki he mea taeaoga.

¹²Oku behe mai e Jihova, E gaahi lagi mou ofo ki he mea ni, bea mou manavahe fakailifia; bea tetetete lahi aubito,

¹³He kuo fai e hoku kakai ae mea kovi e ua: kuo nau liaki au koe matavai moui, bea kuo nau ta kiate kinautolu ae gaahi aiaga vai, koe gaahi aiaga vai mafofoa, aia oku ikai faa mau ai ha vai.

¹⁴Koe tamaioeiki a Isileli? be koe hako ia oe tamaioeiki? ka koeha kuo fakamalohi ai ia?

¹⁵Nae gugulu kiate ia ae faga laione mui, kuo nau tagi aki ae le‘o lahi, kuo nau fakalala ae fonua: kuo tutu hono gaahi kolo bea oku ikai ha kakai.

¹⁶Bea kuo fakavolu foki ho tumuaki, e he fānau o Nofi mo Tabanesi.

¹⁷Ikai kuo hoko ae mea ni kiate koe iate koe be, i hoo jiaki a Jihova ko ho Otua, i he ene tataki koe i he hala?

¹⁸Bea koeni, koeha aau te ke alu ai i he hala ki Ijibite, ke inu i he gaahi vai o Sihoa? bea koeha te ke alu ai koe i he hala ki Asilia, ke inu i he vai oe vaitafe?

¹⁹E tautea koe e hoo agahala aau, bea e valoki‘i koe e hoo fakaholomui: koia ke ke ilo mo vakai, koe mea kovi mo fakamamahi, a hoo jiaki a Jihova ko ho Otua, bea oku ikai te ke manavahe kiate au, oku behe e he Eiki ko Jihova oe gaahi kau tau.

²⁰He talu mei mua kuou maumau‘i hoo haamoga, bea motuhi ho gaahi ha‘i; bea naa ke behe, E ikai teu fai kovi; ka kuo ke eveeva i he gaahi mouga maoluga kotoabe, bea i he lolo akau mata kotoabe o fai agahala.

²¹Ka naaku to koe, koe vaine lelei, koe tega lelei aubito: bea oku fefe ai hao liliu koe akau kovi, koe vaine kehe kiate au?

²²He oku behe mai e he Eiki ko Jihova, kabau te ke fufulu koe aki ae naita, bea too kiate koe ae koa lahi, ka oku kei iloga a hoo hia i hoku ao.

²³E fefe koa a hoo behe, Oku ikai teu uli, oku ikai teu muimui kia Beali? vakai ki hoo ulugaaga i he telea, ke ke ilo aia kuo ke fai: koe kameli vee vave koe, oku fealuaki i hono gaahi hala;

²⁴Koe asi hehegi oku maheniai moe toafa, aia oku ne folohifo ae matagi i he ene holi; bea i he ene behe kohai oku faa fakafoki ia? e ikai kumi fakafiu‘i ia e ha taha; ka te nau ilo ia i hono mahina.

²⁵Taofi ho va‘e mei he tae tobuva‘e, bea mo ho kia mei he fieinu: ka naa ke behe, Oku ikai ha amanaki: oku ikai; he kuou ofa ki he kau muli, bea teu muimui be kiate kinautolu.

²⁶Hage oku ma ae kaihaa i hono ilo‘i ia, oku behe ae ma ae fale o Isileli; ko kinautolu, mo ho nau gaahi tu‘i, mo ho nau houeiki, mo ho nau kau taulaeiki, mo ho nau kau balofita.

²⁷Ko kinautolu oku behe ki he akau, Ko eku tamai koe; bea ki he maka, Naa ke faele‘i au: he kuo nau fulitua kiate au, bea oku ikai haga mai ho nau mata: ka i he aho oe nau mamahi te nau lea, o behe mai, Tuu hake, o fakamoui akimoutolu.

²⁸Ka koefe ho gaahi otua kuo ke gaohi moou? ke tuu hake akinautolu, kabau te nau faa fakamoui koe i he aho oe mamahi: he oku hage ko hono lahi o hoo gaahi kolo, E Juta, oku behe hono toko lahi o ho gaahi otua.

²⁹Koeha te mou tukuaki‘i ai au? oku behe e Jihova, Kuo agatuu kiate au akimoutolu kotoabe.

³⁰Kuo taeaoga eku ta‘i hoo mou fānau; he oku ikai te nau boto ai: kuo fakaauha ho mou kau balofita, aki hoo mou heleta amoutolu, o hage koe laione fakaauha.

³¹Ae toutagata, mou tokaga ki he folofola a Jihova. He naaku hoko koe toafa ki Isileli? be koe fonua fakabouli? bea koeha oku behe ai a hoku kakai, Koe houeiki akimautolu; bea e ikai te mau toe ha‘u kiate koe?

³²E faa fakagalo‘i e he tāuboou a ene teuga, be koe taahine taane a ene teuteu? ka kuo fakagalogalo‘i au e hoku kakai i he gaahi aho tae faa laua.

³³Koeha oku ke teuteu ai ho hala ke kumi ae ofa? koia kuo ke akonaki aki ho gaahi hala ki he kau agahala foki.

³⁴Kuo ilo‘i foki ae toto oe gaahi laumalie tae halaia i he kaba o ho kofu: oku ikai teu ilo ia i he kumi lahi, ka oku fakahaha be ia iate kinautolu ni kotoabe.

³⁵Ka oku ke behe ekoe, Oku ou tae halaia, bea koia e fakaafe a hono houhau iate au. Vakai, teu fakamāu‘i koe, koeuhi oku ke behe, Nae ikai te ke fai kovi.

³⁶Koeha oku ke alu fano ai be ke fetogi ho hala? te ke ma foki ki Ijibite, o hage ko hoo ma ki Asilia.

³⁷Io, te ke alu meiate ia, kuo ai ho nima ki ho ulu: he kuo jiaki e Jihova ho gaahi falalaaga, bea e ikai te ke monuia ai.