KOE TOHI A JELEMAIA 20:1-18 TON1884 - Bible AI

¹1 Koe ta‘i e Basuli a Jelemaia, bea kuo liliu ai hono higoa, bea ilo hono ikuaga kovi. 7 Koe lāuga a Jelemaia, i he mea kehekehe. BEA kuo fanogo a Basuli koe foha o Imeli koe taulaeiki, aia foki koe fugani bule i he fale o Jihova, nae kikite a Jelemaia ki he gaahi mea ni.

²Nae toki ta‘i e Basuli a Jelemaia koe balofita, bea tuku ia ki he fale fakabobula aia nae i he mataba maoluga o Benijimani, aia oku ofi ki he fale o Jihova.

³Bea nae hoko o behe i he aho naa na feholo‘i, nae omi e Basuli a Jelemaia mei he fale fakabobula. Bea nae toki behe e Jelemaia kiate ia, Oku ikai ui e Jihova ho higoa ko Basuli ka ko Mekoa-misabibi.

⁴He oku behe e Jihova, Vakai, teu gaohi koe koe mea ilifia kiate koe, bea mo ho kaiga kotoabe: bea te nau to i he heleta o ho nau gaahi fili, bea e mamata ki ai ho mata: bea teu tukuage a Juta kotoabe ki he nima oe tu‘i o Babilone, bea te ne ave fakabobula akinautolu ki Babilone, bea e tamate‘i akinautolu aki ae heleta.

⁵Bea teu tukuage ae malohi kotoabe oe kolo ni, bea moe nau gaue kotoabe, moe nau gaahi mea maugataa kotoabe, bea moe gaahi koloa kotoabe ae gaahi tu‘i o Juta teu tukuage ki he nima o ho nau gaahi fili, aia e maumau‘i akinautolu, bea e too akinautolu mo ave akinautolu ki Babilone.

⁶Bea ko koe Basuli, bea mo kinautolu kotoabe oku nofo i ho fale e ave fakabobula: bea te ke a‘u ki Babilone, bea te ke mate ai, bea tanu ai, ko koe, mo ho gaahi kaiga, akinautolu kuo ke kikite loi ki ai.

⁷E Jihova, kuo ke akonaki‘i au, bea kuou tui ki hoo akonaki: oku ke malohi iate au, bea kuo ke lava‘i: Koe manukiaga au i he aho kotoabe, bea oku nau manuki kotoabe kiate au.

⁸O kau ka lea, kuou kalaga, kuou kalaga, koe fakamalohi moe maumau‘i; koeuhi kuo gaohi ae folofola a Jihova koe mea ogoogo kovi kiate au, bea koe manukiaga, i he aho kotoabe.

⁹Bea naaku behe, E ikai teu toe lea kiate ia, bea e ikai teu toe lea i hono huafa. Ka nae tatau ene folofola i hoku loto moe afi vela kuo ufia i hoku gaahi hui, bea naaku fiu i he taofi, bea nae ikai teu faa fakalogobe.

¹⁰He kuou fanogo ki he lea launoa be oe toko lahi, ke ke fakaha ae fakailifia i he botu kotoabe, bea te mau fakaha ia: Nae amanaki a hoku kaiga toko lahi ki he eku higa, bea nae behe, Hei ilo e tauhele‘i nai ia, bea te tau malohi kiate ia, bea te tau tautea kiate ia.

¹¹Ka oku iate au a Jihova, o hage koe toko taha malohi fakamanavahe: koia e tūkia a hoku kau fakataga, bea e ikai te nau malohi: te nau ma lahi; koeuhi e ikai te nau monuia: e ikai fakagalo‘i e nau ma o taegata.

¹²E Jihova oe gaahi kau tau, akoe, oku ke ahiahi ae agatonu, bea ilo‘i ae gaahi mahalo bea moe loto, tuku keu mamata ki ho houhau kiate kinautolu: he kuou fakaha eku mea kiate koe.

¹³Mou hiva kia Jihova, mou fakamalo kia Jihova: he kuo ne fakahaofi ae laumalie oe majiva mei he nima oe kau fai kovi.

¹⁴Ke malaia ae aho naaku faele‘i ai: bea oua naa monuia ae aho nae faele‘i ai au e he eku fa‘e.

¹⁵Ke malaia ae tagata nae fakaha au ki he eku tamai, o behe, Kuo faele‘i kiate koe ae tamajii tagata, ke fakafiefia‘i ia.

¹⁶Ke tatau ae tagata koia moe gaahi kolo aia nae fakaauha e Jihova, bea nae ikai fakatomala: ke fanogo ia ki he kaila i he bogibogi, bea moe kalaga i he hoata;

¹⁷Koeuhi nae ikai te ne tamate‘i au i he manāva; beau faitoka aki eku fa‘e, beau nofo mau i hono manāva.

¹⁸Koeha naaku ha‘u ai mei he manāva ke ilo ae ogojia moe mamahi, bea ke fakaoji hoku gaahi aho i he ma?