KOE TOHI A JELEMAIA 21:1-14 TON1884 - Bible AI

¹1 Koe fekau e Setikia kia Jelemaia ke eke ki he tau a Nebukanesa. 3 Koe kikite e Jelemaia ki he kaba moe fakabobula. 8 Oku ne ako ki he kakai ke nau fakavaivai ki he kau Kalitia, 11 bea oku ne valoki ki he fale oe tu‘i. KOE folofola nae hoko kia Jelemaia mei a Jihova, i he fekau kiate ia e he tu‘i ko Setikia a Basuli koe foha o Malikia, mo Sefania koe foha o Maaseia koe taulaeiki, o behe,

²Oku ou kole kiate koe, ke ke hufia akimautolu kia Jihova; he oku teu tau kiate kimautolu a Nebukanesa koe tu‘i o Babilone; hei ilo e fai e Jihova kiate kitautolu o hage ko ene gaahi gaue fakaofo kotoabe, koeuhi ke ne alu atu iate kitautolu.

³Bea nae toki lea a Jelemaia kiate kinautolu, Te mou lea behe kia Setikia:

⁴Oku behe e Jihova koe Otua o Isileli; Vakai, teu fakatafoki ae gaahi mea tau oku i ho mou nima, aia oku mou tau aki ki he tu‘i o Babilone, moe kau Kalitia, akinautolu oku tau‘i akimoutolu mei tuaa, bea teu fakataha akinautolu ki loto kolo ni.

⁵Bea ko au teu tau‘i kimoutolu aki ae nima mafao atu bea moe nima malohi, io i he ita, bea moe houhau kakaha, bea moe tubutamaki lahi.

⁶Bea teu ta‘i ae kakai oe kolo ni, koe tagata moe manu: bea te nau mate i he mahaki fakaauha.

⁷Oku behe e Jihova, Hili ia teu tukuage a Setikia koe tu‘i o Juta, mo ene kau tamaioeiki, bea moe kakai, bea mo kinautolu i he kolo kuo hao mei he mahaki fakaauha, moe heleta, bea moe hoge, ki he nima o Nebukanesa koe tu‘i o Babilone, bea ki he nima o ho nau gaahi fili, bea ki ho nau nima oku kumi e nau moui: bea te nau ta‘i akinautolu aki ae mata oe heleta: e ikai te ne ofa kiate kinautolu, bea e ikai te ne fakamoui, bea e ikai te ne fai aloofa.

⁸Oku behe e Jihova, ke ke behe ki he kakai ni, Vakai oku tuku i ho mou ao ae hala ki he moui, bea moe hala ki he mate.

⁹Koia oku nofo i he kolo ni te ne mate i he heleta, bea i he hoge, bea i he mahaki fakaauha: ka koia oku alu kituaa o hola ki he kau Kalitia, akinautolu oku kabui akimoutolu, te ne moui, bea e iate ia ene moui o hage koe koloa.

¹⁰He oku behe e Jihova, kuou haga ki he kolo ni, ke fakahoko ki ai ae kovi, kae ikai koe lelei: e tukuage ia ki he nima oe tu‘i o Babilone, bea te ne tutu ia aki ae afi.

¹¹Bea koe mea oku kau ki he fale oe tu‘i o Juta, Mou fanogo ki he folofola a Jihova.

¹²E fale o Tevita, oku behe e Jihova; Fai fakatootoo ae fakamāu, bea fakamoui ia kuo fakamalohia mei he nima oe fakamalohi, telia naa alu atu a eku houhau kakaha o hage koe afi o vela, bea e ikai ha taha e faa fuifui ia, koeuhi koe kovi o hoo mou gaahi faiaga.

¹³Oku behe e Jihova, Vakai, oku ou fai mo koe, akoe oku ke nofo i he telea, bea moe maka i he toafa; akimoutolu oku behe, kohai e tau‘i akimautolu? be kohai e hu ki ho mau nofoaga?

¹⁴Oku behe e Jihova, Teu tautea kiate kimoutolu o tatau moe fua o hoo mou gaahi faiaga; bea teu tutu ae afi i hono vao akau, bea te ne fakaauha ae gaahi mea kotoabe oku takatakai ia.