KOE TOHI A JELEMAIA 22:1-30 TON1884 - Bible AI

¹1 Koe akonaki ki he fakatomala, bea oku fai ae gaahi talaofa moe lea fakamana. 10 Koe tautea kia Salumi, 13 mo Jihoiakimi, 20 mo Konaia. OKU behe e Jihova; Alu hifo ki he fale oe tu‘i o Juta, bea lea aki ae lea ni ki ai,

²O behe, Fanogo ki he folofola a Jihova, E tu‘i o Juta, akoe oku nofo i he nofoa fakatu‘i o Tevita, akoe, mo hoo kau tamaioeiki, bea mo hoo kakai oku hu ki he gaahi mataba ni:

³Oku behe e Jihova; Mou fai ae fakamāu moe agatonu, bea fakamoui aia kuo fakamalohia mei he nima oe fakamalohi: bea oua naa fai kākā ki he muli, moe tamai mate, bea moe fefine kuo mate hono unoho; oua naa fai fakamalohi, be liligi ae toto taehalaia i he botu ni.

⁴He kabau te mou fai mooni ki he mea ni, bea e toki hu ki he gaahi mataba oe fale ni, ae gaahi tu‘i oku nofo i he nofoaga o Tevita, o heka ki he gaahi saliote bea moe faga hosi, koia, mo ene kau tamaioeiki, bea mo hono kakai.

⁵Ka oku behe e Jihova, Kabau e ikai te mou fanogo ki he gaahi lea ni, oku ou fuakava iate au, ke hoko ae fale ni koe liaki.

⁶He oku behe e Jihova ki he fale oe tu‘i o Juta; Ko Kiliati koe kiate au, bea moe ulu o Lebanoni: ka koe mooni teu gaohi koe koe toafa, bea koe gaahi kolo oku ikai i ai ha kakai.

⁷Bea teu fekau kiate koe ae kau fakaauha, ke alu taki taha mo ene mahafu tau: bea te nau ta hifo ae gaahi sita lelei iate koe, bea laku ki he afi.

⁸Bea e alu o ofi ki he kolo ni ae kakai toko lahi, bea te nau febeheaki, Koeha kuo fai behe ai a Jihova ki he kolo lahi ni?

⁹Bea te nau toki lea, Koeuhi kuo nau liaki ae fuakava a Jihova ko ho nau Otua, bea lotu ki he gaahi Otua kehe, o tauhi akinautolu.

¹⁰Oua naa mou tagi koeuhi koe bekia, be tagilāulāu koeuhi koia: kae tagi mamahi koeuhi koia oku alu: koeuhi e ikai te ne toe ha‘u, be toe mamata ki hono fonua.

¹¹He oku behe e Jihova kia Salumi koe foha o Josaia koe tu‘i o Juta, aia nae bule koe fetogi o Josaia ko ene tamai, aia nae alu atu i he botu ni; E ikai te ne toe ha‘u ki ai:

¹²Ka te ne mate i he botu kuo nau tataki fakabobula ia ki ai, bea e ikai te ne toe mamata ki he fonua ni.

¹³E malaia ia aia oku laga hono fale i he taetotonu, bea mo hono gaahi botu ki oluga i he fai taeagatonu; aia oku bule ki hono kaugaabi ke gaue taetotogi, bea ikai totogi ia ki he ene gaue;

¹⁴Aia oku behe, Teu laga mooku ae fale lahi bea moe gaahi botu lahi i oluga, bea ne tutuu maana ae gaahi tuba; bea oku aofi ia i oluga aki ae sita, bea vali aki ae ega kulokula.

¹⁵He te ke bule koe, koeuhi kuo takatakai aki koe ae sita? ikai nae kai mo inu a hoo tamai, bea fai agatonu mo fakamāu, bea nae lelei ai ia?

¹⁶Naa ne fakamāu eia ae mea ae baea moe majiva; bea nae lelei ai ia: ikai koe mea ia i he ene ilo‘i au? oku behe e Jihova.

¹⁷Ka kuo tuku be ho mata mo ho loto oou ki hoo manumanu, bea ke liligi ae toto oe tae halaia, bea ke fai ae fakamamahi, moe fakamalohi;

¹⁸Koia oku behe e Jihova kia Jihoiakimi koe foha o Josaia koe tu‘i o Juta; E ikai te nau tagi koeuhi koia, o behe, Oiaue hoku tokoua! be, Oiaue hoku tuofefine! e ikai te nau tagi koeuhi koia, o behe, Oiaue e Eiki! be Oiaue, a hono nāunāu!

¹⁹Bea e tanu ia o hage koe tanu ae asi, e toho ia o li kitua i he gaahi mataba o Jelusalema.

²⁰Alu hake ki Lebanoni, bea tagi; bea hiki hake ho le‘o ki Besani, bea tagi mei he gataaga oe fonua: he kuo fakaauha akinautolu kotoabe oku ofa kiate koe.

²¹Naaku lea kiate koe i hoo kei monuia; ka naa ke behe, E ikai teu fanogo. Ko hoo ulugaaga eni talu hoo kei jii, he oku ikai te ke fanogo ki hoku le‘o.

²²E fakaoji kotoabe e he matagi a hoo kau tauhi kotoabe, bea e ave fakabobula akinautolu oku ofa kiate koe: bea te ke toki ma mooni, bea bubutuu koeuhi ko hoo agahala kotoabe.

²³Akoe oku nofo i Lebanoni, akoe kuo gaohi ho mohega i he gaahi sita, hono ikai e fakavaivai‘i koe oka hoko kiate koe ae mamahi, o hage koe fefine oku laga ke faele!

²⁴Oku behe e Jihova, Ko au oku ou moui, bea ka ne tatau a Konaia koe foha o Jihoiakimi koe tu‘i o Juta, moe mama ki hoku nima toomatau, teu li koe mei ai;

²⁵Bea teu tukuage koe ki he nima okinautolu oku kumi ki hoo moui, bea ki he nima okinautolu oku ke manavahe ki ai, io ki he nima o Nebukanesa koe tu‘i o Babilone, bea ki he nima oe kau Kalitia.

²⁶Bea teu kabuji koe, mo hoo fa‘e aia naa ne faele‘i koe, ki he fonua kehe, aia nae ikai te mou faele‘i ai; bea e mate ai akimoutolu.

²⁷Ka koe fonua aia oku nau holi ke liliu ki ai, e ikai te nau toe liliu ki ai.

²⁸Koe tagata ni ko Konaia, ikai koe tamabua fehianekina ia kuo maumau‘i? be koe ibu ia oku ikai ofa ki ai ha taha? Koeha kuo kabuji ai akinautolu, koia mo hono hako, bea kuo kabuji ki he fonua oku ikai te nau ilo?

²⁹Ae fonua, ae fonua, ae fonua, fanogo ki he folofola a Jihova.

³⁰Oku behe e Jihova, Tohi ae tagata ni ke tae haane fānau, koe tagata e ikai te ne monuia i hono gaahi aho: bea e ikai monuia ha tagata i hono hako, ke nofo i he nofoaga o Tevita, be bule ki Juta o taegata.