KOE TOHI A JELEMAIA 24:1-10 TON1884 - Bible AI

11 Koe fiki lelei moe fiki kovi koe mea fakatātā ki he fakamoui akinautolu nae fakabobula‘i, 8 bea moe fakaauha a Setikia moe toega kakai. NAE fakaha ha mea kiate au e Jihova, bea vakai, koe kato fiki e ua nae tuku i he ao oe fale o Jihova, i he hili hono fetuku fakabobula e Nebukanesa koe tu‘i o Babilone a Jekonia koe foha o Jihoiakimi koe t‘ui o Juta, bea moe gaahi houeiki o Juta, moe kau tufuga, moe kau tufuga ukamea, mei Jelusalema, bea omi akinautolu ki Babilone.

2Koe gaahi fiki lelei aubito i he kato e taha, o hage koe gaahi fiki oku tomua momoho: bea nae i he kato e taha ae gaahi fiki kovi aubito, aia nae ikai faa kai, koeuhi koe nau kovi.

3Bea nae behe e Jihova kiate au, Jelemaia, koeha oku ke mamata ki ai? Bea naaku behe, Koe gaahi fiki: koe gaahi fiki lelei, oku lelei aubito; bea koia oku kovi oku kovi aubito, oku ikai faa kai, koeuhi koe nau kovi.

4Bea nae toe hoko kiate au ae folofola a Jihova, o behe,

5Oku behe e Jihova, koe Otua o Isileli; Teu fakailoga behe o hage koe gaahi fiki lelei, akinautolu o Juta kuo ave fakabobula, akinautolu kuou kabuji i he fonua ni ki he fonua oe kau Kalitia koeuhi ke nau lelei ai.

6He teu fakahaga hoku fofoga kiate kinautolu koeuhi ke nau lelei, bea teu toe omi akinautolu ki he fonua ni: bea teu laga‘i akinautolu, bea e ikai vete hifo; bea teu to akinautolu, bea e ikai taaki akinautolu.

7Bea teu foaki kiate kinautolu ha loto ke nau ilo‘i au, koeuhi ko au ko Jihova: bea te nau hoko ko hoku kakai, bea teu hoko ko ho nau Otua: he te nau tafoki kiate au aki ho nau loto kotoa.

8Bea hage koe gaahi fiki kovi, aia nae ikai faa kai, koe mea i he e nau kovi; oku behe mooni e Jihova, Teu foaki behe a Setikia koe tu‘i o Juta, bea mo hono gaahi houeiki, bea mo hono toe o Jelusalema, aia oku toe i he fonua, bea ko kinautolu oku nofo i he fonua ko Ijibite.

9Bea teu tukuage akinautolu ke ave ki he gaahi buleaga kotoabe o mamani ki he mamahi, moe fakama, moe ogoogokovi, koe manukiaga moe malaia, i he gaahi botu kotoabe aia teu kabuji akinautolu ki ai.

10Bea teu fekau kiate kinautolu ae heleta, moe hoge, bea moe mahaki fakaauha, kae oua ke fakaauha akinautolu mei he fuga fonua aia naaku foaki kiate kinautolu moe nau gaahi tamai.

ter>