KOE TOHI A JELEMAIA 26:1-24 TON1884 - Bible AI

¹1 Oku akonaki aki e Jelemaia ae gaahi talaofa bea moe gaahi fakamana ki he fakatomala. 8 Koia oku buke ai ia bea fakamāu‘i. 12 Ko ene fakamatala. 16 Koe fakatonuhia ia i he faiaga a Maika, 20 mo Ulija, 24 bea moe ofa a Ahikami. I HE kāmataga oe bule a Jihoiakimi koe foha o Josaia koe tu‘i o Juta nae ha‘u ae folofola ni mei a Jihova, o behe,

²Oku behe mai e Jihova; Tuu i he lotoa i he fale o Jihova, bea lea ki he gaahi kolo o Juta, akinautolu oku ha‘u ke lotu ki he fale o Jihova, koe gaahi lea kotoabe oku ou fekau kiate koe ke lea aki kiate kinautolu; oua naa fakajiijii ha lea:

³Hei ilo te nau fanogo, bea tafoki taki taha ae tagata mei hono hala kovi, koeuhi keu fakatomala i he kovi aia naaku tokaga ke fai kiate kinautolu koeuhi koe kovi oe nau gaahi faiaga.

⁴Bea te ke behe kiate kinautolu, oku behe e Jihova; Kabau e ikai te mou fanogo kiate au, o eveeva i he eku fono, aia kuou tuku i ho mou ao,

⁵O fanogo ki he lea a eku kau tamaioeiki koe kau balofita, akinautolu kuou fekau kiate kimoutolu, o tuu hegihegi hake be, o fekau akinautolu, ka nae ikai te mou tokaga;

⁶Bea teu toki gaohi ae fale ni ke hage ko Sailo, bea teu gaohi ae kolo ni koe fakamalaia ki he gaahi kakai kotoabe o mamani.

⁷Bea nae fanogo e he kau taulaeiki moe kau balofita bea moe kakai kotoabe ki he lea aki e Jelemaia ae gaahi lea ni i he fale o Jihova.

⁸Bea nae hoko o behe i he hili ae lea kotoabe a Jelemaia, aia nae fekau kiate ia e Jihova ke ne lea aki ki he kakai kotoabe, nae ave ia e he kau taulaeiki, moe kau balofita, moe kakai kotoabe, o nau behe, Koe mooni te ke mate.

⁹Koeha kuo ke kikite ai i he huafa o Jihova, o behe, E hoko ae fale ni o hage ko Sailo, bea e lala mo tae hano kakai ae kolo ni? Bea nae fakataha ae kakai kotoabe kia Jelemaia i he fale o Jihova.

¹⁰Bea i he fanogo ae houeiki o Juta ki he gaahi mea ni, naa nau ha‘u mei he fale oe tu‘i ki he fale o Jihova, o nofo ki lalo i he huaga ki he mataba foou oe fale o Jihova.

¹¹Bea nae toki lea ae kau taulaeiki moe kau balofita ki he houeiki bea moe kakai kotoabe, o behe, Oku totonu ke mate ae tagata ni; he kuo ne kikite ki he kolo ni, o hage koia kuo mou fanogo aki ho mou teliga.

¹²Bea nae toki lea a Jelemaia ki he houeiki kotoabe, bea moe kakai kotoabe, o behe, Nae fekau au e Jihova ke kikite aki ae gaahi lea kotoabe kuo mou fanogo ki ai ki he fale ni bea moe kolo ni.

¹³Ka koeni, mou fakalelei ho mou gaahi hala mo hoo mou gaahi faiaga, bea mou talagofua ki he le‘o o Jihova ko ho mou Otua; bea e takatomala a Jihova i he kovi aia kuo ne lea aki kiate kimoutolu.

¹⁴Bea koeuhi ko au, Vakai, oku ou i ho mou nima: lai kiate au aia oku lelei kiate kimoutolu.

¹⁵Ka mou ilo bau eni, kabau te mou tamate‘i au, te mou omi ae toto taehalaia kiate kimoutolu moe kolo ni, bea mo hono kakai: he koe mooni nae fekau au e Jihova kiate kimoutolu ke lea aki ae gaahi lea ni ki ho mou teliga.

¹⁶Bea nae toki lea ae houeiki moe kakai kotoabe ki he kau taulaeiki moe kau balofita; Oku ikai totonu ke mate ae tagata ni: he kuo ne lea kiate kitautolu i he huafa o Jihova ko ho tau Otua.

¹⁷Bea nae toki tuu hake ae kau mātua niihi oe fonua, bea lea ki he fakataha kotoabe oe kakai, o behe,

¹⁸Nae kikite e Maika, koe tagata Molesi i he gaahi aho o Hesekaia koe tu‘i o Juta, bea naa ne lea ki he kakai kotoabe o Juta, o behe, Oku behe e Jihova oe gaahi kau tau; E keli a Saione o hage koe goue, bea e hoko a Jelusalema koe gaahi tafugofuga, bea koe mouga oe fale o hage koe gaahi botu maoluga oe toafa.

¹⁹He nae tamate‘i ia koa a Hesekaia koe tu‘i o Juta mo Juta kotoabe? ikai naa ne manavahe kia Jihova, bea kumi kia Jihova, bea nae fakatomala a Jihova i he kovi aia naa ne lea aki kiate kinautolu? Ka oku tau fakatubu ae kovi lahi kiate kitautolu.

²⁰Bea nae i ai ae tagata foki nae kikite i he huafa o Jihova ko Ulija koe foha o Semaia mei Keja‐jialimi, aia nae kikite ki he kolo ni, bea ki he fonua ni, o hage koe gaahi lea kotoabe a Jelemaia:

²¹Bea i he fanogo ki he ene gaahi lea a Jihoiakimi koe tu‘i mo hono kau tagata malohi kotoabe, moe houeiki kotoabe, nae kumi ke tamate‘i ia e he tu‘i: ka i he fanogo ki ai a Ulija, nae manavahe ia, bea hola, bea alu ki Ijibite;

²²Ka nae fekau e Jihoiakimi koe tu‘i ae kau tagata ki Ijibite, ko Elinatani koe foha o Akiboa, bea moe kau tagata niihi mo ia ki Ijibite.

²³Bea naa nau omi a Ulija mei Ijibite, ke omi ia kia Jihoiakimi koe tu‘i; aia nae tamate‘i ia aki ae heleta, bea li hono agaaga ki he faitoka oe kakai mea vale.

²⁴Ka nae ia Jelemaia ae nima o Ahikami koe foha o Safani, koeuhi ke oua naa tukuage ia ki he nima oe kakai ke tamate‘i.