KOE TOHI A JELEMAIA 27:1-22 TON1884 - Bible AI

¹1 Oku kikite aki e Jelemaia ae mea fakatātā ae gaahi ha‘i moe haamoga ki he fakavaivai ae gaahi tu‘i kia Nebukanesa. 8 Oku ne akonaki ke nau fakavaivai bea oua naa tui ki he gaahi balofita loi. 12 Oku ne fai behe kia Setikia. 19 Oku ne kikite e fetuku ae gaahi toega ibu ki Babilone, bea tuku ai o a‘u ki he aho oe aahi. I HE kāmataga oe bule a Jihoiakimi koe foha o Josaia koe tu‘i o Juta nae ha‘u ae folofola ni mei a Jihova kia Jelemaia, o behe,

²Oku behe mai a Jihova kiate au; Ke ke gaohi ae gaahi ha‘i moe gaahi haamo, o ai ia ki ho kia,

³Bea fekau ke ave ia ki he tu‘i o Itomi, bea moe tu‘i o Moabe, bea moe tu‘i oe kau Amoni, bea moe tu‘i o Taia, bea moe tu‘i o Saitone, i he nima oe kau talafekau aia oku ha‘u ki Jelusalema, kia Setikia koe tu‘i o Juta;

⁴Bea fekau akinautolu ke lea ki ho nau houeiki, Oku behe mai a Jihova oe gaahi kau tau, koe Otua o Isileli; Ke mou lea behe ki ho mou houeiki;

⁵Kuou gaohi a mamani, moe tagata, bea moe manu oku i ho fuga fonua, aki eku malohi lahi, mo hoku nima mafao, bea kuou foaki ia kiate kinautolu oku ou loto ki ai.

⁶Bea koeni kuou foaki ae gaahi fonua ni kotoabe ki he nima o Nebukanesa koe tu‘i o Babilone, ko eku tamaioeiki; bea moe gaahi manu oe goue kuou foaki foki kiate ia ke tauhi aki ia.

⁷Bea e tauhi kiate ia ae gaahi buleaga kotoabe, bea ki hono foha, bea moe foha o hono foha, o a‘u ki he hoko mai ae aho o hono fonua: bea e toki bule kiate ia e he kakai toko lahi, moe gaahi tu‘i lahi ke ne tauhi akinautolu.

⁸Bea e hoko ia o behe, koe kakai moe buleaga aia e ikai fie tauhi kia Nebukanesa koia, koe tu‘i o Babilone, bea e ikai fie ai ae haamoga ae tu‘i o Babilone ki ho nau kia, Oku behe e Jihova, teu tautea aki ae kakai koia ae heleta, moe hoge, mo mahaki fakaauha, kae oua ke fakaoji akinautolu i hono nima.

⁹Koia oua naa mou fanogo ki hoo mou kau balofita, be ki hoo mou kau kikite, be ki hoo mou kau miji, be ki hoo mou kau jio ki lagi, be ki hoo mou kau fiemana, akinautolu oku lea kiate kimoutolu, o behe, E ikai te mou tauhi ae tu‘i o Babilone.

¹⁰He oku nau kikite loi kiate kimoutolu, ke ave mamao akimoutolu mei ho mou fonua; koeuhi teu kabuji akimoutolu, bea te mou auha.

¹¹Ka oku behe e Jihova, koe gaahi buleaga aia e ai ae haamoga ae tu‘i o Babilone ki ho nau kia, bea tauhi ia, teu tuku ke nofo akinautolu i ho nau fonua, bea te nau goue‘i ia, bea nofo ai.

¹²Bea naaku lea foki kia Setikia koe tu‘i o Juta o hage koe gaahi lea ni kotoabe, o behe, Mou ai ae haamoga ae tu‘i o Babilone ki ho mou kia, bea tauhi ia mo hono kakai, ke mou moui.

¹³Koeha oku mou fie mate ai, ko koe mo hoo kakai, i he heleta, moe hoge, bea moe mahaki fakaauha, o hage koia kuo folofola aki e Jihova ki he kakai oku ikai fie tauhi ki he tu‘i o Babilone?

¹⁴Koia oua naa fanogo ki he gaahi lea ae kau balofita oku lea kiate kimoutolu, o behe, E ikai te mou tauhi ae tu‘i o Babilone: he oku nau kikite loi kiate kimoutolu.

¹⁵He oku behe e Jihova, nae ikai teu fekau akinautolu, ka oku nau kikite loi i hoku huafa; koeuhi keu kabuji akimoutolu, bea te mou auha, ko kimoutolu bea moe kau balofita oku kikite kiate kimoutolu.

¹⁶Naaku lea foki ki he kau taulaeiki bea ki he kakai ni kotoabe, o behe, Oku behe mai a Jihova; oua naa fanogo ki he gaahi lea ae kau balofita oku kikite kiate kimoutolu, o behe, Vakai, e toe omi vave mei Babilone ae gaahi ibu oe fale o Jihova: he oku nau kikite loi kiate kimoutolu.

¹⁷Oua naa fanogo kiate kinautolu; mou tauhi ki he tu‘i o Babilone, ke mou moui: e fakalala ae kolo ni koeha?

¹⁸Bea kabau koe kau balofita akinautolu, bea kabau oku iate kinautolu ae folofola a Jihova, tuku ke nau fai ni ae hufia kia Jihova oe gaahi kau tau, koeuhi koe gaahi ibu aia nae toe i he fale o Jihova, bea i he fale oe tu‘i o Juta, bea i Jelusalema, ke oua naa fetuku ia ki Babilone.

¹⁹He oku behe mai e Jihova oe gaahi kau tau, Koe mea ki he gaahi bou, bea moe fuu aiaga vai, bea moe gaahi tuuga, bea ki he gaahi ibu oku toe i he kolo ni,

²⁰Aia nae ikai ave e Nebukanesa koe tu‘i o Babilone, i he ene fetuku fakabobula a Jekonia koe foha o Jihoiakimi koe tu‘i o Juta mei Jelusalema ki Babilone, bea moe houeiki kotoabe o Juta mo Jelusalema;

²¹Koe mooni, oku behe mai e Jihova oe gaahi kau tau, koe Otua o Isileli, koe mea i he gaahi ibu oku toe i he fale o Jihova, bea i he fale oe tu‘i o Juta mo Jelusalema;

²²Oku behe e Jihova, e fetuku ia ki Babilone, bea e tuku ia ki ai, o a‘u ki he aho aia teu aahi ai akinautolu; bea teu toki omi ia mei ai, bea toe tuku ia ki he kolo ni.