1
2Too kiate koe ae tohi takai, bea tohi ai ae gaahi lea kotoabe kuou lea aki kiate koe ki Isileli, mo Juta, moe kakai kotoabe, talu mei he aho naaku fua lea ai kiate koe, o fai mei he gaahi aho o Josaia, io, o a‘u ki he aho ni.
3Bea e fanogo nai e he fale o Juta ae kovi kotoabe aia oku ou tokaga ke fai kiate kinautolu; koeuhi ke nau tafoki ae tagata taki taha mei hono hala kovi; koeuhi keu fakamolemole ai e nau hia, bea moe nau agahala.
4Bea nae toki ui e Jelemaia kia Baluki koe foha o Nelia: bea tohi e Baluki mei he gutu o Jelemaia i he tohi takai ae gaahi folofola kotoabe a Jihova, aia naa ne folofola aki kiate ia.
5Bea nae fekau e Jelemaia kia Baluki, o behe, Oku ou nofo bobula au, oku ikai teu faa alu ki he fale o Jihova:
6Koia ke ke alu koe, bea lau i he tohi, aia kuo ke tohi mei hoku gutu, ae gaahi folofola a Jihova ke fanogo ae kakai i he fale o Jihova i he aho aukai: bea ke ke lau foki ia ki Juta kotoabe, akinautolu kuo ha‘u mei ho nau gaahi kolo.
7Hei ilo be te nau fai e nau lotu i he ao o Jihova, bea taki taha tafoki mei hono hala kovi: he oku lahi ae houhau moe tubutamaki kuo fakaha e Jihova ki he kakai ni.
8Bea nae fai e Baluki koe foha o Nelia o hage koe mea kotoabe nae fekau e Jelemaia koe balofita kiate ia, o ne lau i he tohi ae gaahi folofola a Jihova i he fale o Jihova.
9Bea nae hoko o behe i hono nima ta‘u o Jihoiakimi koe foha o Josaia koe tu‘i o Juta, bea i hono hiva mahina naa nau fanogonogo ae aukai i he ao o Jihova ki he kakai kotoabe i Jelusalema, bea moe kakai kotoabe nae ha‘u mei he gaahi kolo o Juta ki Jelusalema.
10Bea nae toki lau e Baluki i he tohi ae gaahi lea a Jelemaia i he fale o Jihova, i he botu fale o Kemalia koe foha o Safani koe tagata tohi, i he botu lahi, i he huaga oe mataba foou oe fale o Jihova, bea nae fanogo ae kakai kotoabe.
11Bea i he fanogo a Mikaia koe foha o Kemalia, koe foha o Safani, ki he gaahi folofola kotoabe a Jihova mei he tohi,
12Nae toki alu hifo ia ki he fale oe tu‘i, ki he botu fale oe kau tagata tohi: bea, vakai, koe houeiki kotoabe nae nofo ai, ko Ilisama koe tagata tohi, mo Telaia, koe foha o Simaia, bea mo Elinatani koe foha o Akiboa, mo Kemalia koe foha o Safani, mo Setikia koe foha o Hanania, bea moe houeiki kotoabe.
13Bea nae fakaha kiate kinautolu e Mikaia ae gaahi lea naa ne fanogo ki ai, i he lau e Baluki mei he tohi i he teliga oe kakai.
14Koia nae fekau e he houeiki kotoabe a Jehuti, koe foha o Netania, koe foha o Selemaia, koe foha o Kusi, kia Baluki, o behe, Too i ho nima ae tohi takai aia naa ke lau i he teliga oe kakai, bea ke aluage. Bea nae too e Baluki koe foha o Nelia ae tohi takai i hono nima, bea ha‘u kiate kinautolu.
15Bea naa nau behe kiate ia, Nofo ki lalo, bea lau ia i ho mau teliga. Bea nae lau ia e Baluki ka nau fanogo.
16Bea nae hoko o behe, i he e nau fanogo ki he gaahi lea kotoabe, naa nau fejiofaki i he ilifia, bea nau behe kia Baluki, Koe mooni te mau fakaha ki he tu‘i ae gaahi lea ni kotoabe.
17Bea naa nau fehui kia Baluki, o behe, fakaha mai eni, Naa ke tohi fefe ae gaahi lea ni kotoabe mei hono gutu?
18Bea beheage e Baluki kiate kinautolu, Naa ne lea aki mei hono gutu ae gaahi lea ni kotoabe kiate au, beau tohi aki ia ae vai tohi i he tohi.
19Bea nae behe e he houeiki kia Baluki, Alu, o fufu koe, akoe mo Jelemaia; bea oua naa ilo e ha tagata be oku mo ife.
20Bea naa nau alu ki he tu‘i ki he fale fakaeieiki, ka nau tuku ae tohi takai i he botu i oluga o Ilisama koe tagata tohi, bea nae fakaha ae gaahi lea kotoabe i he teliga oe tu‘i.
21Bea nae fekau e he tu‘i kia Jehuti ke omi ae tohi takai: bea ne omi ia mei he botu fale o Ilisama koe tagata tohi. Bea lau ia e Jehuti i he teliga oe tu‘i, bea i he teliga oe houeiki kotoabe nae tutuu fakataha moe tu‘i.
22Bea nae afio ae tu‘i i he fale mumu i hono hiva oe mahina: bea nae i hono ao ae afi kakaha i he matanavu.
23Bea nae hoko o behe, hili hono lau e Jehuti ae vahe e tolu be fa, naa ne hifi aki ia ae hele, bea laku ia ki he afi nae i he matanavu, bea fakaauha ae tohi takai kotoabe i he afi nae i he matanavu.
24Ka nae ikai te nau manavahe, be mahaehae ho nau kofu, ae tu‘i, be ko ene kau tamaioeiki nae fanogo ki he gaahi lea ni kotoabe.
25Ka nae kole a Elinatani mo Telaia mo Kemalia ki he tu‘i ke oua naa tutu ae tohi takai: ka nae ikai te ne fie fanogo kiate kinautolu.
26Ka nae fekau e he tu‘i kia Jilamili koe foha o Hameleki, bea mo Selaia koe foha o Asilieli, bea mo Selemaia koe foha o Abitili, ke buke a Baluki koe tagata tohi mo Jelemaia koe balofita: ka nae fufu akinaua e Jihova.
27Bea nae toki hoko ae folofola a Jihova kia Jelemaia, hili hono tutu ae tohi takai e he tu‘i, bea moe gaahi lea aia nae tohi e Baluki mei he gutu o Jelemaia o behe;
28Ke ke toe too ae tohi takai e taha, bea tohi ki ai ae gaahi lea kotoabe, aia nae tuu i he uluaki tohi takai, aia nae tutu e Jihoiakimi koe tu‘i o Juta.
29Bea te ke lea o behe kia Jihoiakimi koe tu‘i o Juta, Oku behe e Jihova; Naa ke tutu ae tohi takai ni, o behe, Koeha naa ke tohi ai? o behe, Koe mooni e ha‘u ae tu‘i o Babilone o fakaauha ae fonua ni bea fakataga‘i ae tagata bea moe manu?
30Koia oku behe e Jihova kia Jihoiakimi koe tu‘i o Juta; E ikai te ne ma‘u ha taha ke nofo i he nofoaga fakaeieiki o Tevita: bea e li atu hono agaaga ki he bubuha i he aho, bea ki he momoko i he bo.
31Bea teu tautea ia mo hono hako mo ene kau tamaioeiki koeuhi koe nau agahala; bea teu omi kiate kinautolu, bea moe kakai o Jelusalema, bea moe kau tagata o Juta, ae kovi kotoabe aia kuou fakaha kiate kinautolu: ka nae ikai te nau fanogo.
32Bea nae toki too e Jelemaia ae tohi takai e taha, bea foaki ia kia Baluki koe tagata tohi, koe foha o Nelia; aia nae tohi mei he gutu o Jelemaia, ae gaahi lea kotoabe oe tohi aia nae tutu i he afi e Jihoiakimi koe tu‘i o Juta: bea nae fakalahi aki ae gaahi lea behe kiate kinautolu.