KOE TOHI A JELEMAIA 46:1-28 TON1884 - Bible AI

¹1 Koe kikite a Jelemaia ki he fakaauha ae kau tau a Felo i Iufaletesi, 13 bea moe lava‘i e Nebukanesa a Ijibite. 27 Oku ne fakafiemalie kia Jekobe i he tautea. KOE folofola a Jihova aia nae hoko kia Jelemaia koe balofita ki he kakai Jenitaile.

²Ki Ijibite, bea ki he tau a Felo aiko koe tu‘i o Ijibite, aia nae i he vaitaife ko Iufaletesi i Kakemisi, aia nae ta‘i e Nebukanesa koe tu‘i o Babilone i hono fa oe ta‘u o Jihoiakimi koe foha o Josaia koe tu‘i o Juta.

³Mou fekau ke ai ae fakaū moe ba, bea fakaofiofi mai ki he tau.

⁴Ai ae nāunāu ki he faga hose, bea mou fakaheka ae kau heka hose, bea tuu mai mo ho mou tatā tau; fakagigila ae gaahi tao, ai ae gaahi kofu tau.

⁵Koeha kuou mamata ai kiate kinautolu kuo nau manavahe, bea fakaholomui? kuo ta hifo ho nau kau malohi, kuo nau hola vave, bea ikai jio ki mui: he nae tuu takatakai ae manavahe, oku behe e Jihova.

⁶Oua naa tuku ke buna atu ae vee vave, be hao ae tagata malohi; te nau tūkia, bea to ki he botu tokelau ki he vee vai o Iufaletesi.

⁷Kohai eni oku alu hake o hage koe vai lahi, oku gau‘e hono gaahi vai, o hage koe vaitafe?

⁸Oku tuu hake a Ijibite o hage koe vai lahi, bea oku gau‘e hono gaahi vai o hage koe vaitafe; bea oku ne behe, Teu alu hake, bea teu ufiufi ae fonua; bea teu fakaauha ae kolo mo hono kakai.

⁹Mou unuunu mai ae faga hose; bea fakamatalili‘i ae gaahi saliote; bea tuku ke alu atu ae kau tagata malohi i he tau; koe kau Itiobea moe kau Libea, ko kinautolu oku buke ae fakaū; bea moe kau Litia, oku too o teke ae kautana.

¹⁰He koe aho eni oe Eiki ko Jihova oe gaahi kau tau, koe aho oe houhau koeuhi ke ne tautea eia ki hono gaahi fili: bea e fakaauha e he heleta, bea e makona ia, bea fakakona aki ia ho nau toto: he oku ma‘u e he Eiki ko Jihova oe gaahi kau tau ae feilaulau i he botu tokelau i he vaitafe ko Iufaletesi.

¹¹E taahine koe ofefine o Ijibite, alu hake ki Kiliati o too mai ae lolo faitoo: e tae aoga ae gaahi faitoo lahi kiate koe; koeuhi e ikai te ke moui.

¹²Kuo fanogo ae gaahi buleaga ki hoo ma, bea kuo bito ae fonua i he tagi: he kuo febaki ae tagata malohi moe tagata malohi, bea kuo na higa fakatouoji.

¹³Koe lea nae folofola aki e Jihova kia Jelemaia koe balofita, ki he ha‘u a Nebukanesa koe tu‘i o Babilone ke ta‘i ae fonua ko Ijibite.

¹⁴Mou fakaha i Ijibite, bea fakailo i Mikitoli, bea fakaha i Nofe mo Tabanesi: mou behe, Tuu mau, bea ke teuteu; koeuhi e fakaauha takatakai iate koe e he heleta.

¹⁵Koeha kuo tafe atu ai a hoo kau malohi? nae ikai te nau tuu, koeuhi nae kabuji akinautolu e Jihova.

¹⁶Kuo ne fakahigaki ae toko lahi, io, kuo nau fetaotaomi: koia naa nau, febeheaki, Tuu bea ke tau toe alu ki ho tau kakai, bea ki he fonua nae faele‘i ai akitautolu koeuhi koe heleta ae malohi.

¹⁷Naa nau tagi i ai, Koe logoaa be Felo koe tu‘i o Ijibite; kuo oji ae kuoga nae tuutuuni.

¹⁸Oku behe e he tu‘i, aia ko hono huafa ko Jihova oe gaahi kau tau, Hage oku ou moui, koe mooni e hage ko Teboa i he gaahi mouga, bea hage ko Kameli i he ene ofi ki tahi, e behe ene ha‘u.

¹⁹E ofefine oku nofo i Ijibite, teuteu koe ke ke alu ki he fakabobula: koeuhi e fakalala a Nofe, bea e fakaauha ke oji hano kakai.

²⁰Oku tatau a Ijibite moe bulu fefine jii oku fakaofoofa aubito, ka oku ha‘u ae fakaauha; oku ha‘u ia mei he tokelau.

²¹Bea oku tatau moe faga bulu kuo fagabeji a hono kau tagata totogi; bea kuo nau foki ki mui, bea kuo nau hola fakataha: nae ikai te nau tuu mai, koeuhi nae hoko mai ae aho o hoo nau tuutamaki, bea moe aho oe nau tautea.

²²E ogo hono le‘o o hage koe alu ae gata; he te nau alu atu kiate ia moe kau tau, te nau ha‘u kiate ia, moe gaahi tohi, o hage koe kau ta akau.

²³Oku behe e Jihova, Te nau tuuji hifo hono gaahi vao akau, ne ogo oku ikai faa kumi ki ai; koeuhi oku nau toko lahi i he faga hee, bea tae faa laua.

²⁴E fakama‘i ae taahine Ijibite; e tukuage ia ki he nima oe kakai mei he tokelau.

²⁵Oku behe e Jihova oe gaahi kau tau, koe Otua o Isileli; Vakai, teu tautea ae kakai toko lahi o No, mo Felo, mo Ijibite, mo ho nau gaahi otua, bea mo ho nau gaahi tu‘i; io, a Felo mo kinautolu oku falala kiate ia:

²⁶Bea teu tukuage akinautolu ki he nima okinautolu oku kumi ki he e nau moui, bea ki he nima o Nebukanesa koe tu‘i o Babilone, moe nima o ene kau tamaioeiki: bea oku behe e Jihova, Hili ia e toki fakakakai ia, o hage koe gaahi aho i mua.

²⁷Kae oua naa ke manavahe, E Jekobe ko eku tamaioeiki: bea oua naa ke bubutuu, E Isileli: he vakai, teu fakamoui koe mei he mamao, bea mo ho hako mei he fonua oku nau bobula ki ai; bea e liliu mai a Jekobe, bea te ne mālōlō, mo fiemalie, bea e ikai fakamanavahe‘i ia e ha toko taha.

²⁸Oku behe e Jihova, Oua naa ke manavahe, E Jekobe ko eku tamaioeiki: he oku ou iate koe; he teu fakaoji ae gaahi buleaga aia kuou kabuji koe ki ai: ka e ikai teu fakagatagata koe, ka teu tautea jii koe, bea e ikai teu fakaauha aubito koe.