KOE TOHI A JELEMAIA 48:1-47 TON1884 - Bible AI

¹1 Koe tautea o Moabe, 7 koe mea i he e nau fielahi, 11 moe fakafiemalie, 14 moe falala fakakakano, 26 moe agatuu ki he Otua, mo hono kakai. 47 Koe fakamoui a Moabe. OKU folofola behe e Jihova oe gaahi kau tau, koe Otua o Isileli ki Moabe; E malaia a Nibo! he kuo maumau ia: kuo veuveuki mo kaba a Kiliateimi: bea kuo maveuveu mo bubutuu a Misikabi.

²E ikai toe fakaogo lelei a Moabe: kuo nau fakakaukau kovi ki ai i Hesiboni; ( o behe, ) Ke tau tuuji ia ke oua naa kei buleaga ia. Bea e tuuji foki akoe Matimena: e tuli koe e he heleta.

³Kuo ogo mai ae le‘o oe tagi mei Holonaimi, koe maumau‘i moe fakaauha lahi.

⁴Kuo fakaauha a Moabe; kuo tagi ke ogo a hono kakai iki.

⁵Koeuhi i he alu hake a Luiti te nau alu hake moe tagi mau ai be: he kuo fanogo ae fili ki he tagi oe fakaauha i he alu hifo a Holonaimi.

⁶Mou hola, bea fakahaofi hoo mou moui, ka te mou hage koe akau tae hano lau i he toafa.

⁷He koeuhi kuo ke falala ki hoo gaahi gaue, mo hoo gaahi koloa, e lava‘i ai foki koe: bea e alu ki he fakabobula a Kimosi, mo ene kau taulaeiki mo hono houeiki fakataha.

⁸Bea e hoko ae tagata maumau ki he kolo kotoabe, bea e ikai aubito hao ha kolo e taha: e malaia ae telea, bea e fakaauha moe toafa, o hage koe folofola a Jihova.

⁹Foaki ae kabakau ki Moabe koeuhi ke ne hola o alu: he kuo lala hono gaahi kolo, bea oku ikai ha taha ke nofo ai.

¹⁰E malaia ia oku ne fai ae gaue a Jihova i he kākā, bea e malaia ia oku taofi ene heleta mei he toto.

¹¹Kuo fakafiemalie a Moabe talu ene kei jii, bea kuo toka hifo ki hono takele, bea nae ikai fakatafe mei he ibu ki he ibu, bea nae ikai ave ia ki he fakabobula: koia oku mau iate ia hono ifo, bea oku ikai fakakehe hono nanamu.

¹²Koia oku behe e Jihova, Vakai, oku ha‘u ae gaahi aho, aia teu fekau ai ae kau fakahe, bea te nau fakahe‘i ia, bea fakatafe ene gaahi ibu, bea maumau e nau gaahi hina.

¹³Bea e ma a Moabe ia Kimosi, o hage koe ma ae fale o Isileli ki Beteli ko ho nau falalaaga.

¹⁴Bea oku fefe hoo mou lea behe, Oku mau malohi koe kau tagata malohi ki he tau?

¹⁵Kuo maumau a Moabe, bea kuo alu hake ia i hono gaahi kolo, bea kuo alu hifo ki he tamate‘i a hono kau talavou kuo fili, oku behe, e he tu‘i, aia ko hono huafa ko Jihova oe gaahi kau tau.

¹⁶Kuo ofi ene hoko mai ae tuutamaki a Moabe, bea oku fakatootoo mai a hono mamahi.

¹⁷Ko kimoutolu kotoabe oku nonofo mo ia, mou mamahi koeuhi koia, bea ko kimoutolu kotoabe oku ilo hono higoa, mou behe, Oiaue! ae feji‘i ae tokotoko malohi, bea moe vaa matamata lelei!

¹⁸Ke ke alu hifo mei ho nāunāu, bea nofo fieinua, akoe koe ofefine aia oku nofo i Tiboni; he kuo hoko kiate koe ae maumau o Moabe, bea te ne fakaauha hoo gaahi botu malohi.

¹⁹Akoe oku ke nofo i Aloeli, Ke ke tuu i he vee hala mo leo; bea fehui kiate ia oku hola, bea mo ia oku hao, o behe, Koeha ae mea kuo fai?

²⁰Kuo veuveuki a Moabe; he kuo holoki hifo ia: mou tagilāulāu bea tagi lahi, mou fakaha ia i Alanoni, kuo maumau‘i a Moabe.

²¹Kuo hoko ae tautea ki he fonua tokalelei; ki Holoni, mo Jehasa, bea mo Mefata.

²²Bea mo Tiboni, mo Nibo, bea mo Betetibilateimi,

²³Bea mo Kiliateimi, mo Betekamuli, bea mo Betemioni,

²⁴Bea mo Kiliote, mo Bosila, bea ki he gaahi kolo kotoabe i he fonua o Moabe, be koe mamao be koe ofi.

²⁵Kuo tuuji ae nifo o Moabe, bea kuo feji‘i hono nima, oku behe e Jihova.

²⁶Mou fakakona ia: he kuo ne fakahikihiki eia ia kia Jihova: e fetafokifokiaki foki a Moabe i he ene lua, bea e hoko ia foki koe manukiaga.

²⁷Ikai nae hoko a Isileli koe manukiaga kiate koe? Nae ilo ia moe kau kaihaa? koeuhi talu hoo lea ki ai mo hoo hobohobo i he fiefia.

²⁸Ko kimoutolu oku nofo i Moabe, liaki ae gaahi kolo, bea nofo i he botu maka, bea mou hage koe lube oku gaohi hono bunuga i he gutu oe luo.

²⁹Kuo tau fanogo ki he fielahi a Moabe, (oku fakamanavahe ene fielahi) ko ene agahiki, moe fieeiki, moe fakamofutofuta, bea moe laukau o hono loto.

³⁰Bea oku behe e Jihova, Oku ou ilo ene ita ka oku ikai te ne faa fai; e ikai te ne lava‘i i he ene gaahi loi.

³¹Koia teu tagilāulāu koeuhi ko Moabe, io, teu tagi koeuhi ko Moabe kotoabe; Teu mamahi koeuhi koe kau tagata o Kilihelesi.

³²E vaine o Sibima, teu tagi aki ae tagi o Jesa koeuhi ko koe: kuo ave ho huli ki tahi, o a‘u ki he tahi o Jesa: kuo hoko ae maumau ki ho gaahi fua momoho bea ki he fua oe vaine.

³³Bea kuo mole ae fiefia moe nekeneka mei he goue mahu, bea mei he fonua o Moabe; bea kuou fakagata ae uaine i he tataoaga uaine: e ikai fai ha malamalaki aki ae kalaga; oku ikai koe kalaga e nau kalaga.

³⁴Oku ogo‘i ae tagi mei Hesiboni ki Iliale, bea kuo ogo atu ho nau le‘o o a‘u ki Jehasi, mei Soa o a‘u ki Holonaimi, o hage koe bulu mui kuo tolu ta‘u a ene motua: koeuhi e liaki‘i ae gaahi vai o Nimilimi.

³⁵Koia oku behe e Jihova, Teu fakagata i Moabe, aia oku ne fai ae feilaulau i he gaahi botu maoluga, bea mo ia oku tutu mea namu kakala ki hono gaahi otua.

³⁶Koia e tagi hoku loto o hage koe gaahi fagufagu koeuhi ko Moabe, bea e tagi hoku loto o hage koe gaahi fagufagu koeuhi koe kau tagata o Kilihelesi: koeuhi kuo auha ae gaahi koloa kuo ne ma‘u.

³⁷Koeuhi e tula ae ulu kotoabe, bea e koji ae kava kotoabe: bea e i he nima kotoabe ae gaahi tafa, bea moe tauagaa ki he koga loto.

³⁸E ai ae tagilāulāu lahi, i he fuga oe gaahi fale kotoabe o Moabe, bea i hono gaahi hala: he kuou maumau‘i a Moabe o hage koe ibu, aia oku ikai fiefia ki ai ha toko taha, oku behe e Jihova.

³⁹Te nau tagi lahi, o behe, Oiaue hono maumau‘i hifo ia! Oiaue ae fulitua mai a Moabe i he ene ma! E hoko a Moabe koe manukiaga, bea moe mea fakailifia kiate kinautolu kotoabe oku takatakai ia.

⁴⁰He oku behe e Jihova; Vakai, te ne buna o hage koe ikale bea te ne mafao atu hono kabakau ki Moabe.

⁴¹Kuo kaba a Kiliote, bea kuo ilifia ai ae gaahi botu malohi, bea e hoko i he aho koia ae loto oe kau tagata malohi i Moabe o hage koe loto oe fefine kuo laga.

⁴²Bea e fakaauha ae buleaga o Moabe, koeuhi koe fakahikihiki ia kia Jihova.

⁴³Oku behe mai e Jihova, Akoe oku nofo i Moabe, e iate koe ae ilifia, moe luo, bea moe tauhele.

⁴⁴Oku behe e Jihova, Koia oku hola i he manavahe te ne to ki he luo; bea koia e hao mei he luo e moua ia i he tauhele: he teu omi kiate ia, io ki Moabe, ae ta‘u o ho nau aahi.

⁴⁵Nae tuu i he malumalu o Hesiboni akinautolu nae hola koe mea i he malohi: ka e alu atu ae afi mei Hesiboni, bea moe uloafi mei he loto Sihoni, bea e fakaauha ai ae tuliki o Moabe, bea moe tumuaki oe gaahi fonua fakamaveuveu.

⁴⁶E Moabe, e malaia akoe! oku malaia ae kakai o Kimosi: he kuo ave fakabobula a ho gaahi foha, bea kuo alu foki a ho gaahi ofefine ki he fakabobula.

⁴⁷Ka oku behe e Jihova, Teu liliu ae fakabobula o Moabe, i he gaahi aho amui. Ko eni ae fakamāu o Moabe.