KOE TOHI A JELEMAIA 6:1-30 TON1884 - Bible AI

¹1 Koe fekau ae gaahi fili ki Juta. 6 Koe fekau ae Otua ke nau gaue koeuhi koe nau agahala. 9 Koe mamahi ae balofita koeuhi koe gaahi tautea mei he Otua, koe mea i he e nan agahala. 18 Koe fakaha ae houhau oe Otua. 26 Koe ui ki he kakai ke nau mamahi koeuhi koe tautea ki he e nau gaahi agahala. AE fānau a Benijimani mou fakataha akimoutolu bea hola atu mei Jelusalema, bea ifi ae mea lea i Tikoa, bea fokotuu ae fakailoga afi i Bete‐haki-lime; he oku ha mai ae kovi mei he tokelau, bea moe fakaauha lahi.

²Kuou fakatatau ae ofefine o Saione ki he fefine hoihoifua mo agalelei.

³E ha‘u kiate ia ae kau tauhi moe nau faga sibi; bea te nau fokotuu ho nau gaahi fale fehikitaki o takatakai kiate ia; bea te nau taki taha kai i hono botu oona.

⁴Mou teuteu kiate ia; tuu hake bea ke tau alu hake i he hoata malie. Oiaue akitautolu! He kuo alu ae aho, bea kuo mafola atu ae malumalu oe efiafi.

⁵Tuu hake, bea tau alu atu i he bouli, bea fakaauha hono gaahi fale fakaeieiki.

⁶He oku behe e Jihova oe gaahi kau tau, Ta hifo hono gaahi akau, bea fai ha tanu buke ki Jelusalema; koe kolo eni ke kaba; kuo bito ia i loto i he fakamalohi.

⁷O hage oku buna ae vai mei he matavai, oku behe ae ba mai ae agahala meiate ia; oku ogo‘i iate ia ae fakamalohi bea moe maumau‘i; oku i hoku ao mau ai be ae mamahi moe gaahi lavea.

⁸E Jelusalema, ke akonekina koe, telia naa alu iate koe a hoku laumalie; telia naa gaohi koe ke lala, koe fonua tae hano kakai.

⁹Oku behe e Jihova oe gaahi kau tau, Te nau tanaki hono toe o Isileli o hage koe vaine: bea e toe ai ho nima ki he gaahi vaa o hage koe tagata oku toli ae fua oe vaine.

¹⁰Teu lea mo valoki ki ahai, koeuhi ke nau fanogo? vakai, kuo tabuni ho nau teliga, bea oku ikai te nau faa ogo‘i; vakai, koe mea manuki kiate kinautolu ae folofola a Jihova; oku ikai te nau fiefia ki ai.

¹¹Koia kuou fonu i he houhau o Jihova; oku ou fiu i he taofi: teu liligi atu ia, ki he fānau oku i he hala; bea ki he fakataha ae kau talavou, io, e ave ae tagata mo hono unoho, ae motua bea mo ia oku lahi hono gaahi aho.

¹²Bea e ma‘u e he kakai kehe ho nau gaahi fale, moe gaahi goue, fakataha mo ho nau gaahi unoho: he teu mafao atu hoku nima ki he kakai oe fonua, oku behe e Jihova.

¹³He oku nau taki taha manumanu mei he iki o a‘u ki he lalahi; bea taki taha fai kākā mei he balofita, io, o a‘u ki he taulaeiki.

¹⁴Kuo nau fakamoui kākā foki ae lavea oe ofefine o hoku kakai, o nau behe, Fiemalie, fiemalie; ka oku ikai ha fiemalie.

¹⁵He naa nau ma i he e nau fai mea fakalielia? Nae ikai, nae ikai aubito te nau ma, bea nae ikai te nau fekula‘i i he ma; koia te nau higa mo kinautolu oku higa: o kau ka aahi kiate kinautolu e li ki lalo akinautolu oku behe e Jihova.

¹⁶Oku behe e Jihova, Mou tuu i he gaahi hala, o mamata, bea fehui ki he gaahi motua hala, koefe ae hala lelei? bea mou aeva i ai, bea te mou ilo ae fiemalie ki ho mou laumalie. Ka naa nau behe, E ikai te mau eveeva ai.

¹⁷Bea naaku fakanofo kiate kimoutolu foki ae kau tagata leo, o behe, Fanogo ki he le‘o oe mea lea. Ka naa nau behe, E ikai te mau fanogo.

¹⁸Koia mou fanogo, ae gaahi buleaga, bea ilo e he fakataha oe kakai, ae mea aia oku iate kinautolu.

¹⁹Fanogo, e mamani: vakai, teu omi ae kovi ki he kakai ni, koe fua oe nau gaahi mahalo, koeuhi nae ikai te nau fanogo ki he eku gaahi lea, be ki he eku fono, ka kuo nau jiaki ia.

²⁰He koeha hono aoga ke omi ae mea namu kakala kiate au mei Siba, bea moe to hua melie mei he botu mamao? oku ikai lelei kiate au ho mou gaahi feilaulau tutu, bea oku ikai hua melie kiate au ho mou gaahi feilaulau.

²¹Koia oku behe e Jihova, Vakai, teu ai ae gaahi tūkiaaga i he ao oe kakai ni, bea e tūkia fakataha ai ae gaahi tamai bea moe gaahi foha; bea e malaia ae kaugaabi mo ho nau kaiga.

²²Oku behe e Jihova, Vakai, oku ha‘u ha kakai mei he fonua i he tokelau, bea e fakatubu ae kakai lahi mei he gataaga o mamani.

²³Bea te nau ala ki he kaufana moe hofagahau; oku nau loto fefeka, bea tae aloofa; oku uulu ho nau le‘o o hage koe tahi; bea oku nau heka ki he faga hosi, o fakaotu o hage koe kau tagata teu tau kiate koe, E ofefine o Saione.

²⁴Kuo tau fanogo ki hono ogoogo: oku vaivai ho tau nima; kuo ma‘u akitautolu e he mamahi, o hage koe laga ha fefine ke faele.

²⁵Oua naa alu ki he goue, be eveeva i he hala; he oku i he botu kotoabe ae heleta oe fili moe fakailifia.

²⁶E ofefine o hoku kakai ke ke nonoo aki koe ae tauagaa, bea fetafokifokiaki koe i he efuefu; ke ke mamahi, o hage koe fai ki he foha be taha, koe tagilāulāu mamahi: koeuhi e ha‘u fakafokifabe kiate koe ae fakaauha.

²⁷Kuou fakanofo koe koe ahiahi, moe fakamaa ki hoku kakai, koeuhi ke ke ilo‘i mo ahiahi ki he e nau aga.

²⁸Koe kau agatuu fakamamahi akinautolu kotoabe, koe kau lau‘i kovi: koe balasa moe ukamea akinautolu: koe kau fakakovi akinautolu kotoabe.

²⁹Kuo vela ae tabili, kuo vela o vai ae bulu i he afi; oku fai ae haka taeaoga e he fakamaa: he oku ikai mavahevahe ae kovi.

³⁰E ui akinautolu e he kakai koe siliva kākā, koeuhi kuo jiaki akinautolu e Jihova.