KOE TOHI A JELEMAIA 7:1-34 TON1884 - Bible AI

¹1 Koe fekau a Jelemaia ke ui ki he kakai Jiu ke fakatomala, ke taofi ai e nau alu ki he fakabobula. 8 Oku ne fakaha ho nau falalaaga taeaoga. 17 Oku ne fakamāu‘i akinautolu koe mea i he e nau tauhi tamabua. 21 Oku ne liaki ae feilaulau oe talagataa. 29 Oku ne akonaki ke nau mamahi koeuhi koe nau gaahi mea fakalielia i Tofeti. 32 Koe gaahi tautea koeuhi koia. KOE folofola nae ha‘u mei a Jihova, kia Jelemaia, o behe,

²Tuu i he mataba oe fale o Jihova, bea fakaha i ai ae lea ni, o behe, Fanogo ki he folofola a Jihova akimoutolu kotoabe o Juta oku hu ki he gaahi mataba ni ke lotu kia Jihova.

³Oku behe mai e Jihova oe gaahi kau tau, koe Otua o Isileli, Fakatonutonu hoo mou ulugaaga bea mo hoo mou gaahi faiaga, bea teu bule ke mou nofo i he botu ni.

⁴Oua naa mou falala ki he gaahi lea loi, o behe, Koe fale o Jihova, Koe fale o Jihova, Koe fale o Jihova, akinautolu ni.

⁵He kabau te mou fai ke lelei mooni hoo mou ulugaaga, bea mo hoo faiaga: kabau te mou fakamāu totonu ki ha tagata mo hono kaugaabi;

⁶Kabau e ikai te mou fakamamahi ki he muli, moe tamai mate, bea moe fefine kuo mate hono unoho, bea ikai liligi ae toto oe taehalaia i he botu ni, bea ikai muimui ki he gaahi otua kehe ke mou kovi ai:

⁷Bea teu toki bule ke mou nofo i he botu ni, koe fonua naaku foaki ki hoo mou gaahi tamai, o taegata bea taegata.

⁸Vakai, oku mou falala ki he gaahi lea loi, aia oku taeaoga.

⁹Te mou kaihaa, mo fakabo, mo feauaki, mo fuakava loi, mo tutu mea namu kakala kia Beali, bea muimui ki he gaahi otua kehe aia oku ikai te mou ilo‘i;

¹⁰Bea toki ha‘u o tuu i hoku ao i he fale ni, aia oku ui i hoku huafa, bea lea behe, Kuo tukuage akimautolu ke mau fai ki he gaahi mea fakalielia ni?

¹¹Kuo hoko ae fale ni, aia oku ui i hoku huafa, koe anaga oe kau kaihaa i ho mou ao? oku behe e Jihova, Vakai kuou mamata e au ki ai.

¹²Ka mou alu eni ki hoku botu nae i Sailo, aia nae tomua tuku ki ai hoku huafa, bea mamata ki he mea naaku fai ki ai koeuhi koe agahala a hoku kakai ko Isileli.

¹³Bea koeni, koeuhi kuo mou fai ae gaahi mea ni kotoabe, oku behe e Jihova, Naaku lea kiate kimoutolu, o tuu hegihegi hake o lea, ka nae ikai te mou fanogo; bea naaku ui akimoutolu, ka nae ikai te mou tali;

¹⁴Koia teu fai ki he fale ni aia oku ui i hoku huafa, aia oku mou falala ki ai, bea ki he botu naaku foaki kiate kimoutolu mo hoo mou gaahi tamai, o hage koia nae fai ki Sailo.

¹⁵Bea teu kabuji akimoutolu mei hoku ao, o hage ko eku kabuji ho mou kaiga kotoabe, koe hako kotoabe o Ifalemi.

¹⁶Koia oua naa ke lotua ae kakai ni, bea oua naa o hake ha tagi, be hufia akinautolu, bea oua naa fai ha kole kiate au; koeuhi e ikai teu ogo‘i koe.

¹⁷Ikai kuo ke mamata ki he mea oku nau fai i he gaahi kolo o Juta, bea i he gaahi hala o Jelusalema?

¹⁸Oku okooko ae fānau, bea oku tutu ae afi e he gaahi tamai, bea oku natu ma e he kau fefine, koeuhi ke gaohi aki ae ma ki he eiki fefine oe lagi, bea liligi ae feilaulau ki he gaahi otua kehe, koeuhi ke fakatubu hoku houhau.

¹⁹Oku behe e Jihova, Ikai kuo nau fakatubu hoku houhau? ikai kuo nau fakatubu ae ma ki ho nau mata onautolu be?

²⁰Koia oku behe e he Otua ko Jihova, Vakai, teu liligi hoku houhau mo hoku houhau kakaha ki he botu ni, ki he tagata, bea ki he manu, bea ki he gaahi akau oe goue, bea ki he gaahi fua oe fonua; bea e vela ia, bea e ikai aubito tamate‘i.

²¹Oku behe e Jihova oe gaahi kau tau, koe Otua o Isileli; fakahoko hoo mou gaahi feilaulau tutu ki hoo mou gaahi feilaulau, bea kai ae kakano.

²²He nae ikai teu lea ki hoo mou gaahi tamai, be fekau kiate kinautolu i he aho naaku omi ai akinautolu mei he fonua ko Ijibite, ke fai ae gaahi feilaulau tutu, be ha gaahi feilaulau.

²³Ka koe mea ni naaku fekau kiate kinautolu, o behe, Mou talagofua ki hoku le‘o, bea teu hoko ko ho mou Otua, bea te mou hoko ko hoku kakai: bea mou aeva i he hala kotoabe aia kuou fekau kiate kimoutolu, koeuhi ke mou lelei ai.

²⁴Ka nae ikai te nau fanogo, be fakatokaga‘i ho nau teliga, ka naa nau aeva i he fakakaukau bea moe mahalo a ho nau loto kovi, bea nae ikai te nau fakaaau ki mua kae fakaholomui.

²⁵Talu ae aho koia nae ha‘u ai hoo mou gaahi tamai mei he fonua ko Ijibite io o a‘u ki he aho ni, kuou fekau kiate kimoutolu eku kau tamaioeiki kotoabe koe kau balofita, o tuu hegihegi hake o fekau akinautolu i he aho kotoabe.

²⁶Ka nae ikai te nau fanogo kiate au, be fakatokaga‘i ho nau teliga, ka nae fakakekeva ho nau kia: naa nau fai kovi lahi i he e nau gaahi tamai.

²⁷Koia te ke lea aki ae gaahi lea ni kotoabe kiate kinautolu; ka e ikai te nau tokaga kiate koe: te ke ui foki kiate kinautolu; ka e ikai te nau talia koe.

²⁸Koia ke ke lea behe kiate kinautolu, Koe kakai ni oku ikai talagofua ki he le‘o o Jihova ko ho nau Otua, be ma‘u ae akonaki; kuo mole ae mooni; kuo tuuji ia mei ho nau gutu.

²⁹Koji ho louulu, bea liaki ia, bea fai ae tagilāulāu i he gaahi botu maoluga; he kuo jiaki mo kabuji atu e Jihova ae toutagata o hono houhau.

³⁰He oku behe e Jihova, Kuo fai kovi i hoku ao ae fānau a Juta: kuo nau fokotuu e nau gaahi mea fakalielia i hoku fale aia oku ui i hoku higoa, ke fakauli ia.

³¹Bea kuo nau laga ae gaahi botu maoluga o Tofeti, aia oku i he telea oe foha o Henomi, ke tutu ho nau gaahi foha moe gaahi ofefine i he afi; aia nae ikai aubito teu fekau be loto ki ai.

³²Koia oku behe e Jihova, Vakai, e ha‘u ae gaahi aho, aia e ikai toe ui ai ia ko Tofeti, be koe telea oe foha o Henomi, ka koe telea oe tamate‘i. Bea te nau tanu i Tofeti, ke oua ke bito.

³³Bea e hoko ae agaaga oe kakai ni koe mea kai ki he faga manu buna oe lagi, bea moe gaahi manu oe kelekele; be e ikai sesee akinautolu e ha taha.

³⁴Bea teu toki fakagatagata mei he gaahi kolo o Juta, bea moe gaahi hala o Jelusalema, ae le‘o oe fiefia, moe le‘o oe nekeneka, koe le‘o oe tagata taane, bea moe le‘o oe taahine; koeuhi e hoko o lala ae fonua.