KOE TOHI A JELEMAIA 9:1-26 TON1884 - Bible AI

¹1 Koe tagi a Jelemaia koeuhi koe agahala lahi ae kakai Jiu. 8 Bea koeuhi koe nau tautea. 12 Koe talagataa koe tubuga ia oe nau tuutamaki lahi. 17 Koe aho ke nau mamahi koeuki koe nau malaia. 23 Ke oua naa falala kiate kinautolu ka ki he Otua. 25 Koe fakamana‘i ki he Jiu moe Jenitaile fakatauoji. A MUJIAAGE e au koe vai a hoku ulu, moe matavai oe loimata a hoku mata, keu tagi i he aho moe bo koeuhi ko kinautolu kuo mate i he ofefine o hoku kakai?

²Amujiaage e au keu ma‘u i he toafa ae fale talifonoga; koeuhi keu tukuage hoku kakai, bea alu iate kinautolu! he koe kau agahala akinautolu kotoabe, koe fakataha oe kau tagata kākā.

³Bea oku nau teke ho nau elelo ke loi o hage koe nau kaufana; ka oku ikai te nau to‘a koeuhi koe mooni i mamani; he kuo nau alu mei he kovi ki he kovi, bea oku ikai te nau ilo au, oku behe e Jihova.

⁴Mou taki taha vakai ki hono kaugaabi, bea oua naa mou tui ki ha tokoua: koeuhi e fai fakakākā ae tokoua kotoabe, bea koe kaugaabi kotoabe e alu fano moe fakakovi.

⁵Bea te nau taki taha kākā‘i hono kaugaabi, bea ikai te nau lea ki he mooni; kuo nau ako ho nau elelo ke lea loi, bea oku nau fakaogojia‘i akinautolu i he fai kovi.

⁶Bea ko ho nofoaga oku i he lotolotoga oe kākā; koeuhi koe kākā oku ikai te nau fie ilo au, oku behe e Jihova.

⁷Koia oku behe e Jihova oe gaahi kau tau, Vakai, Teu fakavela ke vai akinautolu, bea ahiahi‘i akinautolu; he koeha teu fai koeuhi koe ofefine o hoku kakai?

⁸Oku tatau ho nau elelo moe gahau kuo fana‘i; oku ne lea aki ae kākā: oku ne lea fakafiemalie i hono gutu ki hono kaugaabi, ka ko hono loto oku toka malumu ki ai.

⁹Bea oku behe e Jihova, Ikai teu tautea koeuhi koe gaahi mea ni? bea ikai e totogi e hoku laumalie ki he buleaga behe?

¹⁰Teu tagi mo tagilāulāu koeuhi koe gaahi mouga, bea teu tagi koeuhi koe gaahi nofoaga i he toafa, he kuo nau vela o oji, koia oku ikai alu atu ai ha taha; bea oku ikai fanogo i ai ki he le‘o oe faga manu; kuo buna o mole mei ai ae manu oe atā moe manu oe fonua; kuo nau alu.

¹¹Bea teu gaohi a Jelusalema koe tuuga otoota, bea koe ana oe faga talakone; bea teu fakalala ae gaahi kolo o Juta ke tae ha kakai i ai.

¹²Kohai ha tagata boto, te ne ilo eni? bea kohai ia kuo folofola ki ai ae folofola a Jihova, ke ne fakaha be koeha hono uhiga oe auha ae fonua, bea oku vela o oji ia o hage koe toafa, koia oku ikai alu atu ai ha taha?

¹³Bea oku behe e Jihova, Koeuhi kuo nau liaki eku fono aia naaku tuku i ho nau ao, bea oku ikai te nau talagofua ki hoku le‘o, be eveeva ai;

¹⁴Ka kuo nau muimui ki he mahalo a ho nau loto, bea ia Beali, aia nae ako e he e nau gaahi tamai kiate kinautolu.

¹⁵Koia oku behe e Jihova oe gaahi kau tau, koe Otua o Isileli: Vakai, Teu fafaga aki ae kakai ni ae mea kona, bea teu foaki kiate kinautolu ae huhua kona oe ahu ke nau inu.

¹⁶Bea teu fakamovetevete akinautolu i he kakai hiteni, aia nae ikai te nau ilo ki ai be koe nau gaahi tamai: bea teu fekau ae heleta ke muimui iate kinautolu kae oua keu fakaoji akinautolu.

¹⁷Oku behe e Jihova oe gaahi kau tau, Mou fakakaukau, bea ui ki he kau fefine tagi ke nau ha‘u; bea moe kau fefine boto ke nau omi:

¹⁸Bea ke nau fakatootoo, mo tagi koeuhi ko kitautolu, koeuhi ke tafe ae loimata i ho tau mata, bea ba ae vai i ho tau lau mata.

¹⁹He oku ogo mai mei Saione ae le‘o oe tagi, o behe, Kuo vetea akitautolu, kuo tau bubutuu lahi, koeuhi kuo tau tukuage ae fonua, bea kuo kabuji akitautolu i ho tau abi.

²⁰Ka ne ogo ia, ke mou fanogo, akimoutolu ae kau fefine ki he folofola a Jihova, bea ogo‘i e ho mou teliga ae folofola a hono fofoga, bea ako ae tagi ki hoo mou fānau fefine, bea ako ke taki taha tagi a hono kaugaabi.

²¹He kuo hake ae mate ki he gaahi katuba; bea kuo hu ia ki he gaahi fale fakaeieiki, ke tutuu ae fānau mei tua, bea moe kau talavou i he gaahi hala.

²²Oku behe e Jihova, Ke ke lea, o behe Naa moe gaahi agaaga oe kau tagata e to ia ki he ataatā oe goue, o hage ko ha kinohaa bea tatau moe falukuga oku toe, oka hili ae ututa‘u, koeuhi e ikai tanaki akinautolu e ha taha.

²³Oku behe e Jihova, Oua naa bolebole ae tagata boto i he ene boto, be koe tagata malohi i he ene malohi, bea oua naa bolebole ae tagata ma‘umea i he ene koloa.

²⁴Ka koia oku bolebole ke bolebole i he mea ni, koeuhi oku ne boto mo ilo‘i au, Ko au ko Jihova oku ou faa manavaofa, mo fakamāu, mo agatonu i mamani: he oku behe e Jihova oku ou fiefia i he gaahi mea ni.

²⁵Oku behe e Jihova, Vakai, oku ha‘u ae gaahi aho teu tautea ai ae kamu fakataha moe tae kamu;

²⁶Ko Ijibite, mo Juta, mo Itomi, bea moe fānau a Amoni, mo Moabe, mo kinautolu oku i he gaahi botu mamao, mo kinautolu oku nofo i he toafa: he oku tae kamu ae gaahi kakai ni kotoabe, bea oku tae kamu ae loto o Isileli kotoabe.