KOE TOHI A JOBE 1:1-22 TON1884 - Bible AI

¹1 Koe maonioni, moe koloaia a Jobe, mo ene tauhi lelei ki he ene fānau. 6 Oku ha‘u a Setani ki he ao oe Otua, bea i he ene lauikovi‘i a Jobe, nae tuku ke ne ahiahi‘i ia. 13 Bea i he ilo e Jobe kuo mole a ene gaahi mea mo ene fānau, naa ne fakamalo ki he Otua i he ene mamahi. NAE ai ae tagata i he fonua ko Usa, nae higoa ko Jobe; bea nae haohaoa mo agatonu ae tagata koia, bea ne manavahe ia ki he Otua, bea afe mei he kovi.

²Bea nae fanau‘i kiate ia ae foha e toko fitu moe ofefine e toko tolu.

³Ko ene koloa koe sibi e fitu afe, moe kameli e tolu afe, moe taulua faga bulu e nimageau, moe asi fefine e nimageau, moe fuu abi toko lahi aubito; bea nae lahi taha ai ae tagata ni i he kakai kotoabe oe botu hahake.

⁴Bea nae faa fai e hono gaahi foha ae katoaga kai i ho nau gaahi fale, o taki taha i hono aho; bea nae tala ki ho nau tuofefine e toko tolu ke kai mo inu mo kinautolu.

⁵Bea kuo oji ae gaahi aho oe nau fai katoaga, nae fekau e Jobe ke fekatabu‘i akinautolu, bea ne tuu hegihegi hake, o atu ae gaahi feilaulau tutu o fakatatau ki ho nau toko lahi kotoabe: he nae behe e Jobe, Naa kuo agahala a hoku gaahi foha, o lea kovi ki he Otua i ho nau loto. Nae fai behe be a Jobe i he aho kotoabe.

⁶Ka nae ai ae aho nae fakataha ai ae gaahi foha oe Otua ke fakaha akinautolu i he ao a Jihova, bea nae ha‘u ai foki a Setani mo kinautolu.

⁷Bea nae behe e Jihova kia Setani, Ko hoo ha‘u mei fe? Bea tali e Setani kia Jihova, o behe, Mei he eku fakatakamilo a mamani mo eku fealuaki fano i ai.

⁸Bea nae behe e Jihova kia Setani, Kuo ke tokaga‘i a eku tamaioeiki ko Jobe, he oku ikai hano tatau i mamani, koe tagata haohaoa mo agatonu, oku manavahe ia ki he Otua, bea afe mei he kovi?

⁹Bea nae tali ai e Setani kia Jihova, o behe, He kuo manavahe a Jobe ki he Otua tae ha totogi?

¹⁰Ikai kuo ke takatakai aki ia ae a, mo hono fale, mo ene mea kotoabe mei he botu kotoabe? bea kuo ke fakamonuia‘i ae gaue a hono nima, bea oku tubulekina ene koloa i he fonua.

¹¹Kae mafao atu eni ho nima, o ta‘i aia kotoabe oku aana, bea te ne laui kovi‘i koe i ho fofoga.

¹²Bea nae behe e Jihova kia Setani, Vakai, oku i ho nima ae mea kotoabe oku aana; kae oua naa ke hilifaki ho nima kiate ia. Bea nae alu atu a Setani mei he ao o Jihova.

¹³Bea nae ai ae aho nae kai mo inu uaine e hono gaahi foha mo hono gaahi ofefine i he fale o ho nau taokete lahi:

¹⁴Bea nae ha‘u ai ae talafekau kia Jobe, o ne behe, Nae fai ae keli e he faga bulu, bea kai ae faga asi i he botu ofi ki ai:

¹⁵Bea nae oho mai ae kakai Siba o ave akinautolu; bea kuo nau tamate‘i ae kau tamaioeiki aki ae mata oe heleta; bea ko au be kuo hao ke tala ia kiate koe.

¹⁶Bea lolotoga ene lea mo ene ha‘u foki ae toko taha, o ne behe, Kuo to mai mei he lagi ae afi ae Otua, bea kuo vela ai ae faga sibi, moe kau tamaioeiki, o fakaauha akinautolu; bea ko au be kuo hao ke tala ia kiate koe.

¹⁷Bea lolotoga ene lea mo ene ha‘u foki ae toko taha, o ne behe, Nae vahe tolu ae kogakau Kalitia, o nau oho mai ki he faga kameli, bea ave ia, bea kuo nau tamate‘i ae kau tamaioeiki aki ae mata oe heleta; bea ko au be kuo hao ke tala ia kiate koe.

¹⁸Bea lolotoga ene lea mo ene ha‘u foki ae toko taha, o ne behe, Nae kai mo inu uaine a ho gaahi foha mo ho gaahi ofefine i he fale o ho nau taokete lahi:

¹⁹Bea iloage, kuo ba mai ae fuu matagi lahi mei he toafa, o ta‘i hono tuliki e fa oe fale, bea nae holo ia ki he kau talavou, bea kuo nau mate; bea ko au be kuo hao ke tala ia kiate koe.

²⁰Bea nae toki tuu hake a Jobe, o ne haehae hono bulubulu, o fakatekefua ia, bea fakafoohifo ki he kelekele, o hu.

²¹O ne behe, Naaku ha‘u telefua be mei he manāva o eku fa‘e, bea teu toe alu telefua atu be: nae foaki e Jihova, bea kuo too atu e Jihova; fakafetai be ki he huafa o Jihova.

²²I he gaahi mea ni kotoabe nae ikai agahala a Jobe, be tuku ha kovi ki he Otua.