1
2Teu behe ki he Otua, Oua naa ke tuku au koe halaia; fakaha mai be koeha oku ke fakamamahi‘i ai au.
3He oku tāu mo koe ke fakamamahi, koeuhi ke ke fehia ki he gaue a ho nima, ka ke fakamāma ki he fakakaukau ae agahala?
4He oku ke mata fakakakano? be oku ke mamata o hage koe mamata ae tagata?
5He oku tatau ho gaahi aho moe gaahi aho oe tagata? mo ho gaahi ta‘u moe gaahi aho oe tagata,
6Koeuhi oku ke ekea eku agahala, mo ke hakule a eku fai kovi?
7Oku ke ilo oku ikai teu fai kovi; bea oku ikai ha taha e faa fakahaofi mei ho nima.
8Kuo gaohi au e ho nima mo fakafuofua takatakai au; ka oku ke tamate‘i au.
9Oku ou kole kiate koe, ke ke manatu‘i, kuo ke gaohi au o hage koe umea; bea te ke toe omi au ki he efu?
10He nae ikai te ke liligi au o hage koe hua huhu, mo fakafefeka au o hage koe jiisi?
11Kuo ke fakakofu aki au ae kili moe kakano, bea kuo ke a‘i au aki ae gaahi hui moe uoua.
12Kuo ke tuku kiate au ae moui moe ofa, bea kuo fakatologa eku moui i hoo faa aahi.
13Bea kuo ke fufu ae gaahi mea ni i ho loto: oku ou ilo oku iate koe eni.
14Kabau teu fai hala, oku ke fakailoga‘i au, bea e ikai te ke fakatonuliia‘i au mei he eku agahia.
15Kabau oku ou fai hala ko au be e malaia; bea kabau teu maonioni, kae ikai teu faa haga hake hoku ulu. Oku ou bito i he bubutuu; koia ke ke vakai ki he eku mamahi;
16He oku tubulekina ia. Oku ke tuli au o hage ko ha laione fekai: bea oku ke toe fakaha o fakamanavahe koe kiate au.
17Oku ke fakafoou hoo kau fakamooni kiate au, bea ke fakalahi ho houhau kiate au; oku tautaufetogi ae tau kiate au.
18Bea koeha kuo ke omi ai au mei he manāva? Taumaiā neu mate, ke oua naa mamata ha mata kiate au!
19Ka ne behe teu hage nae ikai teu i ai; bea e fua au mei he manāva ki he faitoka.
20Ikai oku jii be hoku gaahi aho? bea tuku mua, o tuku ai be au, kau fakafiemalie jii,
21I he heeki ai teu alu bea ikai teu toe ha‘u, io ki he fonua oe fakabouli moe ata oe mate;
22Koe fonua oe fakabouli, o hage koe bouli oe ata oe mate, o tae i ai ha fakatonutonu, bea oku tatau hono māma moe fakabouli.