KOE TOHI A JOBE 12:1-25 TON1884 - Bible AI

¹1 Oku tali a Jobe ki hono gaahi kaiga nae valoki‘i ia. 7 Oku ne fakamooni ki he akonaki oe mafimafi ae Otua. BEA nae tali e Jobe, o ne behe,

²Ta ko kimoutolu be ae kakai, bea e mate mo kimoutolu ae boto.

³Ka oku ai hoku loto o hage be ko kimoutolu; oku ikai teu jii hifo au kiate kimoutolu: io, kohai oku ikai ke ne ilo ki he gaahi mea behe ni?

⁴Oku ou tatau mo ha taha oku taukaea e hono kaugaabi, o behe, oku ne ui ki he Otua, bea oku ne talia ia: oku kata manukia ae tonuhia moe agatonu.

⁵O hage koe māma kuo fakatukutuku‘i, oku behe aia oku meimei hekea hono va‘e i he mahalo oia oku fiemalie.

⁶Oku monuia ae gaahi fale oe kau kaihaa, bea oku nofo fiemalie be akinautolu oku fakahouhau ki he Otua; oku atu lahi e he Otua ki ho nau nima.

⁷Kae fehui eni ki he faga manu, bea te nau ako‘i koe; moe faga manu oe atā, bea te nau tala kiate koe:

⁸Bea lea ki he fonua, bea te ne ako‘i koe: bea e fakaha kiate koe e he gaahi ika oe tahi.

⁹Kohai oku ikai te ne ilo i he mea ni kotoabe koe nima o Jihova kuo ne fai eni?

¹⁰Aia oku i hono nima ae moui ae mea moui fulibe, moe mānava oe kakai kotoabe.

¹¹Ikai oku ahiahi‘i e he teliga ae gaahi lea? bea kamata e he gutu hono kai?

¹²Bea oku iate ia oku talu mei mua ae boto; bea koe ilo i he gaahi aho lahi.

¹³Oku iate ia ae boto moe malohi, oku iate ia ae fakakaukau moe ilo.

¹⁴Vakai, oku ne holoki hifo, bea e ikai faa toe fokotuu ia: oku ne tabuni ki he tagata, bea oku ikai ke faa matoo.

¹⁵Vakai, oku ne taofi ki he gaahi vai, bea matuu ia: oku ne fekau atu foki ia, bea oku fulihi eia ae fonua.

¹⁶Oku iate ia ae malohi moe boto: oku oona ae kākāia mo ia oku kākā.

¹⁷Oku ne taki bobula ae kau fakakaukau, bea ne fakavale‘i ae kau fakamāu.

¹⁸Koe ha‘i oe gaahi tu‘i kuo ne vete, ka ne ha‘iha‘i ho nau nootaga vala aki ae ha‘i.

¹⁹Oku ne taki bobula ae gaahi houeiki, bea oku ne li ki lalo ae malohi.

²⁰Oku ne too atu ae lea ae kau boto, bea too moe ilo ae mātua.

²¹Oku ne liligi ae manukia ki he gaahi houeiki, bea ne vete ae noo oe malohi.

²²Oku ne fakaha ae gaahi mea lilo mei he fakabouli, bea ne omi ki he māma ae ata oe mate.

²³Oku ne fakatokolahi ae gaahi buleaga, bea ne fakaauha akinautolu: oku ne fakalahi ae gaahi buleaga, bea toe fakajiijii ia.

²⁴Oku ne too o ave ae loto oe gaahi eiki oe kakai o mamani, o ne bule ke nau alu fano i ha toafa tae ha hala.

²⁵Oku nau tautaufā i he bouli tae ha māma, bea oku ne bule ke nau feheaki fano o hage ha kona.