KOE TOHI A JOBE 13:1-28 TON1884 - Bible AI

¹1 Oku valoki‘i e Jobe a hono gaahi kaiga i he e nau tae fai totonu. 14 Oku ne fakaha ene falala ki he Otua. 20 Koe kole ke ne ilo ene hia aana, bea koeha ae finagalo oe Otua i he ene fakamamahi ia. VAKAI, kuo mamata e hoku mata aeni kotoabe, kuo fanogo bea ilo ia e hoku teliga.

²Koia oku mou ilo, oku ou ilo foki ia: oku ikai teu jii hifo au iate kimoutolu.

³Amujiaage e au keu lea ki he Mafitiafi, bea oku ou fie alea moe Otua.

⁴Ka koe kau fakatubu loi akimoutolu, koe kau faitoo taeaoga akimoutolu kotoabe.

⁵Taumaiā ke mou matuaki logo bei bea ko hoo mou boto ia.

⁶Fanogo eni ki he eku fakamatala, bea fakafanogo ki he gaahi lea a hoku lougutu.

⁷He te mou leakovi ma ae Otua? bea lea fakakakā maana?

⁸He te mou lava‘i ia? te mou fakakikihi ma ae Otua?

⁹E lelei ke ne ekea akimoutolu? be te mou kākā‘i ia, o hage koe kākā‘i e he tagata e taha ae toko taha?

¹⁰Koe mooni e valoki eia akimoutolu, o kabau te mou filifilimanako fufu be ae kakai.

¹¹E ikai fakamanavahe‘i akimoutolu e he ene afio? bea to kiate kimoutolu ene fakailifia?

¹²Ko hoo mou gaahi lea fakamanatu oku tatau moe efuefu, koe fokotuu na o hoo mou gaahi lea, oku tatau moe gaahi eji umea.

¹³Tuku hoo mou lau, bea tuku ai be au, koeuhi, keu lea, kae hoko kiate au aia e hoko.

¹⁴Koeha oku ou utaki ai hoku kakano, bea ai eku moui ki hoku nima?

¹⁵Ne ogo ene tamate‘i au, teu falala be kiate ia: ka teu fakamatala hoku gaahi hala i hono ao.

¹⁶E fakamoui au foki eia: ka e ikai ha malualoi e ha‘u ki hono ao.

¹⁷Fanogo lelei ki he eku lea, fanogo aki ho mou teliga a eku fakamatala.

¹⁸Vakai eni, kuou teu eku fakamatala; oku ou ilo e fakatonuhia‘i au.

¹⁹Kohai ia te ne talatalaaki‘i au? he ko eni, kabau teu fakalogo be, teu mate.

²⁰Koe mea e ua be, ke oua naa fai kiate au: koia e ikai ai teu fufu au iate koe.

²¹Ke too atu ke mamao ho nima iate au: bea oua naaku bubutuu i hoo fakailifia.

²²Bea ke toki folofola mai, bea teu talia; bea teu lea atu, ka ke talia au.

²³Oku fiha eku gaahi hia mo eku agahala? fakailo mai kiate au eku talagataa mo eku agahala.

²⁴Koeha oku ke fufu ai ho fofoga, mo ke lau au ko ho fili?

²⁵He te ke baki‘i ae louakau kuo feaveaki? bea te ke tuli ekoe ae mohuku momoa?

²⁶He oku ke tohi ae gaahi mea fakamamahi kiate au, bea oku ke fakahoko kiate au ae gaahi hia o eku kei jii.

²⁷Oku ke ai hoku va‘e ki he akau fakamau vae, bea ke vakai bau hoku aluga kotoabe; oku ke ai ae fakailoga ki hoku muiva‘e.

²⁸Bea oku fakaaau ia o hage ha mea bobo, bea tatau moe kofu kuo kai e he ane.