KOE TOHI A JOBE 15:1-35 TON1884 - Bible AI

¹1 Oku valoki‘i a Jobe e Elifasi koeuhi ko ene fai hala i he ene fakatonuhia‘i ia eia. 17 Oku ne fakamooni aki ae talatubua ae taefiemalie ae kakai agahala. BEA nae toki tali e Elifasi mei Timani, o ne behe,

²He oku tāu moe tagata boto ke lau mea vaiga, mo fakabito hono kete aki ae matagi hahake?

³Oku tāu ene lea aki ae lea taeaoga? be koe gaahi lau e ikai te ne lava‘i aki ha lelei?

⁴Io, oku ke liaki ae manavahe, bea ke taofi ae lotu i he ao oe Otua.

⁵He oku lea aki e ho gutu a hoo agahala, ka oku ke fili ki he elelo oe fakaoloolo.

⁶Oku talatalaaki‘i koe e ho gutu be oou, kae ikai ko au: io, ko ho lougutu be oou oku fakamooni kiate koe.

⁷He koe uluaki tagata koe nae fanau‘i? be nae fakatubu koe i mua i he gaahi mouga?

⁸He kuo ke fanogo ekoe ki he mea fufu ae Otua? bea oku ke fakagata ae boto kiate koe?

⁹Koeha oku ke ilo, ka oku ikai te mau ilo? koeha oku ke ilo bau, aia oku ikai iate kimautolu?

¹⁰Oku iate kimautolu ae ulu hina moe kau mātua, oku motua lahi i hoo tamai.

¹¹He oku jii ae gaahi fakafiemalie ae Otua kiate koe? he oku ai ha mea fakalilolilo iate koe?

¹²Koeha oku avea ai koe e ho loto? bea oku lalama ho mata i he ha;

¹³Koeuhi oku ke fakafoki ho loto ke tuu ki he Otua, bea tuku ke tafe ae gaahi lea ni mei ho gutu?

¹⁴Koeha ae tagata, ke behe oku maa ia? be ha taha oku fanau‘i e he fefine, ke behe oku tonuhia ia?

¹⁵Vakai, oku ikai falala jii eia ki he ene kau maonioni; io, naa moe gaahi lagi oku ikai maa ia i hono ao.

¹⁶Ka e fefe hono lahi hake oe fakalielia moe uli oe tagata, aia oku ne inumia ae agahala o hage ha vai?

¹⁷Teu fakaha kiate koe, fanogo kiate au; bea koia kuou mamata ai teu fakamatala atu;

¹⁸Aia nae tala e he kakai boto mei he e nau gaahi tamai, o ikai fufu ia:

¹⁹Akinautolu be nae foaki ki ai ae fonua, bea nae ikai fealuaki ha muli iate kinautolu.

²⁰Oku laga mamahi ae tagata agahala i he aho kotoabe, bea oku fufu mei he fakaaoao ae lau oe gaahi ta‘u.

²¹Koe ogo fakailifia oku i hono teliga: i he lolotoga o ene monuia e hoko kiate ia ae fakaauha.

²²Oku ikai amanaki eia ke ne liu mai mei he fakabouli, bea oku talia ia e he heleta.

²³Oku alu fano be ia o kumi ae ma, o behe, Komaa ia? oku ne ilo oku ofi ae aho oe fakabouli.

²⁴E fakamanavahe‘i ia e he mamahi moe feiga; te na ikuna ia, o hage ha tu‘i kuo teu ki he tua.

²⁵He oku ne mafao atu hono nima ki he Otua, o ne fakamalohi ia o tuu ki he Mafimafi.

²⁶Oku ne ohofi kiate ia, io ki hono kia, ki he gaahi botu matolu o hono jifa fatafata:

²⁷Koeuhi oku ne fai ke fuu bubula hono mata, bea ne fagabeji ke matolu ae gako i hono gaahi botu.

²⁸Ka oku ne nofo i he gaahi kolo lala, i he gaahi fale oku ikai nofo ai ha taha, aia kuo tuutuuni koe gaahi tuuga veve.

²⁹E ikai koloaia ia, e ikai tuu mau ene gaahi mea, bea e ikai te ne faa fai ke fakatologa hono lelei i he fonua.

³⁰E ikai alu ia mei he fakabouli; e maagia e he afi a hono gaahi vaa, bea i he mānava o hono fofoga e mole atu ia.

³¹Ke oua naa falala ia aia kuo kākā‘i ki he vaiga: he ko hono totogi koe vaiga be.

³²E fakamooni eni i he heeki hoko hono aho, bea e ikai mauiui hono vaa.

³³E lulu eia ke to hono fuhi kalebi taemomoho o hage be koe vaine, bea te ne fakamokulu hono fiji o hage be koe olive.

³⁴He koeuhi e lala ae fakatahaaga oe kau agahala, bea e fakaauha e he afi ae gaahi fale nae ma‘u aki ae koloa kovi.

³⁵Oku nau tuituia i he bauu, bea nau fanau‘i ae vaiga, bea oku teuteu e ho nau loto ae kākā.