KOE TOHI A JOBE 16:1-22 TON1884 - Bible AI

¹1 Oku taute‘i e Jobe a hono kaiga koeuhi koe nau taeofa. 7 Oku ne fakamatala ae aga oe mea mamahi oku iate ia. 17 Oku ne fakamooni ki he ene maonioni. BEA nae toki tali e Jobe, o ne behe,

²Kuo lahi ae mea behe kuou fanogo ai: koe kau fakafiemalie fakamamahi akimoutolu kotoabe.

³E gata afe ae launoa? be koeha oku ne tokoni‘i koe ke ke tali?

⁴Teu faa lea foki e au o hage be ko kimoutolu: ka ne fetogi aki ho mou laumalie a hoku laumalie, teu faa fokotuu lea kiate kimoutolu, bea teu kalokalo hoku ulu kiate kimoutolu.

⁵Ka teu tokoni‘i akimoutolu aki hoku gutu, bea koe ue‘i o hoku lougutu e fakafiemalie‘i akimoutolu.

⁶Ne ogo eku lea, oku ikai fakajiijii eku mamahi: bea kabau teu taofi, koeha eku fiemalie ai?

⁷Ka koeni, kuo ne fakakikina‘i au: kuo ke fakaauha a hoku kaiga kotoabe.

⁸Kuo ke ufiufi aki au ae feufeu, koe fakamooni ia: bea oku ha hake hoku tutue o valoki ki hoku mata.

⁹Oku ne haehae au i hono houhau, aia oku fehia kiate au: oku ne fegaiitaki hono nifo kiate au; oku matalili a hoku fili kiate au.

¹⁰Kuo nau fakamaga ho nau gutu kiate au; kuo ta‘i manuki au i hoku kouahe; kuo nau fakataha akinautolu kiate au.

¹¹Kuo tukuage au e he Otua ki he kakai agahala, bea kuo ne li au ki he nima oe kakai fai kovi.

¹²Neu fiemalie, ka kuo ne maumau‘i au: kuo ne kuku foki hoku kia, o laiki au, o fokotuu au ko hono fanaaga.

¹³Oku tuu takatakai kiate au ene kau tagata fana, oku ne fahiua hoku koga loto, o ikai tuku; oku ne liligi hoku ahu ki he kelekele.

¹⁴Oku ne maumau‘i au aki ae ta ki he ta, oku ne ohofia au o hage be ha fuu tagata lahi.

¹⁵Kuou tuitui ae tauagaa ki hoku kili, o fakauli‘i hoku nifo i he efu.

¹⁶Oku kovi hoku mata i he tagi, bea oku i hoku laumata ae malumalu oe mate;

¹⁷Ka oku ikai i ha tae totonu kuo i hoku nima: bea oku maonioni foki eku lotu.

¹⁸E kelekele, oua naa ke uufi hoku toto, bea oua naa hao ki ha botu a eku tagi.

¹⁹Koeni foki, vakai, oku i he lagi hoku fakamooni, bea ko ia oku ne ilo‘i au oku i oluga.

²⁰Oku manuki‘i au e hoku gaahi kaiga: ka oku liligi ae loimata a hoku mata ki he Otua.

²¹Taumaiā ke faa alea ae tagata moe Otua, o hage koe tagata mo hono kaugaahi!

²²Oka hokojia ae gaahi ta‘u jii, teu toki alu i he hala e ikai teu foki mei ai.