KOE TOHI A JOBE 17:1-16 TON1884 - Bible AI

¹1 Oku liliu a Jobe mei he tagata ki he Otua. 6 Oku ofo ae kakai maonioni i he aga tae ofa ae kau tagata ki he kakai oku mamahi, ka oku ikai te nau vaivai ai. 11 Oku ikai i he moui ni a ene amanaki, ka i he mate. OKU eho eku mānava, kuo oji hoku gaahi aho, oku tali ae gaahi luo kiate au.

²Ikai oku iate au ae kau manuki? bea ikai oku nofo mau i hoku ao e nau ahiahi kovi?

³Koeni, ke tuku hifo, ke ai haaku fakamooni meiate koe; kohai ia te ma ta nima mo au?

⁴He kuo ke fufu ho nau loto mei he ilo: koia e ikai ai te ke hakeaki‘i akinautolu.

⁵Ko ia oku ne lea labu ki hono kaiga, e vaivai ae mata o ene fānau aana.

⁶Kuo ne tuku au koe taukaeaga oe kakai; ka naaku tatau mua moe mea faiva.

⁷Kuo nenefu hoku mata koe mea i he mamahi, bea koe ata be a hoku kubu‘i jino kotoabe.

⁸E ofo ae kakai agatonu i he mea ni, bea koe taeagahala te ne ue‘i ia ki he malualoi.

⁹E fakakukafi foki ae maonioni i hono hala, bea ko ia oku nima maa e fakahoko eia ae malohi ki he malohi.

¹⁰Ka ko kimoutolu kotoabe, mou foki o alu: he oku ikai teu faa ilo ha taha oku boto iate kimoutolu.

¹¹Kuo oji hoku gaahi aho, kuo motuhi eku gaahi tuutuuni, io, aia naaku loto ki ai.

¹²Oku nau liliu ae bo koe aho: oku fuonounou ae māma koe mea i he fakabouli.

¹³Kabau teu tatali, ko hoku fale ae faitoka be: kuo gaohi hoku mohega i he fakabouli.

¹⁴Kuou behe ki he bobo, Ko eku tamai koe: bea ki he kelemutu, Ko eku fa‘e, mo hoku tuofefine.

¹⁵Bea kofaa eni a eku amanaki lelei? io, ko eku amanaki lelei, kohai te ne mamata ki ai?

¹⁶E alu hifo ia ki he gaahi tabuni oe luo, oka tau ka mālōlō fakataha i he efu.