KOE TOHI A JOBE 18:1-21 TON1884 - Bible AI

¹1 Oku valoki a Jobe e Bilitati koeuhi ko ene fai noa mo ene tae faa kataki. 5 Koe gaahi mea fakamamahi oe kau agahala. BEA nae toki tali e Bilitati mei Suaa, o ne behe,

²E fefe hono fuoloa bea ke fakagata ae lea? tokaga, bea te mau toki lea.

³Koeha kuo lau ai akimautolu koe faga manu, bea lau koe uli i ho ao?

⁴Oku ne haehae a eia be i he ene ita: e liaki ia mamani koeuhi ko koe? bea e hiki ae fuu makatuu mei hono botu?

⁵Koe mooni, e tamate‘i ae māma oe agahala, bea e ikai ulo ae kalofiama o ene afi.

⁶E fakabouli ae māma i hono fale, bea e tamate‘i a ene māma fakataha mo ia.

⁷E fakaabiabi ae lakaaga o hono malohi, bea e li ki lalo ia e he ene fakakaukau aana.

⁸He ko hono kau va‘e oona kuo ne li ia ki he kubega, bea oku ne eveeva i he fuga tauhele.

⁹E moua ia e he hele i hono muiva‘e, bea e ikuna ia e he kaihaa.

¹⁰Kuo ai ae tauhele kiate ia i he kelekele, moe sokitanu kiate ia i he hala.

¹¹E fakamanavahe‘i ia e he gaahi mea fakailifia mei he botu kotoabe, bea e fakaveevave ia.

¹²E kai e he fiekaia a hono malohi, bea e tali ofi ae fakaauha ki hono vakavaka.

¹³E fakaauha eia ae malohi o hono jino: io, koe uluaki fanau oe mate te ne fakaauha ene malohi.

¹⁴E li kitua mei hono fale a hono falalaaga, bea koia e omi ia ki he tu‘i oe fakailifia.

¹⁵E nofo ia i hono fale, he oku ikai oona ia: e tūtū‘i ki hono abi ae sulifa.

¹⁶E momoa mei lalo hono gaahi aka, bea e motuhi mei oluga a hono vaa.

¹⁷Ko hona manatu‘i e auha mei he fonua, bea e ikai hano higoa i he hala.

¹⁸E kabuji ia mei he māma ki he bouli, bea e tulia ia mei he mamani.

¹⁹E ikai ma‘u eia ha foha be mokobuna i hono kakai, e ikai toe ha niihi i hono gaahi fale.

²⁰Ko kinautolu e muimui iate ia te nau ofo ki hono aho, o hage koe ilifia anautolu naa nau feagai.

²¹Koe mooni oku behe be ae gaahi nofoaga oe agahala, bea ko eni ae botu o ia oku tae ilo‘i ae Otua.