KOE TOHI A JOBE 19:1-29 TON1884 - Bible AI

¹1 Oku lāuga a Jobe ki he agakovi a hono kaiga, bea fakaha oku lahi ae mea mamahi iate ia ke fakatubu ai e nau agakovi. 21 Oku ne kole ae aloofa. 25 Oku ne tui ki he toetuu. BEA nae toki tali e Jobe, o ne behe,

²E fefe hono fuoloa mo hoo mou fakafiu‘i hoku laumalie, mo lailaiki aki au ae gaahi lea.

³Ko hono liuga hogofulu eni mo hoo mou manuki‘i au: bea oku ikai te mou ma i hoo mou fai o hage koe kau muli kiate au.

⁴Bea kabau mooni kuou he, oku iate au be eku he.

⁵Bea kabau mooni te mou fai fielahi kiate au, bea talatalaaki‘i au aki hoku manukiaaga:

⁶Mou ilo eni, kuo fulihi au e he Otua, bea ne kabui au aki hono kubega.

⁷Vakai, oku ou tagi koeuhi koe fakamalohi, ka oku ikai ogo‘i au: oku ou tagi kalaga ka oku ikai ha fakamāu.

⁸Kuo ne fele‘i hoku hala ke oua naaku alu, bea kuo ne ai ae fakabouli i hoku gaahi hala.

⁹Kuo ne fakamajiva‘i au i hoku nāunāu, bea kuo ne too ae tatā mei hoku ulu.

¹⁰Kuo ne fakaauha‘i au mei he botu kotoabe, bea kuou mole: bea kuo ne taaki eku amanaki o hage ha akau.

¹¹Kuo ne tutu foki a hono houhau kiate au, bea oku ne lau‘i au koe taha o hono gaahi fili.

¹²Oku fakataha ene gaahi kau tau, o nau keli takataka‘i iate au, bea nofo fakatakamilo i hoku fale.

¹³Kuo ne fakamamao atu hoku kaiga iate au, bea ko eku gaahi kaumea oku mahui aubito meiate au.

¹⁴Kuo mahui hoku gaahi kaiga iate au, bea kuo fakagalogalo‘i au e hoku gaahi kaiga feofoofani.

¹⁵Ko kinautolu oku nofo i hoku fale, mo eku kau kaunaga, oku nau lau au koe muli, koe taha kehe au i ho nau ao.

¹⁶Naaku ui ki he eku tamaioeiki, ka nae ikai te ne tali; neu fakakolekole aki hoku gutu ki ai.

¹⁷Kuo fakalielia a eku mānava ki hoku unoho, ne ogo a eku fakakolekole koeuhi koe fānau a hoku jino ooku.

¹⁸Io, nae manuki‘i au e he fānau iki, oku ou tuu hake bea nau lauikovi‘i au.

¹⁹Kuo fehia kiate au a hoku gaahi kaiga feofoofani kotabe, bea ko kinautolu neu ofa ki ai kuo liliu o agatuu kiate au.

²⁰Oku biki hoku gaahi hui ki hoku kili o hage ko hoku kakano, bea kuou hao moe kili o hoku kau nifo.

²¹Ofa mai kiate au, ofa mai kiate au, akimoutolu ko hoku kaiga; he kuo ala kiate au ae nima oe Otua.

²²Koeha oku mou fakataga ai au o hage koe Otua, bea mou tae fiu i hoku kakano?

²³Taumaiā kuo tohi a eku gaahi lea! taumaiā kuo tohi ia i ha tohi!

²⁴Koeuhi ke tohi togi ia aki ae beni ukamea moe bulu i he maka ke taegata!

²⁵He oku ou ilo oku moui a hoku Huhui, bea e tuu ia i mamani i he aho fakamui.

²⁶Bea ka oji hoku kili bea maumau hoku jino, ka teu mamata i hoku kakano ki he Otua:

²⁷Aia teu mamata ki ai maaku, bea e vakai ki ai a hoku mata, bea ikai ha taha kehe; ne ogo ae auha a hoku gaahi kubu‘i jino iate au.

²⁸Ka e lelei hoo mou behe, Koeha oku tau fakataga ai ia? he oku iate au ae tefito oe mea lelei.

²⁹Ke manavahe akimoutolu ki he heleta: he oku omi e he ita ae gaahi tautea oe heleta, koeuhi ke mou ilo oku ai ae fakamāu.