1
2Koe mooni oku laga‘i au e he eku gaahi mahalo keu tali, koia oku ou fakatootoo ai.
3Kuou fanogo ki he tautea o eku manuki, bea koe laumalie o eku ilo oku laga‘i au keu tali.
4Ikai te ke ilo eni mei mua, talu hono tuku oe tagata i mamani,
5Koeuhi oku fuonounou ae nekeneka oe agahala, bea koe fiefia ae malualoi oku i he kemo be taha?
6Ne ogo ae a‘u hake ki he lagi a hono agolelei, bea aji hake hono ulu ki he gaahi ao;
7Ka e auha ia o taegata o hage be ko ene mea kovi aana: ko kinautolu nae mamata ki ai te nau behe, Kofaa ia?
8E buna atu ia o hage ha miji, bea e ikai ilo ia: io, e tuli atu ia o hage ko ha mea oku ha mai i he bo.
9Koe mata foki nae mamata ki ai e ikai toe mamata ai; bea e ikai toe ilo ia e hono botu.
10E kumi e he ene fānau ke fakafiemalie‘i ae majiva, bea e toe atu e hono nima e nau gaahi mea.
11Oku fonu hono gaahi hui i he agahala o ene kei jii, bea e takoto mo ia i he efu.
12Ne ogo oku melie i hono gutu ae fai kovi, bea ne fufu ia i hono lalo elelo:
13Ne ogo ene mamae ki ai, o ikai liaki; kae mau be i hono loto gutu:
14E liliu ene mea kai i hono kete, e hoko ia koe ahu oe faga gata fekai i loto iate ia.
15Kuo ne folo hifo ae koloa, ka te ne toe lua aki hake ia: e li ia e he Otua mei hono kete.
16E mimiji eia ae kona oe faga gata fekai: e teia ia e he elelo oe gata fekai.
17E ikai mamata ia ki he gaahi vai, koe gaahi vai lahi, moe gaahi vaitafe oe mea hua melie moe bota.
18E toe atu eia ae fua o ene gaue, bea e ikai folo hifo: bea e ikai fiefia ia i he lahi fau o ene koloa.
19Koeuhi kuo ne taomia mo liaki ae majiva; kuo ne too fakamalohi ae fale nae ikai ke ne laga;
20Koe mooni e ikai te ne ogo‘i ae fiemalie i hono loto, e ikai te ne faa ma‘u aia kuo ne holi ki ai.
21E ikai toe ene mea kai; koia e ikai amanaki e ha taha ki haa ne mea.
22I he lahi o ene ma‘umea e majiva ai ia; e hoko kiate ia ae nima oe agakovi kotoabe.
23I he ene teu ke fakabito hono kete, e li kiate ia e he Otua ae malohi o hono houhau, bea fakauha ia kiate ia lolotoga ene kai.
24E buna ia mei he mea tau ukamea, ka e fana‘i ia ke aji e he kaufana setiili.
25E unuhi ia, bea aji i hono jino; io, oku ha‘u mei hono ahu ae heleta gigila: oku iate ia ae gaahi ilifia.
26Koe gaahi fakabouli kotoabe kuo fufu i hono gaahi botu fakalilolilo: e fakaauha ia e he afi tae tabili; e hoko ae kovi kiate ia oku toe i hono abi.
27E fakaha e he lagi a ene fai kovi; bea e tuu hake ki ai ae fonua.
28Koe koloa o hono fale e mole, bea tafe atu i he aho o hono houhau.
29Koe inaji eni oe tagata agahala mei he Otua, moe tufakaga kuo tuutuuni maana e he Otua.