KOE TOHI A JOBE 21:1-34 TON1884 - Bible AI

¹1 Oku fakaha e Jobe oku totonu ene mamahi i he fakamāu ki ai ae kakai. 7 Oku monuia ae agahala i he aho niihi, ka oku nau manuki ki he Otua. 16 Ka oku ilogofua e nau malaia i he aho niihi. 22 Oku tatau i he mate ae kakai fiemalie moe tae fiemalie. 27 E fakamāu ae agahala i he mama e ha‘u. KA nae tali e Jobe, o ne behe,

²Fakafanogo lelei ki he eku lea, bea ko hoo mou fakafiemalie eni.

³Mou kataki, kau lea atu; bea hili eku lea, fai be hoo mou manuki.

⁴Oiaue, he oku ou lāuga ki he tagata? bea ka ne koia, koeha nai e ikai mamahi ai hoku laumalie?

⁵Tokaga mai, bea mou ofo, bea ai ho mou nima ki ho mou gutu.

⁶Io, i he eku fakamanatu oku ou manavahe aubito, bea oku buke a hoku kakano e he tetetete.

⁷Koeha oku moui ai ae agakovi, o hoko o motua, io, bea lahi i he malohi?

⁸Kuo fakatuu mau ho nau hako fakataha mo kinautolu, bea moe nau fānau i ho nau ao.

⁹Oku malu ho nau fale mei he manavahe, bea oku ikai iate kinautolu ae mea ta ae Otua.

¹⁰Oku fakatau‘i e he e nau bulu tagata o touia tae hala; oku fanau e nau bulu fefine o tae to hono uhiki.

¹¹Oku nau tuku atu e nau fānau o hage koe faga sibi, bea oku mee hobohobo e nau fānau.

¹²Oku nau too hake ae kihi‘i lali moe haabe, bea nau fiefia i he le‘o oe mea ifi.

¹³Oku nau fakaoji ho nau gaahi aho i he fakafiemalie, bea fakafokifabe oku nau alu hifo ki he faitoka.

¹⁴Koia oku nau behe ai ki he Otua, Alu iate kimautolu, he oku ikai te mau holi ke ilo ho gaahi hala.

¹⁵Kohai ae Mafimafi, ke behe ke mau tauhi ia? bea koeha ae totogi te mau ma‘u, o kabau te mau lotu ki ai?

¹⁶Vakai, oku ikai i ho nau nima e nau monuia: oku mamao iate au ae fakakaukau oe agahala.

¹⁷Oku liuga fiha ae tamate‘i oe māma ae agahala? moe hoko e nau fakaauha kiate kinautolu? oku tufaki e he Otua ae gaahi mamahi i hono houhau.

¹⁸Oku nau tatau moe tefito‘i kaho i he mata oe matagi, bea hage koe kafukafu oku ave e he afā.

¹⁹Oku hili e he Otua a ene agahala ki he ene fānau: oku ne totogi kiate ia, bea te ne ilo ia.

²⁰E mamata e hono mata ki hono fakaauha, bea e inu ia i he houhau oe Mafimafi.

²¹He koeha ene fiemalie i hono fale amui iate ia, oka tuuua malie ae lau o hono gaahi mahina?

²²E akonaki‘i e ha taha ae Otua ke ilo? he oku ne fakamāu eia akinautolu oku maoluga.

²³Oku mate ha toko taha lolotoga ene malohi lahi, mo ene nofo tofu be mo fiemalie.

²⁴Oku fonu hono jino i he gako, bea lolololo hono gaahi hui i he uho.

²⁵Bea oku mate ha toko taha i he mamahi lahi o hono laumalie, bea ikai aubito haa ne kai e fiemalie ai.

²⁶Te na tokoto tatau be i he efu, bea e uufi akinaua e he faga kelemutu.

²⁷Vakai, oku ou ilo hoo mou gaahi mahalo, moe gaahi filioi kovi oku mou mahalo aki kiate au.

²⁸He oku mou behe, Kofaa ae fale oe eiki? bea kofaa ae gaahi nofoaga oe kakai agahala?

²⁹Ikai kuo mou eke kiate kinautolu oku fealuaki i he hala? bea ikai oku mou ilo e nau gaahi tala,

³⁰Aia kuo tuku tologa ae agahala ki he aho oe fakaauha? e taki atu akinautolu ki he aho oe houhau.

³¹Kohai te ne fakaha hono hala ki hono mata? bea e totogi ehai kiate ia ae mea kuo ne fai?

³²Ka e omi ia ki he faitoka, e nofo ma‘u ia i he fonualoto.

³³E melie kiate ia ae gaahi tuutaga kelekele oe luo, bea e fuji kiate ia ae kakai kotoabe, o hage koe taefaalaua ae kakai nae mua iate ia,

³⁴Bea ka kuo behe, bea koeha oku mou fakafiemalie taeaoga kiate au, kae vakai oku ai ae loi i hoo mou gaahi lea?