KOE TOHI A JOBE 22:1-30 TON1884 - Bible AI

¹1 Oku fakaha e Elifasi oku ikai aoga ki he Otua ae agalelei ae tagata. 5 Oku ne talakovi‘i a Jobe kuo hala ia. 21 Oku ne eginaki ia ke fakatomala kae ilo ae aloofa. BEA nae toki tali e Elifasi mei Timani, o ne behe,

²E faa aoga ae tagata ki he Otua, o hage oku aoga aia oku boto kiate ia be?

³He oku aoga ki he Mafimafi a hoo maonioni? be aoga ki ai a hoo fakahaohaoa ho gaahi aluaga?

⁴He te ne tautea koe ko ene manavahe kiate koe? te ne fai koa mo koe ae fakamāu?

⁵Ikai oku lahi aubito hoo agahala? bea taegata mo hoo gaahi hia?

⁶He kuo ke ma‘u taetotonu ae totogi mei ho kaiga, bea kuo ke faao mei he telefua ho nau kofu.

⁷Nae ikai te ke fakainua ae vaivai aki ae vai, bea kuo ke taofi ae ma mei he fiekaia.

⁸Ka nae oe tagata malohi ae fonua; bea nofo ai ae tagata ogoogolelei.

⁹Kuo ke fekau atu tae ha mea ae kau fefine kuo mate ho nau unoho, bea kuo feji‘i ae nima oe kau tamai mate.

¹⁰Koia kuo kabui ai koe e he gaahi tauhele, bea ke bubutuu i he manavahe kuo fakafokifa;

¹¹Bea koe fakabouli ke oua naa ke mamata; bea ufiufi koe e he gaahi vai lahi.

¹²Ikai oku i he lagi i oluga ae Otua? bea ke vakai ki hono maoluga fau fau oe gaahi fetuu lahi!

¹³Ka ke behe ekoe, Oku ilo fefe e he Otua? bea e faa fakamāu eia i he loto ao fakabouli?

¹⁴Koe ufiufi kiate ia ae gaahi ao matolu, aia oku ikai te ne mamata ai; bea oku haele be ia i he haeleaga i he lagi.

¹⁵He kuo ke fakailoga‘i ekoe ae hala motua nae fou ai ae kakai agahala?

¹⁶Akinautolu nae tuuji hifo i he teeki hoko ho nau kuoga, akinautolu nae lomaki ho nau tuuga aki ae vai:

¹⁷Akinautolu nae behe ki he Otua, Alu iate kimautolu: bea koeha e faa fai e he Mafimafi maa nautolu?

¹⁸Ka naa ne fakabito aki ae gaahi mea lelei ho nau gaahi fale: ka oku mamao iate au ae fakakaukau oe agahala.

¹⁹Oku mamata ki ai ae maonioni, bea fiefia: bea oku kata manuki kiate kinautolu e he taeagahala.

²⁰Koeuhi nae ikai tuuji e tau koloa, ka ko ho nau toe oku fakaauha e he afi.

²¹Fai ke ke ilo‘i ia, bea ke melino: bea koia e hoko ai ae lelei kiate koe.

²²Oku ou kole kiate koe, ke ke ma‘u ae fono mei hono gutu, bea ke fao ki ho loto a ene gaahi folofola.

²³Kabau te ke tafoki ki he Mafimafi, e laga hake koe, bea te ke tukuage ke mamao ae hia mei ho gaahi fale.

²⁴Bea te ke toki fokotuu ae koloa o hage koe efu, moe koula o Ofeli o hage koe gaahi maka teka oe tafeaga vai.

²⁵Io, e hoko ae Mafimafi ko ho fakaū, bea te ke ma‘u o lahi ae siliva.

²⁶He te ke toki fiefia i he Mafimafi, bea haga hake ho mata ki he Otua.

²⁷Te ke fai hao lotu kiate ia, bea te ne ogo‘i koe, bea te ke fai hoo gaahi fuakava.

²⁸Te ke tuutuuni foki ha mea, bea e fakamooni ia kiate koe: bea e ulo ae māma ki ho gaahi hala.

²⁹Oka ai ha to ki lalo, te ke toki behe, Oku ai ae hakeaki‘i; bea e fakamoui eia ae agavaivai.

³⁰E fakahaofi eia ae fonua motu oe taeagahala: bea oku hao ia i he maonioni o ho nima.