KOE TOHI A JOBE 23:1-17 TON1884 - Bible AI

¹1 Oku holi a Jobe ke ha‘u ki he ao oe Otua, 6 i he loto falala ki he ene aloofa. 8 Oku tae ha mai ae Otua, ka oku ne afio‘i ae tau faiaga. 11 Koe maonioni a Jobe. 13 Oku tuu mau ae tuutuuni ae Otua. BEA nae toki tali e Jobe, o ne behe,

²Oku kona aubito a eku mamahi, io, i he aho ni: bea mamafa lahi hoku ta i he eku faa to‘e.

³Taumaiā keu ilo ae botu teu ma‘u ai ia! keu a‘u atu ki hono nofoaga!

⁴Teu fakamatala eku mea i hono ao, o fakafonu hoku gutu aki ae gaahi lea fakamamafa.

⁵Teu ilo ai ae gaahi lea te ne tali aki au, beau faa ilo aia te ne lea aki mai kiate au.

⁶He te ne fai mo au aki hono malohi lahi? Ikai; ka te ne ai ae malohi kiate au.

⁷E faa alea ai mo ia ae maonioni; bea e fakamoui taegata ai au mei hoku fakamāu.

⁸Vakai, oku ou alu atu, ka oku ikai i ai ia; bea oku ou foki mai, kae ikai teu ilo‘i ia:

⁹Ki he toohema, oku ne gaue ai, kae ikai teu jio ki ai: bea oku ne fufu ia i he toomatau, ke oua naaku ilo ia:

¹⁰Ka oku ne ilo ae hala oku ou alu ai: bea ka oji ene ahiahi‘i au, teu hao mai o hage koe koula.

¹¹Kuo buke mau e hoku va‘e ki hono lakaaga, bea kuou alu i hono hala, o ikai afe.

¹²Bea nae ikai teu foki mai mei he fekau a hono fofoga: kuou fufu i hoku loto ae gaahi lea a hono fofoga.

¹³Ka oku behe ai be ia bea kohai te ne liliu ia? bea koia oku tokaga ki ai hono finagalo, e fai be eia.

¹⁴He te ne fakakakato hoku inaji kuo tuutuuni: bea oku lahi ae mea behe iate ia.

¹⁵Koia oku ou manavahe ai i hono ao: bea kau ka fakakaukau, oku ou ilifia kiate ia.

¹⁶He oku fakamolu hoku loto e he Otua, bea oku fakamamahi‘i au e he Mafimafi:

¹⁷Koeuhi nae ikai tuuji au i he teeki hoko ae fakabouli, o ikai ufiufi eia ae bouli mei hoku mata.