KOE TOHI A JOBE 24:1-25 TON1884 - Bible AI

¹1 Oku tae tautea ae agahala i he aho niihi. 17 Bea oku ai ae fakamāu fufu ki he agahala. KOE mea i he ikai lilo ae gaahi kuoga mei he Mafimafi, koeha oku ikai mamata ai ki hono gaahi aho ekinautolu oku nau ilo‘i ia?

²Oku hiki e he niihi ae gaahi fakagatagata oe fonua; oku nau ave fakamalohi ae gaahi faga manu, o nau fafaga aki akinautolu.

³Oku nau fakahe‘i ae asi ae tamai mate, oku nau ma‘u koe totogi ae bulu tagata ae fefine kuo mate hono unoho.

⁴Oku nau fakaafe‘i ae majiva mei he hala: oku toitoi fakataha ae kakai majiva oe fonua.

⁵Vakai, oku nau alu atu ki he e nau gaue o hage koe faga asi kaivao oe toafa; o tuu hegihegi ki he kaihaa: oku ma‘u ae mea kai maa nautolu moe nau fānau mei he toafa.

⁶Oku nau taki taha tuuji ene hana i he goue: bea utu e he agahala ae fua oe vaine.

⁷Oku nau fai ke mohe tae kafu ae telefua, bea ikai ha kafu i he momoko.

⁸Oku nau viviku i he gaahi uha mei he mouga, mo nau fāufua‘i ae maka koe tae ha maluaga.

⁹Oku hamuji e he niihi ae tamai mate mei he huhu, bea ma‘u ae kofu oe majiva koe totogi.

¹⁰Oku nau fai ke alu telefua ia o tae ha kofu, o nau ave ae u uite mei he fiekaia;

¹¹Oku nau fai lolo i ho nau gaahi loto a, o molomoloki ae gaahi tataoaga uaine, mo nau fieinu.

¹²Oku to‘e ae kakai mei he loto kolo, bea tagi kalaga ae laumalie oe mamahiia: kae ikai ke tokaga‘i e he Otua.

¹³Ko kinautolu ni oku nau agatuu ki he māma; oku ikai ke nau ilo hono gaahi hala oona, be nofo mau i hono gaahi aluaga.

¹⁴Oku tuu fakataha ae fakabo moe māma o ne tamate‘i ae majiva moe vaivai, bea tatau ia i he bouli mo ha kaihaa.

¹⁵Oku tatali ae mata oe tonofefine ki he efiafi bouli, o ne behe, E ikai jio ha mata kiate au, bea ne fakabuli hono mata.

¹⁶Oka bouli oku nau keli ki he gaahi fale, aia naa nau fakailoga‘i moo nautolu i he kei aho: oku ikai ke nau ilo ae māma.

¹⁷He oku tatau kiate kinautolu ae bogibogi moe malumalu oe mate: bea ka iloa, oku nau i he lilika oe malumalu oe mate.

¹⁸Oku alu vave ia o hage koe vai tafe; kuo fakamalaia ho nau tofia i he fonua: oku ikai mamata ia ki he hala oe gaahi goue vaine.

¹⁹Koe laa moe bubuha oku faao ai ae gaahi vai uha hinehina: oku behe ae faitoka kiate kinautolu kuo fai agahala.

²⁰E fakagalo‘i ia e he manāva; e kai melie ia e he kelemutu; e ikai toe manatu‘i ia; bea e feji‘i ae agahala o hage koe akau.

²¹Oku ne fai kovi ki he baa nae ikai fanau: bea oku ikai fai lelei ki he fefine kuo mate hono unoho.

²²Oku ne toho aki e hono malohi ae kakai malohi: oku ne tuu hake, bea ikai ilo e ha taha be te ne moui.

²³Ne ogo ene foaki kiate ia ae nofo fiemalie, aia oku ne falala ki ai; ka oku ne afio‘i ho nau gaahi hala.

²⁴Oku hakeaki‘i akinautolu o fuoloa jii be, ka e mole leva, bea fakahifo ki lalo; oku too atu akinautolu o hage koe kakai fulibe, bea tutuu o hage koe gaahi fua oe hana.

²⁵Bea kabau oku ikai behe, kohai te ne fakailo eku loi, mo fakataeaoga eku lea?