KOE TOHI A JOBE 26:1-14 TON1884 - Bible AI

¹1 Oku valoki‘i e Jobe ki he aga taeofa a Bilitati 5 o ne fakaha oku taegata mo tae faa ilo ae malohi ae Otua. KA nae tali e Jobe, o ne behe,

²Oku fefe a hoo tokoni ki he tae malohi? oku fakamoui fefe ekoe ae nima vaivai?

³Oku fefe a hoo fakaboto‘i ae tae boto? bea fefe a hoo fakaha lahi ae mea oku totonu?

⁴Ko hoo lea mai ki ahai? bea koe laumalie ohai kuo ha‘u meiate koe?

⁵Koe kakai malohi kuo mate, mo kinautolu oku nau nonofo, oku nau feiga ki lalo i he gaahi vai.

⁶Oku vavaga ae mama fufu i hono ao, bea oku ikai ha ufiufi oe botu fakaauha.

⁷Oku ne folahi atu eia ae botu fakatokelau i he ataloa, bea ne tautau a mamani ki he atā noabe be.

⁸Oku ne ha‘iha‘i ae gaahi vai i hono gaahi ao matolu; bea oku ikai mahae hae ai ae ao.

⁹Oku ne taofi atu a hono mua afioaga, o ne folahi ene ao ki ai.

¹⁰Oku ne takatakai ae moana o ai hono gataaga, kae oua ke oji ae aho moe bo.

¹¹Oku galulu ae gaahi bou oe lagi, bea ofo i he ene valoki.

¹²Oku ne fakalaolao ae tahi aki hono malohi, bea i he ene boto oku ne ta hifo ae laukau.

¹³Ko hono laumalie kuo ne teuteu aki ae gaahi lagi; bea kuo gaohi e hono nima ae gata bikobiko.

¹⁴Vakai, koe mea niihi be eni i hono gaahi hala: ka ikai koe mea jii aubito iate ia oku tau fanogo ai? bea koe mana o hono malohi kohai te ne faa ilo‘i?