KOE TOHI A JOBE 29:1-25 TON1884 - Bible AI

¹Oku fakamamahi‘i a Jobe eia koeuhi ko ene monuia mo ene ogoogolelei i mua. KA nae fai ai be e Jobe ene lea mamafa, o ne behe,

²Taumaiā kuou tatau eni moe gaahi mahina kuo hiliage, o hage koe gaahi aho nae malu‘i ai au e he Otua;

³I he kei ulo a ene māma ki hoku ulu, beau alu mo ene māma i he fakabouli;

⁴O hage ko eku nofo i he gaahi aho o eku monuia, i he fakataha ae kakai oe Otua i hoku fale;

⁵I he kei iate au ae Mafimafi, bea iate au mo eku fānau;

⁶I he tafe ae bota i hoku hala, bea liligi mai e he maka ae lolo lahi aubito;

⁷I he eku alu atu i he loto kolo ki he mataba, bea teu‘i hoku nofoaga i he hala lahi!

⁸Nae jio kiate au ae kau talavou, o nau toitoi: bea tutuu ki oluga ae kau mātua.

⁹Nae taofi e he gaahi eiki e nau alea, o ai ho nau nima ki ho nau gutu.

¹⁰Nae logo be ae houeiki, bea biki ho nau elelo ki ho nau oaoi gutu.

¹¹I he ogo‘i au e he teliga, ne ne tabuaki‘i au; bea i he mamata ae mata kiate au, naa ne fakamooni‘i au:

¹²He naaku fakahaofia ae majiva nae tagi, ae tamai mate, mo ia nae ikai hano tokoni.

¹³Koe tabuaki oia nae meimei mate ne hoko kiate au: bea naaku fakafiefia‘i ke hiva ae loto oe fefine kuo mate hono unoho.

¹⁴Neu ai ae maonioni, bea ne ufiufi aki au: nae tatau eku fakamāu moe bulubulu moe bale.

¹⁵Koe mata au ki he kui, moe va‘e ki he ketu.

¹⁶Koe tamai au ki he majiva: bea koe mea nae ikai teu ilo‘i neu kumi lahi ki ai.

¹⁷Naaku feji‘i ae kouahe oe fai kovi, o too ae mea faao mei hono nifo.

¹⁸Beau toki behe, teu mate i hoku bunuga, bea teu fakalahi hoku gaahi aho ke hage koe oneone.

¹⁹Nae mafola hoku aka i he gaahi vee vai, bea toka ae hahau ki hoku vaa i he bo kotoa.

²⁰Ko hoku ogoogolelei nae mauiui be, bea nae fakafoou eku kaufana i hoku nima.

²¹Nae fakafanogo ae kakai kiate au, o tatali, bea fakalogobe i he eku akonaki.

²²Hili eku lea nae ikai te nau tali; bea nae to eku lea kiate kinautolu.

²³Bea naa nau tatali kiate au o hage ki he uha: bea nau fakamaga lahi ho nau gutu o hage ki he uha mui.

²⁴Neu kata kiate kinautolu, bea ikai te nau faa tui; bea koe māma o hoku mata nae ikai ke nau li ki lalo.

²⁵Naaku fili ho nau hala, o nofo koe eiki, neu nofo o hage ha tu‘i i he kau tau, bea hage ha taha oku ne fakafiemalie‘i ae kakai mamahi.