KOE TOHI A JOBE 3:1-26 TON1884 - Bible AI

¹1 Oku lauikovi‘i e Jobe ae aho o hono fanau‘i moe gaue nae fai i ai. 13 Koe fiemalie oe mate. 20 Oku lāuga ia ki he moui, koeuhi ko ene mamahi. BEA hili ia nae mafaa ae gutu o Jobe, o ne lauikovi‘i a hono aho.

²Bea lea a Jobe, o ne behe,

³Ke auha ae aho nae fanau‘i ai au, moe bo koia nae kalaga ai, Kuo fanau‘i ae tama tagata.

⁴Ke fakabouli ae aho koia; ke oua naa tokaga ki ai ae Otua mei oluga, bea oua naa ulo ai ae māma.

⁵Ke ma‘u ia e he fakabouli moe ata oe mate; ke heka mau ki ai ae ao matolu; ke fakailifia ia e he fakabouli oe aho.

⁶Ke ohofi ae bo koia e he fakabouli matolu; ke oua naa fakahoko ia ki he gaahi aho oe ta‘u, be kau ia i he lau oe gaahi mahina.

⁷Io, ke lala ae bo koia, ke oua naa i ai ha le‘o fakafiefia.

⁸Ke kabe‘i ia ekinautolu oku laukovi‘i ae aho, akinautolu oku nau teu ke fai hake e nau lāuga.

⁹Ke fakabouli ae gaahi fetuu o hono efiafi bouli; ke holi ia ki he māma, kae oua jii naa i ai; bea oua naa ilo eia ae maa ae aho:

¹⁰Koeuhi nae ikai ke tabuni ae gaahi mataba oe manāva kiate au, be fufu ae mamahi mei hoku mata.

¹¹Koeha nae ikai ai teu mate mei he manāva? koeha nae ikai ai teu tukuage hoku laumalie i he eku ha‘u mei he fatu?

¹²Koeha nae tali teu ai au e he foi tui? moe huhu koeuhi keu huhu ai?

¹³He ka ne ikai, behe kuou tokoto taegau‘e en, bea logo be, beau mohe be: o mālōlō ai,

¹⁴O fakataha moe gaahi tu‘i moe gaahi bule o mamani, naa nau laga moo nautolu ae gaahi botu nae lala;

¹⁵Bea fakataha moe gaahi eiki nae ma‘u koula, naa nau fakabito ho nau gaahi fale aki ae siliva:

¹⁶Bea teu ikai o hage koe tama to i he fufu; o hage koe fānau oku ikai mamata ki he māma.

¹⁷Oku gata i ai ae fakamamahi e he kau agahala; bea mālōlō i ai ae kau ogojia.

¹⁸Oku mālōlō fakataha ai ae kau bobula; oku ikai ke nau ogo‘i ai ae le‘o oe fakamalohi.

¹⁹Oku i ai ae iki moe lalahi; bea tauataina ai ae tamaioeiki mei he ene eiki.

²⁰Koeha oku tuku ai ae māma kiate ia oku i he mamahi, moe moui kiate ia oku laumalie mamahi;

²¹Aia oku holi ki he mate, ka oku ikai ia; bea lahi ene kumi ki ai i he ene kumi ki he gaahi koloa fufu;

²²Akinautolu oku nekeneka aubito, mo fiefia, oka nau ka ilo ae faitoka?

²³Koeha kuo foaki ai ae māma ki he tagata kuo fakabuli hono hala, bea kuo akilotoa ia e he Otua?

²⁴He oku muomua eku gaahi to‘e ki he eku kai, bea ko eku tagi kalaga oku liligi atu o hage koe vai.

²⁵He koe mea neu manavahe lahi ki ai kuo to ia kiate au, bea koia neu ilifia ai kuo hoko mai.

²⁶Nae ikai teu fiemalie, be teu mālōlō, be teu nofo noabe; ka nae hoko be ae mamahi.