KOE TOHI A JOBE 30:1-31 TON1884 - Bible AI

¹1 Oku liliu ae ogoogolelei o Jobe koe mea manuki lahi. 15 Bea mo ene monuia koe tutiamaki. KA koeni, oku manuki‘i au ekinautolu oku mui iate au, ka koe nau gaahi tamai anautolu neu fehia ke lau fakataha moe faga kuli o eku gaahi faga manu.

²Io, e aoga fefe kiate au ae malohi a ho nau nima, ka kuo auha e nau motua lelei?

³Koe mea i he majiva moe hoge naa nau i he fakabouli o hage koe bo; o feholaki ki he toafa kuo majiva mo jiaki.

⁴Naa nau tuuji ae gaahi akau kona, bea keli aka ke nau kai.

⁵Nae kabuji akinautolu mei he kakai, (bea naa nau kalaga ki ai o hage ki ha kaihaa;)

⁶Ke nau nofo i he gaahi lilifa oe luo, i he gaahi ana oe fonua, moe gaahi maka.

⁷Naa nau tagi mei he gaahi akau; bea nau fakataha i lalo i he gaahi akau talatala.

⁸Koe fānau ae kau vale, koe hako oe kakai mea vale; nae kabuji akinautolu mei he fonua.

⁹Ka koeni, kuou hoko au koe nau hivehivaaga, io, koe nau lea manukiaga au.

¹⁰Oku nau fākalilia kiate au, bea nau hola mamao iate au, bea ikai te nau manavahe ke aanu ki hoku mata.

¹¹Koe mea i he ene vete eku afo, o tautea au, koia kuo nau tukuage ai foki ae noo i hoku ao.

¹²Oku tutuu ae kau talavou i hoku toomatau; oku nau teke‘i hoku va‘e, bea oku nau fokotuu hake o agatuu kiate au ae gaahi hala o ho nau fakaauha.

¹³Oku nau maumau‘i hoku hala, oku nau fiefia i he eku mamahi, oku ikai ha nau tokoni.

¹⁴Naa nau feohofi mai o hage i ha botu falahi: bea i he maumau naa nau filifilihi akinautolu kiate au.

¹⁵Kuo to kiate au ae gaahi ilifia: oku nau tuli hoku laumalie o hage koe matagi: bea oku mole atu eku lelei o hage koe ao.

¹⁶Bea koeni, kuo liligi hoku laumalie iate au; kuo buke au e he gaahi aho oe mamahi.

¹⁷Oku mahuhuhuhu a hoku gaahi hui i he bouli: bea oku ikai ke mālōlō jii hoku gaahi uoua.

¹⁸Kuo fetogi hoku kofu e he malohi lahi: oku ne nonoo takatakai au o hage koe kia o hoku kofutua.

¹⁹Kuo ne li au ki he belebela, bea kuou tatau moe efu moe efuefu.

²⁰Oku ou tagi kiate koe, ka oku ikai te ke ogo‘i au: oku ou tuu hake, ka oku ikai te ke tokaga‘i au.

²¹Kuo ke liliu o taeofa kiate au: oku ke tuu kiate au aki ho nima malohi.

²²Oku ke o hake au ki he matagi; mo ke fakaheka au ki ai, bea oku ke veteki eku mea.

²³He oku ou ilo bau te ke omi au ki he mate, bea ki he fale kuo tuutuuni ki he kakai moui kotoabe.

²⁴Ka e ikai te ne mafao atu hono nima ki he faitoka, ne ogo oku nau tagi i he ene fakaauha.

²⁵Ikai naaku tegihia ia aia nae mamahi? Ikai nae mamahi hoku laumalie koeuhi koe majiva?

²⁶I he eku amanaki ki he lelei, nae hoko mai ae kovi: bea i he eku tatali ki he māma, ne hoko mai ae fakabouli.

²⁷Nae lili hoku fatu, o ikai toka: nae taofi au e he gaahi aho oe mamahi.

²⁸Naaku alu mamahi be i he tae ulo ae laa; neu tuu hake o tagi i he fakataha.

²⁹Koe tokoua au oe faga talakone, moe kaumea oe faga lulu.

³⁰Kuo uliuli hoku kili iate au, bea kuo velehia hoku gaahi hui i he afu.

³¹Kuo liliu eku haabe koe tagi, bea ko eku mea ifi koe le‘o okinautolu oku tagi.