1
2He koeha ae inaji mei he Otua i oluga? bea moe tufakaga mei he Mafimafi i oluga?
3Ikai oku i he kau agahala ae malaia? moe fakaauha foou ki he kau fai kovi?
4Ikai oku ne ilo‘i hoku gaahi hala, bea lau eku gaahi laka kotoabe?
5He kabau naaku alu i he loi, bea kabau teu vee vave ki he kākā;
6Tuku ke fakamamafa au i he mea fakatatau totonu, koeuhi ke ilo e he Otua a eku agatonu.
7He kabau naaku laka he mei he hala, bea muimui hoku loto ki hoku mata, be biki ha uli ki hoku nima;
8Tuku ai keu tūtū‘i kae kai e ha taha kehe; io, ke taaki fuu hake a hoku ta‘u.
9Kabau nae kākā‘i a hoku loto e ha fefine, be teu toitoi i he mataba o hoku kaugaabi;
10Bea tuku ke momoji a hoku unoho mo ha taha, bea mabelu ki ai ha niihi kehe.
11He koe hia matea ia, io, koe agahala ke tautea e he kau fakamāu.
12He koe afi ia oku ne kai o a‘u ki he fakaauha, bea e ojiojigamalie ai eku koloa.
13Kabau naaku luma‘i ae mea a eku tamaioeiki be ko eku kaunaga, i he e na fai mo au.
14Koeha ai teu fai oka tuu hake ae Otua? bea oka aahi eia, koeha teu tali aki ia?
15He ikai nae gaohi ia eia naa ne gaohi au i he manāva? bea ikai nae fakatubu akimaua oji be i he manāva e he toko taha?
16Kabau neu taofi ae majiva mei he e nau holi, be fai ke vaivai ae mata oe fefine kuo mate hono unoho;
17Bea kuou kai vale haaku mea jii, o ikai te ma kai ia moe tamai mate;
18(He oku talu eku lahi hake mo ene iate au, o hage ko haane tamai, bea talu eku ha‘u mei he manāva o eku fa‘e mo eku fakahinohino ia;)
19Kabau kuou mamata ki ha taha oku mate koeuhi koe telefua, be ha majiva tae ha kofu;
20Kabau nae ikai tabuaki au e hono nootaga vala, bea ikai mafana ia i he fulufulu o eku faga sibi;
21Kabau kuou hiki hoku nima ki he tamai mate, i he eku ilo oku ou malohi i he mataba:
22Ofa ke homo hoku uma mei hoku hui fohe, bea feji‘i hoku nima i he hokotaga hui
23He koe fakaauha mei he Otua koe mea fakailifia kiate au, bea koe mea i he ene geia nae ikai teu faa kataki‘i.
24He kabau naaku amanaki ki he koula, be teu behe ki he koula lelei, Ko hoku falalaaga koe;
25Kabau naaku fiefia i he tubu o lahi eku koloa, bea koeuhi kuo ma‘u lahi e hoku nima;
26Kabau naaku jiofia ae laa i he ene ulo, be koe mahina oku haele i he gigila;
27Bea kuo fajia‘i fufu be hoku loto, be uma hoku gutu ki hoku nima:
28Koe agahala foki ia ke fakamāu‘i: he ka ne behe, ko eku liaki ia ae Otua oku i oluga.
29He kabau naaku fiefia i he auha oia nae fehia kiate au, be teu aga hiki ki ai oka moua ia e he kovi:
30Ka nae ikai teu tuku ke agahala ai a hoku gutu i he fakaamu ke to ha malaia ki hono laumalie.
31Ikai oku faa behe e he eku kau nofoaga, Nae holi e hai ki haane mea kai bea ikai makona ai?
32Nae ikai mohe ae muli i he hala: ka neu fakaava hoku mataba ke talia ae fonoga.
33He naaku fufu koa eku agahala o hage ko Atama, o fakalilolilo eku hia i hoku fatafata?
34Bea teu manavahe ki he fuu toko lahi? be fakailifia‘i au e he manuki ae gaahi fānau, keu logo ai, o tae hu atu i he mataba?
35Taumaiā kuo iai ha toko taha e fie fanogo kiate au! vakai, ko hoku loto ke talia au e he Mafimafi, bea ke fai ha tohi e hoku fili.
36Koe mooni teu hili ia ki hoku uma, o nonoo ia kiate au o hage ha bale.
37Teu aau atu kiate ia ae lau o eku gaahi laka; teu alu atu o hage ha eiki ke ofi kiate ia.
38He kabau kuo tagi e hoku fonua kiate au, be lāuga a hono gaahi keliaga;
39Bea kabau kuou kai tae totogi a hono gaahi fua, be teu fakamamahi‘i ae laumalie okinautolu nae tauhi ki ai:
40Ofa ke tubu ai ae talatalaamoa koe fetogi oe uite, moe akau taeaoga koe fetogi oe baale. Kuo gata ae fakamatala a Jobe.