KOE TOHI A JOBE 33:1-33 TON1884 - Bible AI

¹1 Oku fie fetogi ae Otua e Elihu ke ne lea kia Jobe i he mooni moe agavaivai. 8 Oku ne fakaha oku ikai fakamatala e he Otua a ene gaue ki he tagata, koeuhi ko ene lahi. 14 Oku ui e he Otua ki he tagata ke fakatomala aki ae mea oku ha mai, 19 moe mea mamahi, 23 bea mo ene faifekau. 31 Oku ne ue‘i a Jobe ke tokaga. KOIA oku ou kole kiate koe e Jobe, fakafanogo ki he eku gaahi fakamatala, mo ke tokaga ki he eku lea kotoabe.

²Vakai, kuou faai eni a hoku gutu, kuo lea a hoku elelo i hoku gutu.

³Teu lea au mei he totonu o hoku loto: bea e mahino ae ilo e lea aki e hoku lougutu.

⁴Nae gaohi au e he Laumalie oe Otua, bea koe mānava oe Mafimafi kuo ne foaki ae moui kiate au.

⁵Kabau te ke faa tali au, bea fokotuu hokohoko be hoo gaahi lea, tuu hake i hoku ao.

⁶Vakai, oku ou tatau mo koe i he ao oe Otua: kuo gaohi foki au mei he umea.

⁷E ikai fakamanavahe‘i koe e haaku fakailifia, bea e ikai mamafa a hoku nima kiate koe.

⁸Koe mooni kuo ke lea i hoku teliga, bea kuou ogo‘i ae le‘o o hoo gaahi lea, o behe,

⁹Oku ou maa tae ha agahala, oku ou maonioni; bea oku ikai ha hia iate au.

¹⁰Vakai, oku ne kumi ae mea keu kovi ai, oku ne lau‘i au ko hono fili,

¹¹Oku ne ai hoku va‘e ki he mea fakamau va‘e, oku ne vakai‘i a hoku aluga kotoabe.

¹²Vakai eni, oku ikai te ke tonuhia: teu talia koe, he oku lahi ae Otua ki he tagata.

¹³He koeha oku ke fai ai mo ia? koeuhi oku ikai fakaha eia ae uhiga o ene gaahi gaue.

¹⁴Ka oku lea ae Otua o tuo taha, io o tuo ua, ka oku ikai tokaga‘i ia e he tagata.

¹⁵I he miji, i he mea ha mai oe bouli, i he to ae mohe mau ki he kakai, i he tule mohe i he mohega;

¹⁶Oku ne toki fakaogo ae teliga oe kakai, o ne buluji a ho nau akonaki‘i,

¹⁷Koeuhi ke ne taofi ae tagata mei he ene gaue aana, bea fufu ae fielahi mei he tagata.

¹⁸Oku ne taofi mai hono laumalie mei he luo, mo ene moui ke oua naa auha i he heleta.

¹⁹Bea oku ne tautea foki ia aki ae mamahi i hono mohega, mo hono gaahi hui aki ae mamahi lahi:

²⁰Koia oku fehia ai ene moui ki he ma, mo hono laumalie ki he mea kai ifo lelei.

²¹Oku fakaaau o oji a hono kakano, o ikai iloa; bea oku tuu mai hono gaahi, hui nae ikai ha mai.

²²Io, oku unuunu atu hono laumalie ki he fai toka, mo ene moui ki he kau fakaauha.

²³Kabau e iate ia ha faifekau, koe fakamatala, koe taha mei he toko taha afe, ke fakaha ki he tagata ene maonioni:

²⁴Oku toki aloofa ai ia kiate ia, o ne behe, Fakamoui ia mei he alu hifo ki he luo: kuou ilo‘i ae huhui.

²⁵E moui lelei hake hono jino i ha tamajii: e toe foki ia ki he gaahi aho o ene kei jii:

²⁶E lotu ia ki he Otua, bea e tokaga ia ki ai: bea e mamata ia ki hono fofoga i he fiefia: he te ne totogi ki he tagata a ene maonioni.

²⁷Oku ne vakai ki he kakai, bea ka behe e ha taha, kuou agahala, bea fakakehe aia oku totonu, bea kuo taeaoga ia kiate au;

²⁸E fakahaofi eia a hono laumalie ke oua naa alu hifo ki he luo, bea e mamata ene moui ki he māma.

²⁹Vakai, oku faa fai e he Otua ae gaahi mea ni kotoabe koeuhi koe tagata,

³⁰Ke ne toe omi ai hono laumalie mei he luo, bea ne fakamāma ia aki ae māma oe moui.

³¹Tokaga, e Jobe, fakafanogo kiate au: ke ke logo be, kau lea.

³²Kabau oku ai hao lea, tali mai: lea, he ko hoku loto ke ke tonuhia.

³³Kabau oku ikai, fakafanogo kiate au: ke ke logo be, kau akonekina koe ke ke boto.