KOE TOHI A JOBE 34:1-37 TON1884 - Bible AI

¹1 Oku talatalaaki a Jobe e Elihu koeuhi ko ene lauikovi ki he agatonu ae Otua. 10 Oku ikai faa fai taetotonu ae Otua Mafimafi. 31 Oku totonu ki he tagata ke ne fakavaivai ia ki he Otua. 34 Oku valoki‘i e Elihu a Jobe. BEA nae fai be e Elihu a ene lea, o ne behe,

²Ae kau tagata boto, mou fanogo ki he eku gaahi lea; bea tokaga kiate au akimoutolu kuo ma‘u ae ilo.

³He oku ahiahi‘i e he teliga ae gaahi lea, o hage oku kamata e he gutu ae kai.

⁴Ke tau fili kiate kitautolu ae fakamāu; ke tau ilo iate kitautolu aia oku lelei.

⁵He nae behe e Jobe, Oku ou maonioni: bea kuo too atu e he Otua hoku fakamāu.

⁶He teu lohiaki‘i a eku totonu? oku tae faa fakamoui o hoku lavea i he tae talagataa.

⁷Kohai ha tagata oku tatau mo Jobe, oku ne inumia ae manuki o hage koe vai?

⁸Aia oku ne alu fakataha moe kau gaue kovi, bea eveeva moe kau tagata agahala.

⁹He nae behe eia, Oku ikai hano aoga jii ki ha tagata ke ne fakafiefia‘i ia i he Otua.

¹⁰Koia, fanogo mai kiate au, akimoutolu ae kau tagata faa ilo: koe kovi, ke mamao ia mei he Otua, bea moe agahala mei he Mafimafi.

¹¹He koe gaue ae tagata te ne totogi kiate ia, bea fakailo ki he tagata kotoabe o fakatatau ki hono gaahi hala.

¹²Io, koe mooni e ikai fai kovi ae Otua, bea e ikai fakahala‘i ae fakamāu e he Mafimafi.

¹³Kohai naa ne fakanofo ia ke bule ki mamani? bea kohai kuo ne gaohi a mamani kotoabe?

¹⁴Kabau te ne fakatokaga‘i hono finagalo ki he tagata, te ne tanaki kiate ia hono laumalie mo ene mānava;

¹⁵E mate fakataha ae kakano kotoabe, bea e toe liliu ae tagata koe efu.

¹⁶Kabau oku ke ma‘u ae faa ilo, fanogo eni: fakafanogo ki he le‘o o eku gaahi lea.

¹⁷Te ne faa bule aia oku fehia ki he totonu? bea te ke faa fakahalaia‘i aia oku matuaki agatonu?

¹⁸He oku gali ke behe ki ha tu‘i, Oku ke kovi? be ki he houeiki, Oku mou fai kovi?

¹⁹Ka e fefe kiate ia aia oku ikai te ne filifilimanako ki he kakai houeiki, bea oku ikai lahi hake ene tokaga ki he koloaia i he majiva? he koe gaue a hono nima akinautolu kotoabe.

²⁰Te nau mate fakafokifa be, bea e mamahi ae kakai i he tuuabo malie, bea nau mole atu: bea e fetuku atu ae kau malohi tae ha nima.

²¹He oku i he gaahi fale oe tagata a hono fofoga, bea oku ne afio‘i a hono aluga kotoabe.

²²Oku ikai ha bouli, be ha malumalu oe mate, e faa fakafufu ai e he kau fa kovi akinautolu.

²³Koeuhi e ikai te ne hilifaki ki he tagata ke lahi hake i he mea oku totonu; koeuhi ke ne fie fakamāu ai moe Otua.

²⁴Te ne lailaiki ae kau tagata malohi toko lahi taefaalaua, bea fokotuu ae niihi mo ono totogi.

²⁵Koia oku ne ilo e nau gaahi gaue, bea oku ne fulihi akinautolu i he bo, bea oku nau auha ai.

²⁶Oku ne ta‘i akinautolu o hage koe kau tagata fai kovi i he ao oe kakai.

²⁷Koeuhi naa nau tafoki kimui meiate ia, bea ikai fie tokaga ki hono gaahi hala:

²⁸Koia oku nau fakahoko ae tagi ae majiva ke a‘u atu kiate ia, bea oku ne ogo‘i ae tagi ae mahaki.

²⁹Oku foaki eia ae fiemalie, kohai te ne faa fakamamahi? bea ka fufu eia hono fofoga, kohai e faa mamata kiate ia? o kabau te ne fai ki ha buleaga, be ki ha tagata be toko taha:

³⁰Koeuhi ke oua naa bule ae malualoi, telia naa fajia‘i ae kakai.

³¹Oku tāu mooni moe Otua ae lea behe ki ai, Kuou kataki, e ikai teu fakamamahi.

³²Koia oku ikai teu ilo ke ke ako ia kiate au: kabau kuou fai agahala, e ikai teu toe fai ia.

³³E fakatatau ia koa mo ho loto? te ne totogi ia, o kabau te ke oua, be te ke loto ki ai; kae ikai ko au: koia ke ke tala aia oku ke ilo.

³⁴Ke tala kiate au e he kau tagata faa ilo, bea ke fanogo kiate au e ha tagata boto.

³⁵Kuo lea a Jobe i he tae ilo, bea oku tae boto a ene gaahi lea.

³⁶Ko hoku loto ke fakamāu‘a Jobe o a‘u ki he gataaga, koeuhi ko ene gaahi tali o hage koe kau tagata agahala.

³⁷He oku ne fakahoko ae talagataa ki he agahala, oku ne bajibaji hono nima iate kitautolu, o fakalahi ene gaahi lea ki he Otua.