KOE TOHI A JOBE 35:1-16 TON1884 - Bible AI

¹1 Oku ikai te tau faa fakatatau moe Otua, koeuhi oku ikai hoko kiate ia ae tau lelei be ae kovi. 9 Oku tagi ae toko lahi i he e nau mamahi, ka oku ikai ogo‘i koeuhi koe taetui. BEA nae fai be e Elihu a ene lea, o ne behe,

²Oku ke mahalo oku totonu eni, a hoo lea o behe, Ko eku maonioni oku lahi ki he Otua?

³He naa ke behe, Koeha hono aoga kiate koe? bea koeha a totogi teu ma‘u o kabau e fakamaa au mei he eku agahala?

⁴Teu tala kiate koe, mo kinautolu oku kaumea mo koe.

⁵Jio ki he gaahi lagi, o mamata; bea vakai ki he gaahi ao aia oku maoluga hake iate koe.

⁶Kabau oku ke fai agahala, koeha oku ke fai kiate ia? bea kabau kuo tubu o lahi a hoo talagataa, koeha oku ke fai kiate ia?

⁷Kabau oku ke maonioni, koeha oku ke foaki kiate ia? be koeha ia oku ne ma‘u i ho nima?

⁸E kovi nai hoo agahala ki he tagata o hage ko koe; bea e aoga nai hoo maonioni ki he foha oe tagata.

⁹Koe mea i he lahi oe gaahi mea fakamalohi oku tagi ai ae kau fakamalohia; oku nau tagi kalaga i he nima oe malohi.

¹⁰Ka oku ikai behe e ha taha, Kofaa ia ae Otua ko hoku tubuaga, aia oku ne foaki ae gaahi hiva i he bo;

¹¹Aia oku ako lahi hake kiate kitautolu i he gaahi manu oe fonua, o ne fakaboto lahi hake akitautolu i he gaahi manu buna oe atā?

¹²Oku nau tagi i ai, ka oku ikai lea ha toko taha, koe mea i he laukau ae kau tagata kovi.

¹³Koe mooni e ikai fanogo ae Otua ki he launoa, bea e ikai tokaga ki ai ae Mafimafi.

¹⁴Naa ke lea, o behe, E ikai te ke mamata kiate ia, ka oku i hono ao ae fakamāu, koia ke ke falala kiate ia.

¹⁵Ka koeuhi oku ikai behe eni, koia kuo ne aahi ai i hono houhau; ka oku ikai te ne ilo ia i he mamahi lahi:

¹⁶Koia oku mafaa taeaoga ai ae gutu o Jobe; oku ne fakalahi ae gaahi lea i he tae ilo.