KOE TOHI A JOBE 36:1-33 TON1884 - Bible AI

¹1 Oku fakaha e Elihu oku totonu ae Otua i hono gaahi hala. 16 Oku taofi aki ae tabuaki ae Otua ae hia a Jobe. 24 Oku ogoogo lahi ae gaahi gaue ae Otua. KA nae fai ai be e Elihu ene lea, o ne behe,

²Ke ke kataki jii be au, bea teu fakaha kiate koe aia oku toe iate au ke lea aki koeuhi koe Otua.

³Teu omi a eku ilo mei he mamao, bea teu tuku ae maonioni ki hoku Tubuaga.

⁴He koe mooni e ikai hala a eku gaahi lea: koia ia oku haohaoa i he ilo oku iate koe.

⁵Vakai, oku mafimafi ae Otua, bea oku ikai te ne manuki‘i ha toko taha: oku mafimafi ia i he malohi moe boto.

⁶Oku ikai te ne fakatologa ae moui ae agakovi: ka oku ne foaki ae totonu ki he majiva.

⁷Oku ikai too eia hono fofoga mei he maonioni; ka oku nau i he gaahi tu‘i i he nofoaga fakaeieiki; io, oku ne fakatuu mau akinautolu ke taegata, bea kuo hakeaki‘i akinautolu.

⁸Bea kabau kuo ha‘i aki akinautolu ae gaahi ukamea fakamau, bea fakamau aki ae gaahi afo oe mahaki;

⁹Oku ne fakaha ai kiate kinautolu e nau gaahi gaue, moe nau gaahi talagataa aia kuo nau agatuu ai.

¹⁰Oku ne fakaava ho nau teliga foki ki he akonaki, bea fekau ke nau tafoki mei he agahia.

¹¹Kabau te nau talagofua bea tauhi ia, te nau fakaoji ho nau gaahi aho i he monuia, mo ho nau gaahi ta‘u i he fiemalie.

¹²Bea kabau e ikai te nau talagofua, te nau auha i he heleta, bea te nau mate tae ma‘u ae ilo.

¹³Ka koe kau loto malualoi oku nau fokotuu ae houhau: oku ikai te nau tagi i he ene ha‘ijia akinautolu.

¹⁴Oku nau mate i he kei talavou, bea oku i he kau tae maa ae nau moui.

¹⁵Oku ne fakamoui ae mahaki i hono mahaki, bea ne fakaava ho nau teliga i he taomia.

¹⁶Bea ka ne ke behe, kuo ne hiki foki koe mei he botu abiabi ki he botu ataatā, aia oku ikai i ai ha abiabi; bea koia e i ho keinagaaga e bito ia i he gako.

¹⁷Ka kuo ke fakakakato ae fakamāu oe kau agakovi: koe fakamāu moe agatonu oku na buke koe.

¹⁸Koeuhi oku ai ae houhau, ke ke vakai telia naa ne too atu koe i he ene ta: bea ka behe, e ikai faa fakahaofi koe e he huhui lahi.

¹⁹Bea e manako ia ki hoo gaahi koloa? ikai i he koula, be koe mafai kotoabe oe malohi.

²⁰Oua naa ke holi ki he bo, aia kuo motuhi ai ae kakai mei ho nau fonua.

²¹Ke ke vakai, ke oua naa ke tokaga ki he agahia: he kuo ke tomua fili ia i he mahaki.

²²Vakai, oku hakeaki‘i e he Otua i hono malohi: kohai oku akonaki o hage koia?

²³Kohai kuo ne tuutuuni kiate ia a hono hala? be kohai te ne faa behe, Kuo ke fai agahala?

²⁴Ke ke manatu ke fakaogolelei a ene gaue, aia oku mamata ki ai ae kakai.

²⁵E faa mamata ki ai ae tagata kotoabe, e faa vakai ki ai ae tagata i he kei mamao.

²⁶Vakai, oku lahi ae Otua, bea oku ikai te tau faa ilo‘i ia, bea koe lau o hono gaahi aho oku tae faa hakule.

²⁷He oku ne too hake ae gaahi moji‘i vai: oku nau hua‘i hifo ae uha o fakatatau ki he mao oia:

²⁸Aia oku to hifo e he gaahi ao, bea uha lahi ki he tagata.

²⁹Bea e faa ilo koa e ha taha hono folahi atu oe gaahi ao, be ki he logoaa o hono nofoaga?

³⁰Vakai, oku ne folahi atu a ene māma ki ai, bea oku ne ufiufi ae kiliji tahi.

³¹He oku ne fakamāu ae kakai aki ae gaahi mea ni; oku ne foaki ae mea kai lahi aubito.

³²Oku ne ufiufi ae māma aki ae gaahi ao; bea ne fekau‘i ia i he ene hoko i he vahaa ke oua naa ulo.

³³Ko hono logoaa oku ne fakaha ia, koe houhau lahi ki he agahala.