KOE TOHI A JOBE 38:1-41 TON1884 - Bible AI

¹1 Oku fekau e he Otua kia Jobe ke ne tali a ene fehui. 4 Oku fakaha e he Otua a ene gaahi gaue lahi kia Jobe, koeuhi ke ne ilo ai ene vale, 31 bea mo ene vaivai. BEA nae toki folofola a Jihova kia Jobe mei he ahiohio, o behe,

²Kohai eni oku ne fakabouli‘i ae fakakaukau aki ae gaahi lea oe tae ilo?

³Koeni, ke ke nonoo ho nootagavala o gali moe tagata; he teu eke kiate koe, bea ke fakamatala mai kiate au.

⁴Naa ke ife koe i he eku ai ae gaahi tuuga o mamani? fakaha mai, kabau oku iate koe ae faa ilo.

⁵Kohai naa ne ai hono gaahi fuofua oia, o kabau oku ke ilo? be kohai naa ne falo ae afo ki ai?

⁶Oku fakamau ki he ha a hono gaahi tuuga oia? be kohai naa ne ai a hono maka tuliki oia;

⁷Aia nae hiva fiefia fakataha ai ae gaahi fetuu oe bogibogi, bea kalaga fakafiefia ai ae gaahi foha kotoabe oe Otua?

⁸Be kohai naa ne tabuni ae tahi aki ae gaahi mataba, i he ene ba mai, o hage ko ene buna mei he manāva?

⁹I he eku gaohi ae ao koe kofu oia, bea koe fakabouli matolu ko hono noo oona.

¹⁰O keli hake ae botu naaku tuutuuni ki ai, o ai ki ai ae gaahi bou moe mataba.

¹¹Beau behe, Te ke ha‘u ki heni, bea gata ai: bea e lolomi i heni hoo gaahi beau laukau?

¹²Naa ke fekau ki he bogibogi talu hoo gaahi aho; bea bule ki he hegihegi oe aho ke ne ilo hono botu:

¹³Koeuhi ke ne buke ki he gaahi gataaga oe fonua, koeuhi ke tubei mei ai ae kakai agahala.

¹⁴Oku liliu ia o hage koe umea ki he fakailoga; bea oku nau tuu o hage koe kofu.

¹⁵Ka oku taofi mei he kau agahala e nau māma, bea e feji‘i ae nima maoluga.

¹⁶Naa ke hu koe ki he gaahi matavai oe tahi? be naa ke eveeva ke kumi ae loloto?

¹⁷Nae too ae gaahi mataba oe mate kiate koe? be naa ke mamata ekoe ki he gaahi mataba oe malumalu oe mate?

¹⁸Naa ke ilo‘i ae māukubu oe fonua? fakaha o kabau oku ke ilo ia kotoabe.

¹⁹Koefe ae hala oku nofo ai ae māma? bea koe bouli, komaa ia ae botu oona.

²⁰Koeuhi ke ke ave ia ki hono gataaga oona, bea koeuhi ke ke ilo ae gaahi hala ki he fale oia?

²¹Kuo ke ilo ia, he nae fanau‘i koe i he kuoga koia? be koeuhi kuo lahi hono lau o ho gaahi aho?

²²Naa ke hu koe ki he gaahi faoakiaga oe uha hinehina? be naa ke mamata koe ki he gaahi faoakiaga oe uha maka,

²³Aia kuou tuku ki he kuoga oe fakamamahi, ki he aho oe fekeikei moe tau?

²⁴Oku vahevahe fefe‘i ae māma, aia oku ne tufaki ke mamao ae matagi hahake i he fonua?

²⁵Kohai kuo ne vahe‘i ae tafeaga vai ki he mahuohua oe gaahi vai, be koe hala ki he uhila oe mana;

²⁶Koeuhi ke bule ke uha ki he fonua aia oku ikai i ai ha tagata; ki he toafa, aia oku ikai i ai ha tagata;

²⁷Ke fakafiemalie ae kelekele lala mo liaki; ke fakatubu ae moto oe akau vaivai?

²⁸Kohai ae tamai ae uha? be kohai kuo ne fakatubu ae gaahi tuluta oe hahau?

²⁹Nae ha‘u ae vai fefeka mei he manāva ohai? bea kohai naa ne fakatubu ae falositi hinehina oe lagi?

³⁰Kuo fufu ae gaahi vai o hage koe maka, bea kuo fakafefeka ae fuga oe loloto.

³¹Oku ke faa bule‘i ekoe ae gaahi malohi melie o Beliatisi, be vete ae gaahi ha‘i o Olioni?

³²Oku ke faa omi ekoe a Masaloti i hono kuoga? be te ke faa fakahinohino a Aakitulio mo hono gaahi foha?

³³Oku ke ilo‘i ae gaahi tuutuuni oe lagi? oku ke faa fokotuu ene bule ki he fonua?

³⁴Oku ke faa hiki hake ekoe ho le‘o ki he gaahi ao. koeuhi ke ufiufi aki koe ae gaahi vai lahi?

³⁵Oku ke faa fekau atu ae gaahi uhila, koeuhi ke nau alu, o nau behe kiate koe, ko kimautolu eni?

³⁶Kohai kuo ne ai ae boto ki he gaahi botu i loto? be kohai kuo ne foaki ae faa ilo ki he loto?

³⁷Kohai oku faa lau ae gaahi ao i he boto? be kohai te ne faa taofi ae gaahi hina oe lagi?

³⁸Oka tubu o fefeka ae efu, bea biki fakataha ae tuutaga kelekele.

³⁹He te ke tuli ae mea kai ma ae laione? be fakamakona ae fiekaia oe faga laione mui,

⁴⁰Oka nau ka tokoto i ho nau gaahi ana, bea nofo be o lama i he botu lilo?

⁴¹Kohai oku ne tokonaki ae mea kai ki he leveni oka tagi hono fagaga ki he Otua. i he e nau he koe majiva kai?