KOE TOHI A JOBE 39:1-30 TON1884 - Bible AI

¹Koe tala ki he faga koji hehegi moe hainiti; 5 moe asi hehegi; 9 moe liimi; 13 moe sitoaki, moe ositaliji; 19 moe hose; 26 moe falekoni; 27 bea moe ikale. Oku ke ilo ae feituulaa oku fanau‘i ai ae faga koji kaivao oe maka? be oku ke faa fakailoga oka fanau‘i ae faga hainiti?

²Oku ke faa lau ki he kakato o ho nau gaahi mahina? be oku ke ilo ae feituulaa oku nau faele ai?

³Oku nau fakamabelu akinautolu, oku nau faele‘i ho nau uhiki, oku nau li kitua e nau gaahi mamahi.

⁴Oku matamata lelei ho nau uhiki, oku nau tubu hake i he toafa; oku nau alu atu, bea ikai toe ha‘u kiate kinautolu.

⁵Kohai kuo ne fekau atu tauataina ae asi kaivao? be kohai kuo ne vete ae gaahi ha‘i oe asi kaivao?

⁶Aia kuou tuutuuni ae toafa ko hono fale oona, moe fonua lala ko hono gaahi nofoaga.

⁷Oku manuki ia ki he toko lahi oe kolo, bea oku ikai te ne tokaga ki he kalaga oe tauhi.

⁸Ko hono kaiaga koe gaahi mouga ataatā, bea oku ne kumi ae mea mata kotoabe.

⁹E fie tauhi kiate koe ae liimi, be nofo ofi ki hoo aiagakai?

¹⁰Oku ke faa nonoo ae liimi aki hono nootaki i he keli? be te ne muimui iate koe ke fakatoka lelei ae gaahi luo?

¹¹Te ke falala ki ai, koeuhi oku lahi a hono malohi? be te ke tuku hoo gaue kiate ia?

¹²Te ke tui kiate ia, te ne fetuku ki abi hoo gaahi fua, o tanaki ia ki ho feleoko?

¹³Koe kabakau oe ositaliji ke kabakaba: ka oku buna hake ae sitoaki moe falekoni.

¹⁴Vakai, oku ne fakato hono gaahi fua i he kelekele, o ne fakamafana ia i he efu,

¹⁵Bea galo iate ia e laiki nai ia e he va‘e, be maumau‘i ia e he manu kaivao.

¹⁶Kuo fakafefeka ene aga ki hono fagaga o hage oku ikai aana akinautolu: oku tae aoga ene gaue tae manavahe;

¹⁷Koeuhi kuo fakamajiva‘i ia e he Otua i he boto, bea nae ikai te ne tuku kiate ioa ae faa ilo.

¹⁸Koe feituulaa koia te ne tuu hake ki oluga, oku ne manuki‘i ae hosi mo ia oku heka ai.

¹⁹Naa ke tuku ekoe ae malohi ki he hose? naa ke fakakofu aki hono kia ae mana?

²⁰Oku ke faa fakamanavahe‘i ia o hage koe hee? koe mānavalahi o hono ihu oku fakailifia.

²¹Oku kenukenu ia i he vahaa mouga, bea fiefia i he malohi: oku alu atu ia ke fakafetaulaki ki he kau tagata oku too mahafu tau.

²²Oku ne manuki ki he manavahe, bea oku ikai ilifia ia; be foki kimui mei he heleta.

²³Oku gatata ae tagakaho kiate ia, ae tao gigila bea moe fakaū.

²⁴Oku ne folohifo ae kelekele i he feiga moe lili: bea oku ikai te ne tui koe le‘o ia oe mea lea.

²⁵Oku behe eia i he lotolotoga oe gaahi mea lea, He, he; bea nanamu ki he tau i he kei mamao, koe mana oe kau taki tau, moe nau mavava.

²⁶Oku buna ae falekoni i hoo boto, o mafao atu hono kabakau ki he feituu toga?

²⁷Oku buna hake ae ikale ko hoo fekau, o ne gaohi hono bunuga i oluga?

²⁸Oku nofo ia o tatali i he maka, i he maka hagatamaki, moe botu malohi.

²⁹Oku kumi mei ai ene mea kai, bea oku jio hono mata mei he mamao.

³⁰Oku mimiji hake foki e hono uhiki ae toto: bea koe botu koia oku i ai ae mate, oku i ai ia.