KOE TOHI A JOBE 4:1-21 TON1884 - Bible AI

¹1 Oku valoki‘i a Jobe e Elifasi koe mea i he ene tae maonioni. 7 Oku ne fakaha oku ikai ki he maonioni ae gaahi tautea ae Otua, ka ki he agahala. 12 Koe mea fakamanavahe nae ha mai kiate ia, ke fakavaivai‘i ai i he ao oe Otua ae mea oku ogoogolelei ai ae kakai. BEA toki leaage ai a Elifasi mei Timani, o ne behe,

²Kabau te mau ahiahi ke lea kiate koe, te ke ita ai? ka kohai te ne faa taofi ia eia mei he lea?

³Vakai, kuo ke akonekina ae toko lahi, bea kuo ke fakamalohi‘i ae nima vaivai.

⁴Nae boubou hake e hoo gaahi lea aia nae meimei higa, bea kuo ke fakamalohi‘i ae foi tui vaivai.

⁵Ka koeni kuo hoko ia kiate koe, bea ke vaivai; oku ala ia kiate koe, bea oku ke bubutuu.

⁶He kofaa eni hoo manavahe, hoo falala, hoo amanaki lelei, moe agatonu a ho gaahi hala?

⁷Oku ou kole kiate koe, ke ke fakamanatu, kohai ha tae agahala nae auha? bea koe botu fe nae motuhi ai ae maonioni?

⁸Io o hage be koia kuou mamata ki ai, ko kinautolu oku keli ae agahala, mo tūtū‘i ae fai kovi, oku nau utu be ia.

⁹I he ifi ae Otua oku nau auha, bea koe mānava o hono fofoga oku nau ojiojigamalie ai.

¹⁰Oku fakagata ae gugulu oe laione, moe le‘o oe laione fekai, bea oku mafejifeji ae kau nifo oe faga laione mui.

¹¹Oku auha ae motua laione koe majiva mea kai, bea koe fagaga oe laione malohi kuo fakahe‘i mamao.

¹²Koeni, nae ai ha mea nae omi fufu kiate au, bea nae ogo‘i e hoku teliga ae fafana o ia.

¹³I he gaahi mahalo mei he gaahi mea ha mai oe bo, oka to ae mohe mau ki he kakai,

¹⁴Nae hoko mai kiate au ae manavahe, moe tetetete, aia nae fakagalulu ai hoku gaahi hui kotoabe.

¹⁵Bea nae toki maali ai ae laumalie i hoku ao; bea nae vavana hake ae fulufulu o hoku jino:

¹⁶Nae tuu mai ia, ka nae ikai teu ilo hono aga: nae i hoku ao ae fakatātā, nae logo be, bea neu ogo‘i ae le‘o, nae behe,

¹⁷E faa agatonu lahi hake ae tagata ki hono Otua? e maonioni lahi hake ae tagata ki hono Tubuaga?

¹⁸Vakai, oku ikai te ne falala ki he ene kau tamaioeiki, bea ko ene kau agelo oku ikai ke ne fakamalo ki ai.

¹⁹Kae hua noa akinautolu oku nofo i he gaahi fale umea, ko ho nau tuuga oku i he efu, bea oku taomia akinautolu o hage be koe ane?

²⁰Oku ta hifo akinautolu mei he bogibogi o a‘u ki he efiafi: oku nau auha o taetuku, ka oku ikai tokaga ki ai ha taha.

²¹Bea ikai oku mole atu ae lelei kotoabe oku iate kinautolu? oku nau mate, io i he tae ha boto.