KOE TOHI A JOBE 41:1-34 TON1884 - Bible AI

¹Ki he malohi lahi ae Otua oku fakaha i he levaiatani. OKU ke faa fuji hake ae levaiatani aki ae mātau? be ko hono elelo aki ae afo oku ke tukutuku hifo?

²Oku ke faa ai ae mātau ki hono ihu? be vili ke aji hono kouahe aki ae tala‘i akau?

³Te ne fai ene gaahi hu tāumau kiate koe? te ne lea aki ae gaahi lea malu kiate koe?

⁴Te ne fai ae fuakava mo koe? te ke ma‘u ia ko hoo tamaioeiki o taegata?

⁵Te ke fakava mo ia o hage koe manu buna? be te ke nootaki ia maa hoo kau taahine?

⁶E fai katoaga aki ia e ho kaumea? te nau vahevahe ia ki he kakai fakatau?

⁷Oku ke faa fakabito hono kili i he tao ukamea talatala? be ko hono ulu i he tao hoka ika?

⁸Hilifaki ho nima kiate ia, manatu ki he tau, bea oua naa toe fai ha mea.

⁹Vakai, oku taeaoga ke amanaki kiate ia: ikai e to ki lalo ha toko taha i he mamata be kiate ia?

¹⁰Oku ikai ha toko taha oku loto lahi e fie ue‘i ia ke tuu hake: bea ka kuo behe kohai koa e faa tuu i hoku ao?

¹¹Kohai kuo ne tomua fai kiate au koeuhi keu totogi ia? koe mea kotoabe oku i lalo lagi oku aaku ia.

¹²E ikai teu fakabuli hono gaahi koga, be ko hono malohi, be ko hono matamata lelei.

¹³Kohai te ne faa ilo ae mata o hono kofu? be kohai e faa ha‘u kiate ia moe balaiteli lou ua?

¹⁴Kohai te ne faa too ae mataba o hono mata? oku fakailifia hono gaahi nifo oku takatakai.

¹⁵Oku viki ia i hono gaahi uno, aia oku tabuni fakataha o hage koe mea buluji mau.

¹⁶Oku fegutaki behe ae taha ki he taha, aia oku ikai faa hu ai ae matagi i ho na vahaa.

¹⁷Oku nau fehokotaki, o febikitaki fakataha, bea e ikai faa vahe‘i.

¹⁸I he ene mafatua oku ulo ai ae māma, bea oku tatau hono mata moe laumata oe bogibogi.

¹⁹Oku alu atu mei hono gutu ae gaahi māma ulo, oku buna mei ai kitua ae gaahi kalofiama.

²⁰Oku alu atu i hono ava‘i inu ae ohuafi, o hage koe kulo vai kuo lili, be koe fuu kulo.

²¹Oku tutu e he ene mānava ae malala, bea oku ulo mai ae afi mei hono gutu.

²²Oku nofo ae malohi i hono kia, bea oku liliu ae mamahi koe fiefia i hono ao.

²³Ko hono gaahi io‘i kakano oku biki fakataha: oku malohi ia i ai; oku ikai faa ue‘i.

²⁴Oku malohi hono loto o hage koe maka; io, oku fefeka o hage koe koga oe maka tokalalo oe mea momoji.

²⁵Oka fokotuu hake ia ki oluga, oku manavahe ae kau malohi: koe mea i he faa maumau oku nau fakamaa akinautolu.

²⁶Koe heleta oia oku ne ta kiate ia oku ikai tau; be koe tao, be koe tokotoko, moe kofu tau.

²⁷Oku tatau kiate ia ae aione moe mohuku, ae balasa moe akau bobo.

²⁸E ikai hola ia i he gahau: oku ne liliu ae gaahi makata koe veve.

²⁹Oku ne ui ae gaahi gahau koe mohuku momoa: oku kata ia i he aboabo oe tao.

³⁰Oku i lalo iate ia ae gaahi maka majila: oku ne folahi ki he belebela ae gaahi mea majila.

³¹Oku ne fakalili ae loloto o hage koe kulo: oku ne gaohi ke tatau ae tahi moe ibu oe mea tākai.

³²Oku ne fakagigila ae hala kimu: iate ia; e mahalo e ha taha oku hinehina ae loloto.

³³Oku ikai hano tatau i he fonua, aia kuo gaohi ke tae manavahe.

³⁴Oku ne vakai ki he gaahi mea maoluga kotoabe: koe tu‘i ia ki he gaahi fānau kotoabe oe laukau.